Friday, April 4, 2008

الدنيا ربيع..والجو بديع ..قفلي على كل المواضيع

قفل قفل
مفيناش كاني ومفيناش ماني
كاني ماني ايه ..دي الدنيا ربيع
الدنيا ربيع الدنيا ربيــــع
...................
اعلان مدفوع الاجر:على كل من يجد ابو العساقيل ان يحضره فورا للاستراحه وله نص كوب شاي مجاني
مع تحيات المعلم الباحث عن الحقيقة
نبدأ بقى
فاتني الدفاع عن الاحتفال بالمولد النبوي ..وكمان الاحتفال بيوم الام
ولأجل حظي وقعت في الكبير ..: يوم شم النسيم
فقلت ألحق أقول كلمتين ..هم بدري شوية ..انما قلت احجز بيهم
هيطلع علينا كالعادة ناس تقولنا شم النسيم بدعة
زى ما قالوا عن الاحتفال بمولد النبي وكمان يوم الام
وهيقولوا ان شم النسيم ده اصلا اسمه عيد النيروز بتاع المجوس
زى عيد الحب بتاع القسيس فلان والاصل التاريخي التفسيقي التبديعي له
وبناء عليه اصبح كل فرحة او احتفال او حاجة تبسط الناس بقت بدعة
حرام
ليه؟
لان رسول الله والصحابة مكنوش بيعملوها ..يبقى دى بدعة يعنى مخترعة يبقى ليه نعملها طالما لا النبي ولا الصحابة فعلوها
فيه واحد دلوقتى هيشوح بايدي ويلوي بوزه ويقول ده مين ده اللى بيتكلم ده حتى قال النبي وما قالش عليه الصلاة والسلام
انا تعمدت ذلك اولا علشان اوريكم سخافة التفكير ..مره واحد شافنى بنقل كلام عن الامام ابن حزم وكل ما يأتي ذكر الرسول يكتب جنبه "ص" فراحواحد متهجم عليا وقال يا عم انت بتنقل عن واحد لا يعتد به ده مستخسر يكتب صلى الله عليه وسلم وحاطط حرف صاد
ما يعرفش انى بنقل ان الامام ابن حزم من كتاب الاحكام احد اشهر كتب الاصول
ما علينا نرجع لموضوعنا
ايه حكاية البدعة؟
البدعة هي الطريقة المخترعة ..ولها حالتين
اما توافق الشرع ..او تخالف الشرع
طيب خلونا نسأل : هل الاحتفال وادخال البهجة والسرور على النفس ..موافق للشرع ام مخالف له؟
بالطبع موافق للشرع
سؤال من واحد مفلحط : بس فيه احتفالات اصلها وثني زي يوم شم النسيم او عيد الحب والمسخرة؟
اولا عيد الحب والمسخرة ..لو شلنا كلمة المسخرة هيفضل الحب والاحتفال بالحب شئ يستحسنه الشرع ويحس عليه ..يقول رسول الله "ص" تهادوا تحابوا " وحديث اخر ألا ادلكم على شئ اذا فعلتموه تحاببتم ؟؟
الكلام بصيغة الاستفاهم لجذب المستمع ..وكمان دليل انهم متلهفين علشان يعرفوا ايه اللى ينشر الحب بينهم
قال صلى الله عليه وسلم : أفشوا السلام بينكم
وزى ما رسول الله دخل مكة ولقى الكعبة حولها اصنام ..شال الاصنام ..حطمها يعني ..وطاف بالكعبة
احنا كمان نشيل كلمة والمسخرة ..يفضل الحب
طيب ده اقتراح قسيس ..وايه المشكلة طالما اننا هنحتفل به على الطريقة المحمدية
التهادي والسلام وقول الرجل لاخية احبك في الله
وقول المرأة لاختها احبك في الله
وخلاف ذلك من المنكرات فهي حرام
نيجي ليوم شم النسيم
الفكرة فرعونية او فارسية ....ماشى مش مختلفين
انما طريقة الاحتفال ..شكلها ايه؟
هو ده السؤال
تلوين البيض باعتقاد ان هذا ينفع او يضر ..حرام
تلوينه علشان الاطفال يفرحوا وياكلوه بعد كده ..ليس فيه شئ
ملحوظة : ممنوع استخدام ألوان فلوماستر علشان بتطبع جوه ..وتلونوا على البيض وهو بارد مش سخن
اللى عايز اقوله
الاحتفال في حد نفسه ..هو من قبيل ادخال البهجة والسرور ..وليس فيه تعظيم لغير الله
