Tuesday, April 28, 2009

الفاضية ..تعمل قاضية

الباحث داخل قاعة إحدى الجلسات الكلية
واحد , اتنين , تلاته ..وده السكرتير امال مين اللي على اليمين دي

هامسا للاستاذ اللي جنبي : هو مين اللى على يمين رئيس الدايرة

هو : دي عضو اليمين

يعني ايه عضو اليمين؟

هو : يعني قاضي

قصدك قاضية !!!.. بتتكلم جد ؟؟

هو : ايوه


....................


في احدى الجلسات الجزئية

واحد هو القاضي , اتنين سكرتير الجلسة

يا ترى مين دي كمان اللي جنب السكرتير ؟؟

هو : قاضية

اتنين قضاه في الجزئي ..طب ازاااي ؟

هو : لا دي جاية تتمرن بس ..بس ايه ..حلوه اوي

هو 2 : طبعا انت عايز قاضي شعره اصفر ولابس نص كم... ومش عايزه يبقى حلو
................................

نتكلم شويه بقى
بصراحة يا جماعة كده ما ينفعش ..يعني ايه قاضي واحدة ست

مش معقول

يعني المحامي هيقف يركز في اللي بيقوله ولا في القاضي وحلاوته

وبعدين افرض مثلا جوزها حلف عليها في يوم ما تنزلش

ولا القاضي بيرضع

ولا مكياجه باظ

ومن الناحية القانونية

يا جماعة قبل ما كنا نفكر في تقليد المرأة منصب القضاء تشبها بالغرب مثلا

كان لازم نحط في اعتبارنا اللي كلنا عارفينه وهو ان الست المصرية مش زي الست الاوربية

ولا مجتمعنا المصري زي المجتمعات دي

ده غير اننا نحط في اعتبارنا شريعتنا الاسلامية واعرافنا المصرية
يعني ايه؟
يعني مثلا على مستوى القضاء العرفي ..اللي هي جلسات التحكيم وقعدة العرب زي ما بنقول
جرى عرف الناس على ان قعدات وجلسات التحكيم بين الناس والخصومات قبل ما توصل للقضاء بيكونوا رجال
فإذا كان العرف بتاع المصريين بيرفض ده ..ازاي القانون يفرضه عليهم
نيجي بقى من الناحية الشرعية
القضاء ولاية
والولاية هي النصرة
وشرط الولاية الذكورة
ولاية القاضي ولاية نيابية فهو ينوب عن الامام الحاكم في القضاء
وشرط الولاية الكبرى الذكورة
ولاية القاضي ولاية نيابية متعدية
فهناك الولى على نفسه مثل اي انسان
اما القاضي فولايته تتعدى نفسه إلى الولاية على الاخرين
والمرأة ليس لها في الاسلام ولاية على احد
ولا على اولادها بعد وفاة زوجها
المرأة في الاسلام موضع قوامة والقوامة من الولاية
فكيف بمن لا ولاية لها على نفسها ان يكون لها ولاية على غيرها
ليس للمرأة عند جمهور الفقهاء ولاية في تزويج نفسها
شهادة المرأة نصف شهادة الرجل إلا في شئون النساء
للزوج على زوجته حق الاحتباس والقضاء حق الله لانه فرض كفاية
وحق العباد مقدم على حق الله
فإذا اراد زوج القاضية ان يحتبسها لم يكن لاحد منعه
ودلوقتي ممكن حد ييجي ويقول ان عمر بن الخطاب ولى الشفاء امر الحسبة
نرد ونقول : اصل الحسبة هي الامر بالمعروف والنهي عن المنكر
وده تكليف عام لكل امة الاسلام
يقول تعالى " كنتم خير امة اخرجت للناس تأمرون بالمعروف وتنهون عن المنكر " صدق الله العظيم
وقال " المؤمنين والمؤمنات بعضهم اولياء بعض يأمرون بالمعروف وينهون عن المنكر " دق الله العظيم
كما ان عمر بن الخطاب ولاها امارة السوق ..وهو يشبه حملات التفتيش الاداري التي تقوم بها وزارة التموين او الصحة وذلك لمنع ومكافحة الغش التجاري
وهي امور تكون واضحة ولا تحتاج الى دراية وفحص ومناقشة الادلة والموازنة بينها
وغالبا تكون عقوباتها هي التعزير الفوري
ودلوقتي ممكن حد يقول ان بعض الفقهاء اجازها
ابو حنيفة اجاز تولي المرأة القضاء فيما تقبل فيه شهادتها
الطبري وابن حزم اجازا ذلك مطلقا
ونقول ان هذه اجازات باطلة ومخالفة لما علية جمهور الفقهاء لتعارضها مع وضع المرأة في الاسلام الذي جعلها دائما موضوع رعاية وارشاد وحفظ من الهلاك وجعل القرار في بيتها هو الاصل فاباحة القضاء يتعارض مع الاصل بعدم الاختلاط والاحتكاك بالرجال وهو المطلوب في شئون القضاء فالعرف مصدر من مصادر الاحكام يحتاج الى خبرة ودراية ووضع المرأة شرعا لا يتيح لها ذلك
كما ان المرأة مخلوق عاطفي سريع التأثر مما يثر على الاحكام بالسلب وتحقيق مصالح الناس غاية في الشرع لا يمكن المخاطرة بها
وم الاخر كده في رأيي ستات بلدنا ما ينفعوش للقضاء
القاضي لازم يكون له هيبه يا جماعة في نفوس الخصوم
ده المحامي لما بينفعل بيزعق للقاضي والقاضي بينفعل والحوار بيشتد ويحتد والزملاء المحامين عارفين ده كويس ما بالك لو القاضي ست بقى

