متشكرين يا عم عصفور على العنوان الظريف ده
قال كسر البلاص قال ..ده يا جماعة علشان هو ما فازش باى جايزه من الجوايز الكبيره
والان حفل جوائز الميكروباظ ظ ظ
أخيرا وبعد طول انتظار
ومباحثات ومنافسات
وجري ورا التكاتك والسيارات
والجرارات والعجلات
لمعرفة أحلى العبارات
اللي مكتوبه بفن وهبل وابداعات
وبعد الحول .. ولبس النضارات
انا مش قصدى انتى يا فرنسا انا اقصد البت خيخة و قطة الصحراء
ههههههههه
بس اللى اكيد احولت بجد هى سلوى لانها جابت تسعتاشر تعليق مره واحده
وقطة الصحراء قاعدة تبص على العربيات لما السواقين خافوا منها وبطلوا يمشوا من قدامها
نيهاهاهاهااااااااا
شكلى هضرب بعد الحفلة
على فكرة انا مش الباحث انا ابن حجر ..يلا بقى اضربوه ..قصدى اضربونى
ههههههههههههههههههه
لا يا جماعة انا هعترف انا اخوكم المعلم الباحث وصاحب المركز التالت فى المسابقة دى ..معلش كان المفروض اول ما كنت الاول كنت قفلت التعليقات بس قلت اديكم فرصة ..انما انتم دخلتم على طمع
والان
انزل يا بن حجر بالموسيقى التصويرية الاول
والان
ان ان آاااااااان تاتااااا تا طم طم
انفع ملحن صح
والان اترككم مع توزيع الجوائز والزميل ابن حجر سوف يتولى توزيع الجوائز على المشاركين خاصة ان الحفلة من اعداده وتنفيذه
عن اذنكم انا رايح اقف مكانى على المنصة
سيداتى آنساتى سادتى .. مساء العنب على الجميع .. و الدنيامش ربيع و الجو زوابيع .. بيع .. بيع
معكم أبو العساقيل
و الآن مع اللحظة الفارقة .. نعرف مين اللى فاز بالمراكز من أول المركز "الأول و نص" لغاية الآخر
و على بركة الله ... سيرى يا نورماندى .. تو
منصة التتويج الأولى .. و نص
و الجايزة هى القطااااااااار البلاتينى السريييييييييييييع
و المركز الأول و نص ليه تقدير خاص مننا و هو جايزة
الأتوبيس الجباااااااااااااااااااااار
و الآن مع منصة التتويج التانية
بعد بذل مجهود واضح جدا قامت قطة الصحراء باحتلال المركز التانى برصيد ست عشرة عبارة عشان كدة هى تستحق الجايزة الذهبية و هى العربية النقل الذهبيييييييييييييييييييييييييييييييييية
و معاها طقم كاسات من بتاع المعلم
و عشان هى طلبت بالاسم مصاصة لومبو .. جبنا لها مصاصة لومبو
و لومبو مصاصة .. لومبو
لذيذة لذاذة .. لومبو
بتمزمز مزازة .. لومبو
لومبوووووووووووووووووو .. أوه
و بيتقاسم المركز التالت .. المعلم الباحث عن الحقيقة و الأخت حنين و التمنياوى طه برصيد تسع عبارات لكل منهم
و الجايزة بتاعة المركز التالت هى
المايكروباص الفضىىىىىىىىىى
و بيتقاسم المركز التالت .. المعلم الباحث عن الحقيقة و الأخت حنين و التمنياوى طه برصيد تسع عبارات لكل منهم
و الجايزة بتاعة المركز التالت هى
المايكروباص الفضىىىىىىىىىى
و معاهم أبريق من بتاع المعلم برضه .. يبقى كدة جايزة المعلم للمعلم
أما بقى البنت خيخة و أى كلام فأخدت المركز الرابع لوحدها برصيد سبع عبارات
عشان كدة جايزتها هاتبقى
التوك توك البرونزىىىىىىىىىىىىىىىىى
و هى كانت طلبت شوكولاتاية كبيييييييرة .. من عنينا
أما باقى الناس اللى شاركتنا فبرضه ليهم جوايز
المركز الخامس يتقاسمه عليوة و رئيس جمهورية نفسه برصيد خمس عبارات لكل منهما
فهياخدوا الاختراع العجيب دة
خدوا بالكم .. دى بقرة اللى سايقة
طقم غريب ماعرفش دة ينفع للقهوة و لا للشاى
و المركز السابع يا جماعة برصيد عبارتين فبيتشارك فيه كل من
عاشقة الفردوس و محمد الخولى و ا"appy"ا
و الجايزة للناس الفايزة
طقم الكراسى بتاع المعلم .. كرسى لكل واحد
و المركز التامن برصيد عبارة واحدة فبيتشارك فيه
No chance
l.g.