ولا معارضة لله فى انه جعل عيدين ..طب احنا كمان هنعمل اعياد مش عيدين
انما هو استعمال للطيبات اللى احلها الله
النبي والصحابة لم يحتفلوا بمولده صلى الله عليه وسلم
رغم ان النبي تكريما ليوم الاتنين كان يصومه من كل اسبوع وقال هذا يوم ولدت فيه
انما ايه المانع اننا نحتفل بمولد النبي عليه الصلاة والسلام طالما مفيش منكرات وثنية ولا مخالفة للشرع
فالعقيدة سليمة وهى الوحدانية بل هذا تعظيم لرسول ارسله الله فهو تعظيم لله ..واعلان لمحبته
والعبادات والمعاملات سليمة فلا عبادة تخالف الشرع ..ولا معاملة مخالفة للشرع
يوم الام ..او عيد الام ..كان فكره من على امين ومصطفى امين وعملوا استفتاء ايه رأيكم يا جماعة نحتفل كلنا بالام ونتفق على يوم نحتفل به جماعة كلنا
زى كده ما تقول لاصاحبك او الفصل بتاعك فى المدرسة ايه رأيكم نعمل رحله كل سنه لأسوان
اصحابي وافقوا او الفصل وافق او المدرسة وافقت ..هل ده يبقى حرام؟
وابقى كده بفرح فى يوم معين من السنه رسول الله وصحابته مكنوش بيفرحوا فيه؟
؟؟؟؟؟؟؟؟؟
المهم اهو عيد الام زى كده
الناس وافقت واقترحت يوم 21 مارس علشان بداية فصل الربيع
مش معنى كده اننا نعق امهاتنا طول السنه ما عدا يوم واحد
اللى يقول كده يبقى متخلف
زى ما حصل بالنسبة ليوم الارض ويوم نكبة فلسطين ..ويوم اليتيم ..ويوم عيد العمال
ويوم عيد الطفوله ..الخ
ايه اللى يمنع اننا نخلى كل ايام السنة اعياد ..ده يضايق في ايه؟
فرق كبير بين عيد الفطر والاضحى وبين اى يوم او عيد اخر بنحتفل بيه
اولا عيدى الفطر والاضحى الاحتفال بهما واجب شرعا..لذلك يحرم الصيام فيهما
ثانيا : انكارهما انكار معلوم من الدين بالضرورة ..يخرج المنكر عن الملة
اما الاعياد الاخرى او الاحتفالات الاخرى
لا يعتقد مسلم بوجوبها على الناس وإلا كان ذلك عبادة لغير الله
وانما الناس يحتفلون بها من باب الاباحة وعدم ورود نص بتحريمها
هذه الايام ايام عادية ..فلا يجوز تشريع عبادة مخصوصة بها ولا معاملة مخصوصة مخالفة لاى عبادة او معاملة فى الاسلام يأتيها المسلم فى اى يوم اخر..ولا يباح فيه ما حظره الشرع بنص عرف تحريمه او منعه الشئ..يوم عادي يعني
العقيدة سليمة
العبادة والمعاملة سليمه لا تعدي على حرمات الله
يبقى نسيب الناس تفرح
وموضوع فكرة الاحتفال او اليوم كان فكرة فرعونية او مجوسية او لزيد او عبيد ..فلا يجب ان ننسى ان الاسلام اقر امور كانت موجودة فى الجاهلية ولم يغيرها لتوافقها مع الشرع رغم اصلها الوثني نسبة الى مصدرها
منها الاشهر الحرم ..رغم ان منها اشهر ليس فيها شئ من اعمال الحج مثل محرم ورجب
وفي المعاملات هناك الرهن وبيع السلم والقسامة ومراعاة الكفاءة بين الزوجين، وفرض الدية على عاقلة القاتل وبناء الإرث والولاية في الزواج على العصبة
نقول كمان ..الدنيا ربيع والجو بديع
قفلي على كل المواضيع
قفل قفل
الله يرحمك يا سعاد حسني وصلاح جاهين ..وتقريبا الملحن مات برضه الله يرحمه
ملحوظه لذوي العقول المزنقوه : مش معنى اني بترحم على حد ان كل حاجة عملها بتعجبني ..ولا ايه؟
كل سنة وانتم طيبين بمناسبة الربيع
والمتشددين كل سنه وهم طيبين بمناسبة يوم اليتيم 4 ابريل
التوقيع : الباحث عن الحقيقة