35 comments:

مهندس مصري بيحب مصر said...

كلامك لا حيقدم و لا حيأخر
و الموضوع إتنفذ خلاص
يبقى تقعد جنب الحيطة و تسمع الزيطة
و اللي ما يشتري يتفرج
:))
و بكرة التجربة تثبت كلامك أو تنفيه
ثم ما هم في القضاء الإداري من زمان

الباحث عن الحقيقة said...

ازيك يا باشمهندس نزلت مصر ولا لسه
ايوه انزل يا راجل علشان تقعد جنب الحيطة معايا ونسمع الزيطه سوا

يا باشا فرق بين النيابة الادارية وبين القضاء العادي
النيابة الادارية دي بتشوف الموظف مخالف ام غير مخالف والجزاء اللي بيتوقع عليه جزاء تأديبي
ولو فعله بيشكل جريمة منصوص عليها في قانون العقوبات بتحيله للنيابه العامة
تتصور فكرتني بحاجه
انا عمري ما شفت محاميات في هيئة قضايا الدولة رغم انها اهون بكتير من غيرها

مهندس مصري بيحب مصر said...

نزلت و لا لسه ؟!!!!!!
دا إنت عايش في الكهف بقى مع أهل الكهف
صح النوم يا أستاذ
أنا في مصر من حوالي شهر
و راجع السعودية كمان 3 اسابيع
و نزلت القاهرة مرة و قعدت على البورصة و بعت لك السلام مع عسقول
و كنت نازل تاني الجمعة اللي فاتت بس ما نفعش
لإني قرأت فاتحة ليلتها و خطبت
:)
و عسقول عرف و هناني
:)
مش بأقول لك إنت في الكهف

عصفور المدينة said...

حمدا لله على سلامتك يا أحمد
وربنا يعينكم

صبرني يارب said...

ايه النور الى جه فى البلوج ده يا ولاد عنينا كده مزغلله

نيجى لموضوعنا بقى

شوف انا ما اكدبش عليك انا ما دورتش فى الموضوع ده

بس بناءا على كلامك

وبما ان عمر بن الخطاب ولاها حاجه برضه مش قليله وفيها تحكيم فعلا بين الناس

وكمان ابو حنيفه اجازها

يبقى الناس الى اجازوها لهم اسانيدهم كون انت او انا او اي حد بيختلف معاهم ما يخليهمش غلط


لكن حكاية ان الست قليلة الخبره وحساسه ومش عارف ايه ده فى رايي مش حجه خالص
فى ست بيبقى عقلها يوزن عشر رجاله