أحمد الدرعة
فارس
دكتور حر
يوميات عيل مصرى
أبو زياد الفاتح
و الجايزة هى الجاتوه الكتيييييييييير دة
و الناس اللى ما شاركتش بأى عبارة .. كفاية إنكم نورتونا بزيارتكم
و المصاصات دى كلها عشانكم
و كل اللى دخلوا و ما علقوش .. أو ما دخلوش و علقوا (ماعرفش تيجى ازاى دى)ا
و كل سنة و انتم طيبين يا جماعة
51 comments:
الحمد لله انا فلت من جوايز وسائل المواصلات اللي هي بتاعة الفشل الذريع
بص بقى انا حألف كتاب اسمه
كسر البلاص على جوايز الميكروباص
بص يا سيدي الطقم الجايزة بتاعي ده طقم قهوة عربي
وبعدين تعال هنا ليه الاطقم دي مش بتطلع من زمان واحنا هنا بنشرب في البراد اللي حرق قلبنا والرواسب مرسبة فيه
الله يسامحك يا بن حجر إنت ومعلمك
بقى دي آخرة الحول
إيه الجوايز الجامده دي
عموما أنا هصلح القطار والأتوبيس
آهي حاجه تنفع للزمن
وأكتب عليهم أنا كمان
يعني إشمعنى أنا
دودة الأز ..يا دودة الأز .. دا أنا وخداهم كده بالحظ
ههههههههههه
تحياتي ع الموضوع والفكرة الجميله
وبجد كان نفسي أتبرع بيهم لحل مشاكل مصر
بس هعمل إيه
دي جوايز .. يعني هدايا
والطمع وحش
عم عصفور
هههههههههه
متشكرين اولا على العنوان الظريف
طبعا انا عارف انه ده لاهو حقد ولا قر
هههههههههههه
بجد اسعدنا تعليقك جدا
وبخصوص الطقم بتاع الجايزه يا عم حقك عينا
هات الجايزه نسقى فيها الناس وخد انت الطقم اللى اتحرق فيه شوية ترسيبات حلوه ينفع ديكور ولا اديه للاولاد يلعبوا بيه واهو بدل ما تدخل عيهم بايدك فاضية
قلى انت بقى فنجان القهوة بتاع التفائل جبته منييييين
يا بن حجر طلع النوته وحاسب الاستاذ عصفور على القديم والجديد المقدم والمؤخر والمتعة ..المتعة يعنى علشان كنا بنسيبك تستمتع وتأزأز لب براحتك
الاخت دودة الأز
قصدى سلوى
دودة الأز ..يا دودة الأز .. دا أنا وخداهم كده بالحظ
انتى اخدتيها بالضربة القاضية انا المفروض اطعن فى النتيجة دى المفروض انا الاول كمان .زهومفيش كوسة هنا ولا ايه
وبخصوص تبرعاتك لحل مشاكل مصر
خلى جايزتك معاكى احسن ..مصر عندها من الجوايز دى كتتتتتتير
والقطرات والميكروباصات دى مالية البلد
متشكرين على روحك الوطنية
ومبروك القطر والاتوبيس
هييييييييييييييه
انا كسبت
انا كسبت
اى نعم بالمركز الرابع
بس كسبت برضه وحلوة اوى الشكولاتاية الكبيرة والتوك توك ولو ان كنت طمعانة فى الاتوبيس الذهبى بس مش مشكلة اهه كله ينفع
المهم انا بس عايزة اشكركم لانكم بجد عاملين شغل جامد اوى
الصورة بتاعة المنصة وحاطين عليها بانرات المدونات الفايزة بجد شغل جامد اوى
شكرا يا ابن حجر وشكرا يا معلم باحث
ودايما كدة نجيلكم فى الافراح
