Sunday, February 22, 2009

بنت شمعتها قايده

هي ..فتاه في العشرين من العمر جميلة وجذابه وكما تصفها والدتها ( أنا ماما بتقولي إن شمعتي قايدة ) يعني كل يومين تحكيلي ان عريس متقدملها معرفش بتشتغلني البنت دي ولا ايه حكم انا من زماااان كنت اتعرفت على بنت ولما حست اني معجب بيها حبت تستفزني او ...الله اعلم بحركات البنات كانت كل يوم تقولي
هي : انا فيه تلاته اتقدمولي
انا : يا سلااااااام تلاته مره واحده
هي : أه ..لعلمك انا مفيش مره اخرج فيها من البيت غير لما اتنين او تلاته يمشوا ورايا ويجوا يتقدمولي في نفس اليوم
!!!!!!!!!!!!
............
نرجع لموضوعنا
سألتني انا عايزه اخد رأيك يا استاذ أحمد
اتفضلي
فيه واحد عايز يتقدملي هو اكبر مني بسبعتاشر سنه وشكله وحش
- طيب وانتى موافقة وهتتجوزيه ؟
- أيوه
- ليه؟
- علشان هو هيكتبلي بيت تلات ادوار في اكتوبر وكمان عنده عربيه حلوه اوي
- وهو بيحبك ؟
- ده بيموت فيه
شوية موبايلها رن
- ييييييييه ..كنا لسه في سيرته
- طيب اسيبك تردي عليه
- لا مش هرد عليه
- اشمعنى ؟
- اصل صوته وحش مش بحب صوته ولا كلامه
!!!!!!!!!!!!!!
فأبتسمت ابتسامه خفيفة وقولت
- مش ملاحظة حاجه ؟
- فرفعت إحدى حاجبيها وقالت - ايه هي ؟
- ان هو بيضحي بممتلكاته علشان سعادته وانتى بتضحي بسعادتك علشان ممتلكاته
وهو ده السؤال اللى لازم تجاوبي عليه الواحد يضحي بإيه علشان إيه؟ وعن اذنك انا عندى جلسة
فنظرت لي تلك النظرة التي تدل على ذكاء خبيث وهى نظرة اعتادت عليها كلما فكرت في مراجعة حساباتها
بس اطمنوا هتكمل للاخر
..........
طبعا دي مش قاعده ان بس حبيت احكيلكم قصة من الواقع
ملحوظة : كنت بتوقع ان اللي متجوزه واحد مرتاح اوي ماديا انها هتكون سعيده إلى أن وجدت ان معظم اسباب الطلاق في هذه الحالات يرجع الى عنف الزوج وقيامه بضرب زوجته بشكل هيستيري
وينتهي الزواج بانها مستعدة تتنازل عن كل شئ علشان ..سعادتها
طب ما كان من الاول

21 comments:

dodda said...

يا لها من حياه سوداء شديده السواد

كلامك حكم يا عسقوووول

تضحى بايه عشان ايه؟؟؟

او اصلا تضحى ليه؟؟
الفلوس والاملاك تسوى ايه؟؟
والا خلاص كل حاجه بتتقيم بالجنيه!!!

الباحث عن الحقيقة said...

وانتي كلامك كله اشعار
ما عدا اول سطر كله سواد
وانا ناقص ياختي :)

ملحوظة: Posted by الباحث عن الحقيقة

وشكرا لزيارتك الرقيقة

بسمـــة مســـــلّم said...

السلام عليكم اولا شكرا على موضوعاتك الواقعية بس رأيى ان البنت لازم تفكر بوسطية يعنى اللى حيخليها تعيش فى مستواها على الاقل وكمان تكون سعيدة معاه او فى قبول واعرفى ان قرارك لازم يكون حكيم وبعيد عن الانانية لان الرجوع فيه بعدين حيجرح اجمل ملايكة وساعتها لتضحى عشانهم او تستندلى واقصد بكلامى الوضعين يعنى الفقير والغنى واكيد بضم صوتى ليك يا احمد سلااااااااااام

بسمـــة مســـــلّم said...

واكيد منتظرة تعليقك على مدونتى والدعوة عامة للجميع

همس الاحباب said...

سؤال جميل والاجابة عنه اصبحت صعبة
لاننا جميعا نعرف الاجابة السليمة
ولكن نختار الجواب الخطا
كله مقدر ومكتوب يا باشا
بس هما الناس مش مقتنعة انك احمد ليه
وبتشكك فيك
ههههههههه
وكلامك حكم يا عسقول
احنا نفك الشركة دى ونشوف محامى يخلصنا
هههههههه
تحياتى

????? said...

والله انا شايفه ان ده شئ عادي بالنسبه لان مفيش حد صادق وعنده ضمير فعادي انها تفكر كده وعموما مشكور

MaNoOoSh said...

تصدق ان فية بنات كتير جدا بالشكل دة..
وفى الاخر بيندموا بس بعد فوات الاوان
وفعلا عندك حق الواحد لازم يسال نفسة هيضحى باية علشان خاطر ايه
بس استنى هنا بقى.. انت بتقول تستفزك.. يعنى شكلك بتفكر فيها...
صح؟
عموما هى مش حد يتزعل عليه يعنى وربنا يوفقك فى بنت الحلال الصالحة
تحياتى وتقبل مرورى

mohra said...