وفى راجل بيبقى مخه ولا العيال

الناس مش زي بعضها

انا الى اعرفه ان القضاه الرجاله ما بيصحوش من النوم يلاقوا نفسهم قضاه

صح ولا ايه ؟؟

بيتخرجوا ومش عارفه انا التسلسل الوظيفى بتاعكوا ايه على فكره

لكن مؤكد يعنى بيتعرض لتجارب وخبرات نتيجه لتدرجه فى العمل

الست بقى الى هاتبقى قاضي مرت بالكلام ده ولا لا ؟؟

ده السؤال

يعنى كانت بتعاين مثلا جرايم ولا بيخافوا على احساستها ؟

بتشتغل ويطلع عينها زي الرجاله ولا كانت حامل وبترضع ومش فاضيه

والله واحده اجتازت كل ده
يبقى تقدر تكون قاضيه جايز


وجايز انت تكون عارف رايي فى الاختلاط والاحتكاك بالرجال لانى اتكلمت فيه قبل كده عندي على الرؤيه الاسلاميه

الا ان تولي الشفاء الحسبه اكيد كان فيه اختلاط واحتكاك
ولا السوق كان حريمى ؟

ولو انى ما باحبش استشهد بعهد الصحابه كدليل قاطع الا انه هدى


لكن ابقى اقرا عندي الموضوع ده
http://islamic-vision.blogspot.com/2008/11/blog-post_28.html

عندي وشوف كده ما سوقته من امثله



خلينا ما نخرجش عن الموضوع

واقول راي نهائي
لو الست مرت بنفس مراحل الرجل فى التعليم والخبره العمليه فى سلك القضاء تمنعوها ليه تكون قاضيه ما دام فى راي من اراء الائمه اباحها ؟
حتى لو كان راي واحد من حق اي حد ياخد به

طيب ما كنتم تمنعوها من سلك القضاء كله وخلاص

اقولك علىحاجه

احنا نوأد ا لبنات من الاول وبلاش دوشه
هههههههههههههههههههههههه

تحياتي لك على الموضوع الى سمعناه على لسان واحد شاف قاضيه بصحيح

بس كانت حلوه بجد يا باحث ؟
وشعر اصفر وحركات ؟

امال الحريم الى جابوه يناقشوا الموضوع ده في التلفزيون ما كانش لهم دعوه بالحريم ليه

ده انا حتى اول ما شوفتهم استغربت هما جايبينهم يدافوا عن المراه ليه
ههههههههههههههههههه

Soul.o0o.Whisper said...

السلام عليكم و رحمة الله و بركاته


اييييييييييييييه دااااااااااااا؟؟
البوست دا نزل امتى؟؟؟

انا لسه شايفاه حالا
طب مش تزمر طيب
قول اى حاجة

على العموم
أولا : حمدلله على السلامة

و بالنسبة لحكاية قاضية و لا مش...
الحكاية يا متر لاهى حكاية فى الدين و لا مش من الدين

الحكاية انها استيراد
و تشبه بالغرب ليس الا
ثم الاتيان بالدليل من الشرع و الدين عشان بس الشكليات

الموضوع تفصيلا و اجمالا مالوش علاقة بالدين
الدين دا عشان الواجهة العامة بس


ربنا يهدى الجميع يارب




دمت بود

الباحث عن الحقيقة said...

مهندس مصري
الف مبروك يا باشمهندس
عملتها من غير ما تقولنا
ماشي يا عم عموما فاضلك تلات مرات يا حاج متولي
الف مبروك وربنا يتمملك بخير

الباحث عن الحقيقة said...

استاذي
انت حلم
شكرا لزيارتك ومودتك
ربنا يحفظك لنا

الباحث عن الحقيقة said...

صبرني ياااااا رب
من اولها كده كرسي في الكلوب
ماشي يا عم ال صبرني

عمر بن الخطاب ولاها الحسبة لكن لم يوليها القضاء
وقلنا لان المحتسب زي المفتش واللي بيعملوا محاضر بيع ازيد من التسعيرة
عمل اداري يعني وليش قضائي
القضائي اللي هو بيكون فيه فصل بين خصمين
ده رسول الله قال : انكم تختصمون لدي ولعل احدكم يكون ألحن في حجته من اخيه فأقضي له فمن قضيت له من حق اخيه شيئا فأنما اقتطع له قطعة من نار .الحديث او كما قال