حلوة اوى الصورة بتاعة البقرة اللى سايقة جزء من العربية
تجننن
بجد برافو عليكم
سلام
اختكم خيخة
ايه ده
ده كان فى جوايز حقيقيه
بس تعرف سبحان الله
على الرغم من نى فى المراكز الاخيره الا ان جايزتى احسن
على الاقل سليمه
:)
مش هحتاج انى اصلحها
بوركتم وجزيتم الجنه واضحك الله سنكم
وجعلكم من المخلصين الصالحين المصلحين
ههههههههههههه
سبحان من أضحك وأبكى :)
أنا كل ما أكون متضايقة حبقى أدخل هنا :)
ينفع أبدل المصاصة بتاعتي بآيس كريم
انا اخدت جايزة ههههههههههه حلوة اول مرة فى حياتى
مع انى كنت جايه النهارده بعد مطارده شريرة مع الميكروباص والباص الكبير وجبت تلات جمل هما (الجزار - لو اسيوزو تبقى الوهاب - التوأم) بس مش مهم حرام عليك دا انا حتى بقيت بجرى وراء البوكس اشوفه يمكن كاتب حاجه
يالا مما علينا ماله الكرسى جامد بس مش عارفه اللى جابوا حاجات كتير دى منين هى القطه دى عايشه فى الموقف بس لما اروح لها
شكرا يا محمد على الجايزة الحلوة دى انا هركب الاتوبوس بتاعى واقعد الف به فى الشوارع واللى شكله مش يعجبنى ادوس عليه واخلص من شره
وميرسى اوى على المصاصه ياباشا
بس انا عايزه كل المصاصات اللى فى الآخر ليا لوحدى ماليش دعوه
انا ممكن اعقد معاك اتفاقية
اخد المصاصات الى انت جايبها لبتوع فوازير رمضان اللى هما للناس اللى شاركت ومش شاركت .. يبقوا مين دول انا مش عارفه
اخدهم لفة بالاتوبوس بتاعى واخد انا المصاصات بتاعتهم
اسالهم كدا واتصل على 0900 علشان تقولى الرد
happy new year
انا بعترض وبصعد الموضوع لاعلى المراتب والا لحفه والبطاطين كمان انا دخلت المسابقه فى اخر لحظات وبعد ما لفيت على مواقف السرفيس والتوك توك اجى الاقى المسابقه قفلت على العموم قشطات يا معلم وملحقوه ومبروك لسلوى وقطه الصحراء
هههههههههههههههههه
مبدأيا انا فطشت من الضحك ع الجوايز هههههههههههههههههه
وكنت لسة حدخل اتخانق واعمل أزعرينا عشان مخدتش جايزة وانا بحب الجوايز جدا حتى لو ماكونتش حليت حاجة بقا
بس انبسط فى الاخر اويييييييي انكوا عبرتونى وادتونى جايزة .. ومش أي جايزة لأ .. دى مصااااااااااااصة .. الواد كاميكاز بيحبها أوى ورايح جاي يتنطط فى المدونة بالمصاصة بتاعتكوا
ألا صحيح انتوا جبتوها منين عشان أقفل المصنع بتاعها .. الواد مش شايف شكله فى المدونة خااااااالص وشكلى حرفده .. بس إياك أرفده انا من هنا تيجوا انتوا تعينوه فى الاستراحة من هنا
يطير فيها رقااااااااب
:D
انت فعلا راااااااااااااائع..
من احسن الحاجات اللى شفتها لحد الان يا عزيزى..
بوست راااااااااائع..
مشوق وجميل من بدايته لنهايته..
انا أول مرة أدخل المدونة ..
وان شاء الله أكرر الزيارة كتييييير..