بعض الناس بلا روح

عاشقه وغلبانه said...

يعني كل حاجه فيه مش عاجباها وهاتتجوزه بس لانه غني
ثمن قليل اوي علي التضحيه اللي هاتقدمها
انا مش فارق معايا السن بالعكس
هو لو اكبر بس بتحبه لشخصه وغني برضو او اي يمميزات تخليها تحبه انا موافقه

بس كده بتبيع رخبيص

صبرني يارب said...

باااااااااحث ظهر يا ميييييييينز

ازيك الاول وكيف احوالك
يارب تكون بخير

ماهو دايما كده يا باحث يسعى الانسان الى حتفه

وبعدين تستاهل ضرب الجزم ياعم مادام عايزه البيت والعربيه

طب مافى ناس عندهم بيت وعربيه برضه بس حلوين وصوتهم حلو

بس ما يبصوش لامثالها برضه ههههههههههههههههههههه

ستيتة said...

يا واخده قرد في عينك على ماله
ممكن يروح بيت سته اكتوبر
بس القرد ها يفضل على حاله

وممكن ما يروحش البيت ولا العربية
وتروحي انتي لمحكمة الأسرة وهو ماله

اول مرور وعجبتني قوي مدونة الحقيقة دي

Anonymous said...

مش ملاحظ ان البوستات الاخيرة بتاعتك كلها عن النماذج السيئة من الجنس اللطيف ؟
واضح إنك بتعاني من ازمة عاطفية وبتحاول تنتقم : )))

mahasen saber said...

وارجع وااقول الجواز قسمه ونصيب
وقدر هيصيب هيصيب
لانه كتب فى اللوح المحفوظ

بنت الصالحين said...

:)))))))

صحيح ماكان من الاول

بس تقول ايه فيه ناس فاكرة انها بتفكر صح

بتفكر تبني بيت اساسه المظاهر

وللاسف دي نهايتها مش حلوة خالص

يلا ربنا يهدي

الله يرحم زمن احنا بنشتري راجل وان زي ابننا والكلام ده




مبارك نزول التدوينة:)

بنت الصالحين said...

بس معلش

:)يعني ايه بنت شمعتها قايدة؟؟؟؟

????? said...

اسمحلي يا اخ باحث انا مش فاهمه انت شاغل نفسك باللي حواليك يستحسن ان الواحد يبص دائما للافضل علشا يتعلم منه مش يبص للا شكال دي

قلب ينبض بالحب said...

ياعسقول الي شايف الدنيا بمقاييس البنت دي يبقى هيعيش الدنيا زي ماجه زي ما راح لاهيخرج بشي يحسب ليه ولا حتى عليه وحلوة قوي شمعتها قايدة دي ممكن استعمله في بوستات البنات عايزة ايه يعني ولا مش ممكن تحياتي لمواضيع في الجون دمت بكل الخير

Soul.o0o.Whisper said...

يااااااااااااااه
حمدلله ع السلامة

كل شهر و أنتو طيبين
عقبال ما نشوفكم الشهر الجاى يارب
:)



بص يا باحث
الناس اللى بتاعت المظاهر
بتدور على المظاهر
و الناس اللى بتدور على الروح
بتدور على الروح
و فى كلا الحالتين هما بيدوروا على السعادة


لكن بمقاييس مختلفة
و دا طبعا حسب المعايير اللى سايدة فى المجتمع


لكن بعد كدا الانسان بيكتشف ان سعادته فعلا بتكون مع الشخص اللى يحسه و يفهمه
و يشعره بقيمته كانسان


احيانا بيكون قبل فوات الاوان
و دا اذا كان واحد عاقل و بيفكر صح
و اما بعد فوات الاوان
و بيفكر حسب الناس بتبص لايه


لكن فى الاخر مافيش حاجة بتجي اعتباط
و الواحد لازم يتلسع عشان يتعلم
و كل شئ بقدر و حكمة

و بعدين يا باحث انت اللى شمعتك قايدة ما شاء الله
انت مش ملاحظ ان كل بوستاتك بئت عن البنات
ارحم
ارحم
هههههههههههههههههههههه




دمت بود

صباح الصباح said...

دة كلالالالالالام كبير يصعب فهمة ياريس

اية الفلسفة الجامدة دى يا مان

بجدبجد واحشنى جدا

koukawy said...

تصور فعلا اللي بيضطرول للتنازل عشان الطلاق بقوا كتيييييييييييييير اوي

شهووووده said...

تعشق ماله واملاكه.. ولا تهوى مجرد سماع صوته !!!

منطق غريب؟؟ لا اردي هل ستتزوج المال ام صاحبه ؟؟ام انها ستنتظر حتى ترثه؟؟



قوية ومؤثرة هي كلمتك الأخيرة..

تضحى بايه عشان ايه؟؟؟

شكرا لك على هذه القصة المؤثرة