وبعدين ابو حنيفة اجازها فيما تقب فيه شهادتها يعني قاضي حيض ونفاس
أحم أحم
:))

والطبري اجازها قياسا على جواز ان تكون مفتية قلنا هذا قياس مع الفارق
ليه؟
علشان القضاء خصومة وكل طرف يصور الحق في جانبه فتحتاج خبرة ودراية اكثر وعقل قادر على وزن الادلة وفحصها

اما الفتوى فشخص بييجي ويصف حاله للمفتي ويطلب انزال الحكم الشرعي على حالته

أقولك على حاجه
سيبيني افكر في وأد البنات ده وارد عليكي
هههههههه

بس بصراحه انا بحب مناقشاتك لاني بستفيد معاكي
وربنا يستر
بس خدي بالك الواقع النظري غير العملي
يعني مثلا عندنا قانونيات اكاديميات لكن في مجال العمل مش بنفس النبوغ زي امال عثمان وفوزية عبد الستار
ودمتم

الباحث عن الحقيقة said...

سوووول
الضاكتورة ايمان

والله جبتي م الاخر
اهو تقليد وخلاص دون وعي للفارق بين الست المصرية ووضعها في مجتمعنا
وبين الست الاوربية ووضعها وشريعتهم هناك ايه

وانتي ازيك بقى فتحتي الكشك اللي على الناصية وكتبتي عليه صيدلية ايمانكو ولا لسه

Soul.o0o.Whisper said...

ممممممممممم

لا لسه يا باحث
مش راضيين

و كمان لسه التكلييف جاى فى السكة

دعواتك بئا


و فى مقولة حكيمة قالوها زمان

"لا تشمت ببلوة أخيك
فيعافيه الله و يبتليك"

ماااااشى


لما نشوف آخرتها معاك

L.G. said...

اخيرا عدنا
بصراحة ومن غير إبداء اسباب أنا ضد عمل المرأة كقاضي منصة تماما

تماما

الباحث عن الحقيقة said...

L.G
ال جي عندنا يا مرحبا يا مرحبا
سبحان الله كنت بفتكر من يومين المدونات وايام التدوين ورفاقه وجيتي على بالي
اهلا وسهلا دائما منورانا

جايز علشان موضوع القاضية ده جديد وغري على مجتمعنا
وكمان من الناحية الشرعية زي مانا ذكرت
لكن الحقيقة صبني يا رب خلتني بأعيد النظر تاني

**************

ضاكتوه سوووول
ازاي سوووولت ليكي نفسك تقوليلي ماااشي

اما كنتى اخرتها تسحي بريفو قدام المحطة
لما نشوف اخرتها معاكي انتي

Anonymous said...

ويا سلاااااااااااااااام بقي لو طلعت القاضي , متعوده دايـــــــــــــــــــــــــــما

الرول كله ها ياخد براءة

كلام على بلاطة said...

الله يعطى ويأخد
كلنا نفرح ونــسر بالانجـــاب والميلاد
ونحزن للمـــوت والفراق والاســـترداد
مع ان الحياة امــانة من الله للعباد
يستردها فى حينها حين يحـــين والميعاد
ولحبنا لحبايبنا نحزن للفراق والابتعاد
وهذا شعور انسانى طيب و جميل لمن اراد
ولكن فى حدود الشكر والرضا والاستحماد
فالله يعطى وياخد وبمنتهى الحب والوداد
جل شانه صاحب هذا الحق وهذا الانفراد

هندسة وصفية said...

انا بغض النظر عن الموضوع لانه انا اعرف ستات كتير نافسوا الرجالة في مجالات كتير و تفوقوا عليهم
بس المشكلة الي مضيقاني انه بس عينو سيدات قاضيات عشان سوزان عايزة كدة من غير اي تفكير

سبهللة said...

بصراحة كلامك منطقى جدا
بس مش هنا
قصدى مش فى البلد ى
لان انت بتتكلم على شرع الله
وهو اصلا لا يطبق فى حاجات كتيييييييير اوى
اشمعنى هايطبقوه فى دى؟؟؟؟

مجرد مدونة said...