تحياتى
هاى بت خيخة واى كلام
مبروك المركز الرابع يا خيخة
بصراحة التوك توك شكله يجنن
ينفع تعلقيه فى كتفك شنطه وانتى رايحة السوق
ملحوظة : دى مش شوكلاته ده باب خشب
ههههههههههههههههه
***********************
عاشقة الفردوس
قال يعنى مكنتيش تعرفى ان الجوايز حقيقية وده سبب قلة مشاركتك
تلاقيكى برضه كده فى المدرسة مش بتذاكرى كتير علشان مش مصدقة انكمكن تنجحى وتطلع من كى جى ون وتروحى كى جى تو
تعرفى انتى المفروض كنا نعملك جايزتك مريلة حضانه
*******************
مهااا
سبحان من يشوفك ولا يسعدش
منوره يا فندمالاوتوستراحة
بس برضه مفيش ايس كريم "وبطلع لسانى دلوقت" هههه
appy
هو انتى اللى بتجرى ورا البوكس ولا البوكس اللى بيجرى وراكى
اوعى تكونى جاية تستخبى فى القهة دى كلها مخبرين واولهم ... البت خيخة
هههههههه
مبروك الدايزة "بالصعيدى" اهو لغتى الام
******************
قطة الصحراء
بما ان الكلام لمحمد بس "انا زعلان تبعا دلوقت" خلاص يبقى هويرد عليكى
ومفيش مصاصات اهه
وهاتى الفلوس اللى عليكى
وبعدين ما تقوليش هابى نيو يير
علشان ماقولكيش خميس كريسماس
اخو على نيو يير
***********************
رئيس جمهورية نفسه
انت تستاهل تعليق لوحدك
ثوانى
رئيس جمهورية نفسه
انت برضه تانى
عموما تستاهل علشان تحرمتذاكر فى اخر لحظة ما كان قدامك الموضوع تشارك فيه ..مش كنت لحقتلك ميكروباظ ولا توكتوك احسن من الشعبطه كل يوم
************************
انســــــــانه
منورانا يا فطسانه
قصدى يا انسانه
ويارب تضحكى كده على طول من غير فطسان
وربنا يبعد عنك المرض ويحوش الوحش ويوقفلك فى كل خطوة امين شرطة
ومبروك المصاصة اهى علشان تغيظى بيها اهل الحته كلهم
ومتخافيش مش هنوظف حد هنا قبل ما نتأكد
انك رفدتيه الاول
المهم بس ما يكونش جاى متعقد من ... شغله عندك
مطرح ما ترسى ..دقلها
يا ريت تبص الاول وانت بتدقلها علشانتعرف بتدق فين
وحاسب تدق على صوباعك
اهلا وسهلا شرفت مدونة الحوادث
كان معكم الباحث ابو العافية من امام كشك الاستراحة
هييييييييييييييييه
انا اسمي مكتوب
كون ان في جايزه للتعليق الواحد
ده شيء يشجع عالايجابيه
ربنا يخليكم لمعشر المدونين
مصاصه ؟؟؟؟؟؟؟؟؟؟
مصاصه؟
مسابقه اونطه هاتوا فلوسنا
مسابقه اونطه هاتوا فلوسنا
مسابقه اونطه هاتوا فلوسنا
مسابقه اونطه هاتوا فلوسنا
هحدفكوا بالطوب
الحمدلله
جاتنى جايزه حلوه
الف شكر يا معلم
كويس انى مزودتش عن جمله
ولا كان نصيبى حاجات مدغدغه
اهى الجاتوه ده
احسن من كل الجوايز اللى فاتت
مشكور اخى الكريم
وعلشان فرحة الفوز والانتصار ده
كل واحد من الزباين وزوار المدونه
ياخد حته يحلى بيها
علشان لو اكلتها لوحدى هازور
ويمكن يكون فى حد ناظر فيها ولا حاجه
فمتطلعش عليا
بس ياريت محدش ياخد اكتر من حته واحده
سلام
اول مره ماتمناش انى اتصدر اى مستوى عالى و انى افوز باى جايزه من الجزايز القيمه دى