امال بقى اللى عايزين يمسكوها رئيس جمهورية قد الدنيا هتعمل معاهم ايه
وعلى رأيك تبقى فى اجتماع مع الوزراء وتقول لهم معلش يا جماعة هرضع الواد واجى
أو مثلا تلاقيها اخدت اجازة وضع
الله المستعان

بنت الصالحين said...

: )))

ياسلام لو زعقت للقاضية

هتعيطت وتصوت وتلم عليك الجيران اقصد المساجين

وسنتك ياباحث هتبقي بيضا ان شاء الله

: )))




اذيك .. ايه الاخبار ؟؟

حلم بيعافر said...

ايوه كده خلى الواحد يجيله نفس يروح المحكمة

أنت...وأنا said...

دام المحامي المثقف يقول هذا الكلام ماذا ترك للذين لم يتعلموا؟؟؟
والله المتخلف لو ياخذ شهادات الدنيا يضل متخلف
تتكلموا علي المراه بهذا الشكل نشوف انتوا عملتوا ايه؟؟؟ انتوا يا رجاله !!! سامعين يا رجاله
يعني انتواتتكلموا بالدين والعلم والشرع عن المراه طيب لو سمحتوا ممكن تتكلمو عن الرجل في هذه الامور
احنا نريد تحرروا لنا القدس وترجعوا تحرروا العراق وبعدين اخوانا الافغان حرام مسلمين مثلنا حرروهم بطريقكم يا رجال
ويا اهل الدين نريد ان نري المراه مكرمه مش انتوا القوامين؟؟؟ وتتكلموا بالدين ورونا شطارتكم
وتعرفوا ابتدوا من مصر شيلوا الخشخيشه الي بيد ستكم ليفني الي جت لعبت في السيد الريس وابو الغائط مين لعب فيهم؟؟؟ ليفني تعرفوا ليفني هذي مين وحده ست وبعدين اتكلموا علي الرئيسه الي تقول لو سمحتوا اروح ارضع ابني
دام المره وضيعه كدا روحوا موتوا نفسكم لان كل واحد له ام جابته... يا سيد باحث عن الحقيقه ابحث عنها في عقلك ... والله يقولك دي عادات جايبينها من اوربا .. خلي واحد يتزوج اوربيه تلاقيه واقف علي حوض غسيل الصحون وله يطبخ لها هيه اليوم تتاخر بمكان عملها انتوا مش بتحترموا المحترم انتوا بتحترموا الي بتخافوا منو الي بتعرفوا انوا حيبهذلكم
شوف الي ماخذ بنت فقيره وشوف الي ماخذ بنت عز واحكموا يا رجاله ياااااا ر ج ا ل ه في زمن بقيتوا فيه......

Asmaa mahaba said...

بزمتك يعنى الست اللى حتمسك قاضى حتبقى ارجل من القاضى الراجل نفسه عشان تقبل على نفسها تمسك منصب زى دا
طيب انا مره شوفت حوار بين مزيع وواحده قاضى ناقصها شنب وتبقى شبه الواد عمر ابن خالى
عادى بقى كتر خير ماما امريكا وثقافتها الغربيه ونرجع ونقول البنت زى الولد مهيش كماله عدد :)) عندك اى اعتراض اتصل ب 0000000 او طخ نفسك
يا عدو نجاح المراه :P

Ahmed Mubarak said...

مممممم
فتحتلي طرق تانيه في دماغي افكر فيها

Anonymous said...

اذا تمردت على الله فانت تتمرد على كل جميل فالله لم يامر بقبح ولا غباء .اذا تمردت على الله فلتتزوج المحارم ولتزنى بهن فالله لم يامر بهذا وتمردك عليه يعنى انت تفعل كل ما نهى عنه فلتزنى بمحارمك اتستطيع ؟ اقول لك لن تستطيع انها الفترة التى خلقك الله عليها فلتقتل اباك او صديقك فلتسرق فلتنهب فلتغتصب وانت اذ تفعل فانت تتمرد على الله لانه ما امر بهذا لتدعوا اقربائك الى امتهان الزنا والرزيلة لتثبت تمردك على الله فقد نهى عن ذلك ارجو ان تعيد التفكير فى كلامك وفى طريقتك

اقصوصه said...

اممم

انا اشوف ان هالشي عادي

ما فيها شي :(

Anonymous said...