كفايه عليا المصاصات مش بتاذى برضه
ههههههههه تحياتى ليك واشكرك على ذكرك لاسم مدونتى على الاقل
كل عام وانت بخير
باب خشب
وانا برضه بقول مالها الشكولاتاية دى مش عايزة تتمضغ كويس وعمالة تدقدق تحت سنانى
عموما هدية مقبولة برضه
سلام يا معلم باحث ودحرجلى التماسى على ابو العساقيل
اختكم خيخة
حبيبت بس أهنيكم بالسنة الجديدة و أن شاء الله تكون فيها إلى الله أقرب وتحقق فيها كل أهدفك ، ولا تنسى أن تضع لنفسك فى بدايه السنه ده ، (أيه اللى أنت عايزة من عام 2008 ) ويا ريت يكون فى ورقه . عايز علاقتك مع ربنا تكون ازاى ، عايز تحقق ايه فى عمل ، عايز تحصل على دورات أيه ، عايز تصلح ايه فى علاقتك مع أهلك , وفى النهايه لا تنسى علاقتك مع القرأن
كتور حر
أمال لو اسمك مش هايبقى مكتوب .. اسم مين اللى هايبقى مكتوب ؟؟ اسمى أنا مثلا ؟؟
يا عم الف مبروك على الجايزة .. و هات حتة
فرنسا هانم
أى .. دى جت فى دماغى الطوبة دى
طب ما هو انت اللى ما جبتيش و لا عبارة عشان تشاركى فى المسابقة
على العموم ما تزعليش ... لو هانعمل مسابقة تانية هانبقى نديكى الجايزة الكبيرة اللى شايلينها للناس للشديد القوى ...الجايزة هى السفينة تايتانيك .. بعد ما غرقت طبعا
أبو زياد الفاتح
ياع عم خد حتت كتير .. مش حتة واحدة بس .. يالا .. إن شالله ما حد حوش
بس ما تنساش تدينى حتة
إيمان .. حبة حاجات
تصدقى إن المصاصات دى كلها أنا ما أخدتش منها ولا واحدة ... يعنى أنا أهو طلعت الأول و ما أخدتش ربع مصاصة
بس ايش عرفك إن المصاصة مش مدغدغة ... مش يمكن تكون مدغدغة جوة الغلاف بتاعها ؟؟
بت خيخة و أى كلام
لقفنا التماسى يا أختنا .. و شكرا على الدحرجة
بصى .. هو ممكن تاخدى لوح الشوكولاتة دة و تروحى بيه على أقرب ورشة خشب .. و قوليلهم عايزاه "سدايب" و هم هايتصرفوا ما تقلقيش
ابن اسكندرية
زيارتك لينا جميلة و الله .. و نصيحتك دى غالية
جزاك الله خيرا على الدعاء .. و لك بمثل ما دعوت لنا و أكثر
ازيكم يا جماعه انا لسه عارفه النهارده انى فزت بالمركز التالت وفرحت قوى بس انا كنت جايبه عشر تعليقات كلته واحده منها ليه ع العموم ما علينا عجبنى قوى الميكروباص بس حتقاسم فيه مع الفايزين الاتنين التانين ولا لى لوحدى علشان اعمل حسابى اصلحه واشغله جيزه جيزه اهو على الاقل يبقى احسن من التوك توك اللى بسوقه ، متشكره جدا آجى استلم الجايزه امتى بقى
الف الف مبروك
للفائزين والفائزات
الصبيان منهم والبنات
هههههههههههههههههههههههههه
قلبي كان معاكو في المسابقه
والف الف شكر على المثاثات الكميله اوي دي
تحياتي
ايه ده مسابقه
وتوزيع جوايز من ورايا
ماشي يابني ادمين
انا مليش دعوه انا عاوز عجله
مبارك لجميع الفائزين فى المسابقة الذهبية اللى معرفش بتكلم على ايه المهم انى ضحكت شوية بالله عليك يا اخى ياما تعمل مسابقات تانى ابقى قولى عشان اشارك معاكم...والله ولى التوفيق.
مبروك لكل الناس اللى كسبت
ومعلش لكل الناس اللى مكسبتش
بس هو الغلابه اللى زينا وعندهم امتحانات ملهمش من الحب جانب؟؟؟
بقى كده
فى جوايز بتتوزع من ورايا
من هنا ورايح انا معاكم فى كل مسابقة ان شاء الله
بس مش عايزة مصاصات والكلام ده
انا بحب الدولسى والايس كريم وام على
مدونة جامدة ..سورى استراحة جامدة
الأخت حنين
الف مبروك على المركز اللى انت حققتيه .. و معلش إحنا كنا بنستبعد العبارات المكررة .. بس خدى بالك من المايكروباص .. عشان و أنا سايقه و جاى ما لقيتش فيه فرامل .. و لا دبرياج .. و لا بنزين .. و فتيس .. و لا شكمان .. و لا موتور .. و ربنا يعوض عليكى بقى
-------------------
اسكندرانى قوى
الله يبارك فيك يا باشا
و يا عم لو عايز مثاثات زيادة .. اطلب اتنين شاى تاخد مثاثة مجانا
-------------------
mask
متأكد إنك عايز عجلة ؟؟ آخر كلام ؟؟ انت ما شوفتش زمايلك حالة الجوايز بتاعتهم كانت عاملةازاى ؟؟
من عنينا .. نجيبلك عجلة .. بس هو لازم يكون فيها إطارات ؟؟
-------------------
محمد على باشا
بانى مصر الحديثة
المسابقة يا عم كانت عن العبارات اللى على السيارات المايكروباص .. ممكن تشوف الموضوع اللى فات و انت تشوف مشاركات الناس فى المسابقة
-------------------
على اسم مصر
معلش .. هى الامتحانات كدة .. بتضيع علينا لحظات حلوة .. لكن بتكسبنا فرص أحلى
ربنا يوفقك فى الامتحانات .. و لو فيه مسابقات تانية .. ابقى شاركينا .. حتى لو ما اخدتيش مركز .. هاحاول أسرب لك هدية كدة من غير ما المعلم بتاعى يعرف
-------------------
البنت الشلبية
يا أهلا ..يا بنتى الدنيا برد .. و كمان عايزة أيس كريم ؟؟ من عنينا الأربعة .. هانجيب لك أيس كريم .. بس لو ما لقيناش أيس كريم .. ينفع داندورمة ؟؟
ايه بقى
انتو مش ملاحظين انكم طولتوا اوى فى توزيع الجوايز
عايزين بوستات جديدة بقى
شدوا حيلكم شوية
مش كل شوية ادخل والاقى الحفلة لسة شغالة
سلام
اختكم خيخة
البقاء لله..يارا أبنه صديق العمر د.مجدى "أبو أحمد" توفاها الله بوم الخامس من يناير يرجاء تعزيته ومواساته
هناك
news:sabahelfol.blogspot.com/
لاأراكم الله مكروه فى عزيز لديكم...خالد
ابن حجر
معلم باحث
هاتولى اى حاجة
اى جايزة بسرعة
انا الزائر رقم الف
هيييييييييه
انا رقم الف
انا اللى قفلتلكم الالف
روحوا يلا هاتولى اى حاجة
سلام
اختكم خيخة
بت خيخة و أى كلام
هاننزل بموضوعات قريب بإذن الله
لكن انتى عرفتى ازاى انك الزائر رقم ألف ؟؟ أنا بصيت على العداد لقيته ألف و ربعمية و شوية
بس من عنينا .. هانديكى جايزة على إنك الزائر رقم ألف و ربعمية و شوية
شوكولاتة
شوكولاتة تانى
شوكولاتة تالت
شوكولاتة رابع
بس بجد ... انا شوفت العداد لقيته بعد الألف بكتير .. انت ازاى الألف ؟؟ و لو انت الألف ... هانعمل لك جايزة كبيييييييييييييييييييرة
أبو فارس
أنا روحت هناك و عزيته
اللهم الهمه الصبر و السلوان
---------------
صانعة الحرية