ليه كده بس، هو الدين ده نازل للرجالة بس ولا إيه، يعني إيه الست ملهاش حكم حتى على نفسها، ولما ربنا مدي الراجل الولاية عليها، أمال في الآخر بنتحاسب كلنا رجالة وستات سواسيه ليه، ما يبقوا الرجالة كمان يخدوا ضعف العذاب أو ضعف الحسنات زي نساء النبي كده(يعني مالآخر بقيتوا يرضو بتتشبهوا بالستات)، ولا كان ربنا أساسا أعطى السيدات عقل ليه، ما كان يخلق مخلوقات تانية للسرير والعيال وخلاص، ومالها يا أستاذ لما تكون ست حايضة، انت حضت قبل كده؟ يبقى متتكلمش في اللي متعرفوش، الحايضة والنفسة دي تبقى أمك وأمي وأم النبي نفسه. فكوكوا بقى من الستات عشان كلهم ضفرهم برقابتكم، فالحين بس تقولوا ان الدين الاسلامي هو أول دين ينصف المرأة ومعرفش إيه، وبقت المجتمعات التانية بمختلف ديانتها بتعامل المرأة أحسن مليون مرة من نظرنكم الوضيعة دي ليها، يلا يا عم سلام

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

Anonymous said...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى
www.ouregypt.us

Anonymous said...

ثقافة الهزيمة .. طيور الظلام‏

و نشرت جريدة اليوم السابع فى 26 يونيو 2011 .. وثيقة تثبت تورط عمرو موسى خلال توليه منصب وزير الخارجية، في الموافقة على إتمام صفقة تصدير الغاز إلى إسرائيل، وتشجيع وزارة البترول المصرية على سرعة إتمام الإجراءات الخاصة بها،

الوثيقة عبارة عن خطاب موجه من عمرو موسى في نوفمبر 1993 إلى وزير البترول المصري آنذاك المهندس حمدي البنبي، يتضمن تأكيد موسى موافقته على تصدير الغاز إلى إسرائيل، كما يوضح الخطاب الدور الذي لعبه عمرو موسى في قضية تصدير الغاز إلى إسرائيل في إطار المشروعات الإقليمية في مجالات الغاز والبترول في المنطقة ضمن أجتماعات التعاون الأقتصادي الإقليمي التي عقدت في العاصمة الدنماركية كوبنهاجن في بدايات نوفمبر 1993.

ونشرت صورة ضوئية من الخطاب تثبت ما سبق، ويحمل في نهايته توقيعه .... لمزيد من التفاصيل أذهب إلى مجموعة مقالات ثقافة الهزيمة (بقلم غريب المنسى) بالرابط التالى

www.ouregypt.us

و المقال يتحدث عن بطولات أحمد شفيق الوهمية و جلاد التعذيب الدولى عمر سليمان

Anonymous said...



ثقافة الهزيمة .. ذكريات الأرض المفقودة


و نظرا لأن هناك لوبى نووى قوى فى أغلب الدول العربية يشجع شراء و بناء مفاعلات نووية يدعمه فساد بعض المسئولين من ناحية، و تجاهل كثير من وسائل الإعلام العربية لأخبار حوادث المفاعلات النووية بصورة مريبة من ناحية أخرى ، بالأضافة إلى جهل كثير من الناس بخطورة المفاعلات النووية ، قررت نشر هذه المعلومات سيما أنه بالفعل أشترت دولة الأمارات 4 مفاعلات نووية بتكلفة تزيد على 20 مليار دولار، و نقرأ عن خطط سعودية لشراء 16 مفاعل نووى بتكلفة حوالى 100 مليار دولار ، و سعى محموم فى بعض الدول العربية و منها الأردن و مصر لشراء مفاعلات نووية لتوليد الكهرباء !!! ...
باقى المقال بالرابط التالى