أحنا جبنا مصاصات كتيييييييييير ... تكفى العدد اللى موجود و تزيد .. يعنى اختارى المصاصة اللى تعجبك و خديها
لأ والله رقم الف
ودلوقتى بقيت رقم الف تمانية وعشرين
انا لما بادخل عندك بروح عند اسمك يا ابن حجر لما تكون سايبلى تعليق
واعمل عليك كليك
يفتحلى صفحة البرةفيل بتاعتكم
وبلاقى فى الجنب كدة رقم الناس اللى دخلت علىبروفيلكم
انا كنت رقم الف ودلوقتى انا الف تمانية وعشرين
بس خلاص
سلام
اختك خيخة
جامده جدااااااا المسابقه دى
لا والاستراحه قويه جدا واسعارها منافسه
:)))))))))))
على العموم اعتبرونى زبونه انشاءالله
اه صحيح انا ليه فى المصاصات دى ولا ايه النظام
:)))))))))
سلامى
ياااى..يعنى ايه بلاس وميكغوباس
دى حاجات بتتاكل واللا لبس؟
خلصونا بأه...الشوفير حيعدى عليا علشان اروح الجيم
بااااااى
ابو العساقيل
انت فين ياعسقول ياخويا
مختفى ليه
يعنى مافيش بوست جديد
ولا جيت تزورنى
اتمنى انك تكون بخير
اختك خيخة
انا بدأت اقلق
وأشم ريحة اخبار مش كويسة
ايه ياخونا انتوا فين
ابو العساقيل
انت فيييين
طب فين معلمك الباحث عن الحقيقة يطمنا عليك
انتو اتمسكتوا انتوا الاتنين ولا ايه
بجد بدأت اقلق عليكم
اى حد فيكم يطلع من مخبأه ويطمنا عليكم
يارب يجيب العواقب سليمة
طمنونا عليكم
اختكم خيخة
shayma
احنا أسعارنا لا تقبل المنافسة .. و شعارنا:"نحارب الغلاء من الألف إلى الياء" .. و ضيوفنا الجداد ليهم عندنا مشاريب مجانا .. لكن لما بيبقوا ضيوف قدام .. بنجيب لهم مشاريب على النوتة
مافيش مانع تاخدى لك مصاصتين و انتى ماشية .. بس دول هايبقوا على الحساب
---------------------
Ammola
البلاس .. و المايكغوباس دول مبيدات حشرية .. و دول لا مؤاخذة بيستخدموا لإبادة الأكلان
ثم مش المفغوض يبقى اسمه "شوفيغ" ..و لا إيه غأيك ؟؟
يا خيخة
و الله يا خيخة انت إنسانة جدعة جدا .. احنا الحمد لله كويسين .. انا كنت مشغول بشدة الكام يوم اللى فاتوا .. و كنت متضايق جدا من كذا حاجة .. و كنت مخنوق .. بل و مازلت .. لكن هاتعدى إن شاء الله
كل سنة و انت طيبة .. و عقبال ما تشوفى شريف عريس فى الكوشة يا رب
ما تقلقيش .. هديتك محفوظة
دمكوا خفيف اوي
بس الجوايز هم يضحك وهم يبكي
بوست ساخر وراه برضه رسالة
مبروك للفايزين
بس اما تعملوا مسابقة ابقوا قولولي
ننتظر الجديد
تعالي خد من عندي بقي هدايا علي حق من
NoGa Stores For Lolipops
و يشرفني زيارتك لارضي
ارض الجنون
و سيبك من ارض الاحزان
رغم اني بحن ليها لانها اول بلوج
بس عاقله علي ارض الجنون هي العهد الجديد
و باشمبرمجه دي بقي المدونه اللي بحاول اني اتعلم فيها
و تعالي خد مصاصات من الستورز
نوجا
ياسو سابقا
بعد 4 سنين جاية تاني اعلق على التدوينة ديه بقدر الله سبحان الله تصدقوااني عمري ما نسيت التدوينة ديه ابدا ولحد دلوقتي بحاول اشوف كل الميكرباصات عليها ايه
وفرحت ان سلوى صاحبتي كانت في المركز الاول بجد
خلونا نحيي عالم التدوين من تاني بجد
بجد
ياريت ترجعوا تدونوا من تاني
تحياتي
Post a Comment