www.ouregypt.us


و نشرت مجلة دير شبيجل الألمانية فى 29 مايو 2012 " أشعاعات نووية : أكتشاف سيزيوم من فوكوشيما فى أسماك التونة أمام السواحل الأمريكية" أسماك التونة أمام السواحل الأمريكية ثبت وجود مواد مشعة نوويا بها ، وهى التى تسربت من كارثة المحطة النووية فى فوكوشيما اليابانية إلى البيئة. فى أغسطس 2011 أسماك تونة تم صيدها من أمام سواحل كاليفورنيا كانت ملوثة بعنصر السيزيوم 137 ، و على أية حال نرى أن الأسماك نقلت المواد المشعة سريعا ، أحتاجت الأسماك من 4 ـ 5 شهور كى تجئ بالمواد المشعة من اليابان حتى السواحل الأمريكية ، بينما الرياح و التيارات البحرية أحتاجت لعدة شهور أضافية حتى تحمل آثار الكارثة النووية فى مارس 2011 إلى سواحل أمريكا الشمالية

Anonymous said...

عطشـــان ياصبايا دلونى على السبيل

فى عام 2008 كتبنا فى مصــــرنا محذرين ...

من المؤسف أن صحفى مصرى مقيم فى أمريكا يكتب و يهتم و يحذر منذ أكثر من 6 سنوات بينما فى مصـــر نيام .. نيام -
عزيــــزى القارئ أرجو أن تتعب نفســـك و تقرأ :
- حوار مع السفير إبراهيم يســـرى
- حوار الفريق ســوار الذهب : أتمنى أن تزول الحدود بين مصــــر و الســـودان
- ثقافة الهزيمة .. السودان أرض مصرية
- ثقافة الهزيمة .. موسم الهجرة إلى الجنوب ...

بالرابط التالى

www.ouregypt.us


قال تعالى
و ضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بأنعم الله فأذاقها الله لباس الجوع و الخوف بما كانوا يصنعون . سورة النحل آية 112

وهذا ما يحدث لمصر الأن فهل من رجوع إلى الله حتى يرحم المصريين مما هم فيه.

Anonymous said...


عصابة النووى

نشرت جريـدة المصرى اليوم فى 17 يوليو 2013 قال أحمد إمام، وزير الكهرباء والطاقة فى تصريحات صحفية، بعد إبلاغه بالاستمرار فى منصبه ضمن حكومة الببلاوى، إن البرنامج النووى لتوليد الكهرباء، سيكون أحد أهم محاور قطاع الكهرباء فى الفترة المقبلة.وأضاف:"لدينا برنامج جيد يستهدف إقامة 4 محطات نووية لإنتاج الطاقة،..

الخبر واضح منه أن عصابة النووى مش ناويين يجبوها البر و كل ما يجئ رئيس يروحوا له لأقناعه بشراء مفاعلات نووية ...
لماذا نشترى مفاعل نووى تزيد تكلفته على 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط؟!!!

بالرغم من كوارث المفاعلات النووية و أشهرها تشرنوبيل "أوكرانيا"عام 1986 و فوكوشيما "اليابان" عام 2011 مازال هناك فى مصر من المسئولين من يصر على أستغفال و أستحمار الشعب المصرى ، و يسعى جاهدا لأنشاء مفاعلات نووية لتوليد الكهرباء!!!!

و أصبح واضحا كالشمس أن هناك عصابة منذ عهد حسنى مبارك مرورا بعهد محمد مرسى و حتى الأن تسعى جاهدة منذ سنوات لشراء مفاعلات نووية لمصر و لا يهم و لكنها صفقة العمر لأفراد العصابة من حيث عمولات بمثات الملايين من الدولارات يستطيعوا بها أن يعيشوا هم و عائلاتهم كالملوك فى أى بلد يختاروه فى العالم أما عواقب المفاعلات النووية التى سيكتوى بنارها المصريين فهذا أخر شئ يهم فاقدى الشرف والذمة و الضمير ...

و نحن فى مصرنا نكتب منذ عام 2007 محذرين من مخاطر النووى و منبهين إلى البديل الأكثر أمانا و الأرخص

ثقافة الهزيمة .. النووى كمان و كمان
ثقافة الهزيمة .. العتبة الخضراء
ثقافة الهزيمة .. أرجوك لا تعطنى هذا السرطان

مزيـــد من التفاصيل و قراءة المقالات بالرابط التالى

www.ouregypt.us

Unknown said...


thx

شركه تنظيف

Unknown said...


thank you

سعودي اوتو

Unknown said...


thank you

سعودي اوتو