110 comments:

Salwa said...

كل حلويات
لون بيض
إفرح
ابتسم في وجه الناس وهنيهم
إسأل ع الناس وقول كل يوم حب وانتم بخير
كلم أمك حتى لو كنت في آخر الدنيا
وقولها كل سنه وأنتي طيبه

إفعل ما تشاء
طالما لن تفعل ما يغضب الله
ولن يضر أحد
فلا شئ في إعتقادي

كل يوم وكل ثانيه وإنتم جميعا بخير وسلام وإيمان

Salwa said...

آه

نسيت أقول إني أول تعليق

يعني المشاريب عليكم

وياريت ساندوتش كمان
وبسرعه لو سمحتم

الساحرة said...

ياريت الناس تفهم كلامك

ليه نعقدهاعلي نفسنا وربنا سهلها

طالما لا افعل شيء يغضب الله يبقي ايه المانع اننانحتقل

والدنيا ربيع والجو بديع وقفلي علي

كل المواضيع

انا تاني تعليق

معقوله

الباحث عن الحقيقة said...

سلوى
بجد دى مفاجأتين حلوين
مش علشان تعليقين وانما
المفاجأة الاولى هى تعليقك فى المدونة بعد غياب عنا بقاله فتره فاهلا بيكى
المفاجأة التانية : انى بعتبر صاحب اول رد بيؤيد وجهة نظري انه شخص جرئ لان احتمال يصيبه جزء من بعض الهجوم المتوقع ضد وجهة النظر المطروحة
......
المفاجأة بقى بتاعتنا لحضرتك
سيرف يور سيلف
ابن حجر عامل فيها مشغول ..اخدمى نفسك بنفسك
وياريت تفضلى على البوفيه لغاية ما بسلامته يشرف
واياك يتأخر علشان مش اتقطع لوحدى
يا ريت كمان انا عايز ساندوتش زيك

الباحث عن الحقيقة said...

الساحرة
منورة الاستراحة يا فندم
واحمدى ربنا انك تانى تعليق
لان صاحبة اول تعليق وقفتها على البوفيه تنزل طلبات للزباين
يعنى المشاريب جاهزة واهلا وسهلا بحضرتك
.....
فعلا خلى الناس تفرح
الفرح والسرور مش ضد الدين
شكرا لتشريفك

الساحرة said...

دة انت قاعدعلي الباب ولا ايه الحمدلله اني مش اول تعليق

الباحث عن الحقيقة said...

اه على الباب اصل الموضوع لسه طالع سخن من الفرن وقاعد اهوي عليه
ههههههه ..منورين ..اتفضلوا على ما قسم

mido _alexawy said...

أييييييييييييييييييييه

ماشي يا دنيا
ماشي يازمن

اللي يعيش ياما يشوف

كل من هب ودب يسرد في أحاديث وأستدلالات فير غير محلها
ولا حول ولا قوة ألا بالله

بص يا مان ,, أأقلك علي حاجة من الأخر كده هي بقيت هريسة

فأنت لما تقعد تعجن معاهم فمش مشكلة يعني ,, هي خلاص , جت عليك أنت

لما النبي يقلك لتتبعن سنن من قبلكم , شبرا بشبر وذراعا بذراع حتي اذا دخلوا جحر ضب دخلتموه ... او كما قال النبي صلي الله عليه وسلم

يبقي في أيه مثال ينطبق عليه الحديث ده أكتر من الأحتفالا بالمانسبات المبتدعة الدخيلة علي أهل الأسلام والقبلة

يا باشا فكك أنت من الحوارات دي وخليك في سعاد حسني وعم صلاح جاهين وتوتو وسوسو ولولو والناس الحلوة دي

وخلي الدين والأجتهادوالحوارات دي لأهله يا مان

وبعدين سيبك أنت الأمة بقيت عايشة علي الأفراح والأعياد

هههههههههههه خلتوها بقيت أمة الأعياد
كل يومين عيد ولا حاسين باخواننا في اليمين هناك ولا في الشمال هناك ولا فوق ولاتحت ولا جوة ولا برة

عامة يالا

صدق اللي قال : دي بقيت سلطة ,,,


ملحوظة أخيرة : من المشهور عند المهتمين بأهل الحديث أن أبن حزم ضعيف في علم الحديث وتحقيقه ,,

وهذا ما يأخذه عليه أهل العلم ,
وهذا لا يمنع كونه فقيها عالما وله مؤلفات من امهات الكتب
لكن كل يؤخذ من قوله ويرد ألا المعصوم صلي الله عليه وسلم ,,


وسلام ياباشا ,وأقعد أنت وأصحابك في جنينة الكلية ولموا الشلة وهاتو كارتونة بيض , بس هتبقي غالية عليكوا لأن البيضة بخمسة وسبعين تقريبا دلوقتي ,,
وأقعد أنت وتوتو وسوسو ولولو لونه مع بعض ,,

وسيب المتشددين دول في حالهم .

الباحث عن الحقيقة said...

مش عاجبك توتو ولولو وسوسو
وانت اسمك ميدو
ههههههههههه
ماشى يا ميدو
عموما الاعتراض شئ متوقع
وبعدين هى فين احاديث ابن حزم دي فى الموضوع
ما علينا
واذا كنت انت بتسخر وتشتم فى الاموات فانا مش بسخر ولا بشتم فيهم حتى لو كانت سعاد حسنى وصلاح جاهين
ربنا يرحمهم
سلام يا ميدو
وشكرا على توجدك فى مدونتى المتواضعة

مجداوية said...

بص يا أخى الكريم ,,ها ,,بصيت ,,طيب كويس صلى على اللى حيشفع فيك
عليه الصلاة والسلام
فكرة اننا منحتفلش بأعياد الغرب اننا لازم نكون نختلف عنهم وده أمر لينا من رسول الله اننا نخالف اليهود والنصارى حتى يوم الأم فكرة مستوردة غربية على أمين ومصطفى امين طبقوها هنا بس انت عندك بدل يوم الأم عيد الفطر وعيد الأضحى ممكن تاخد هدية لوالدتك مخصوص لها وتقبيل يد والدتك كل يوم وطاعتك ليها وبرك بيها عيد يومى لها
أما تلوين البيض فبرضه ملوش لازمه بالذات فى اليوم ده ممكن تلونه فى أى يوم وحتدخل السرور برضه على الأولاد ده لو كان لازم يعنى تلون البيض والخروج برضه للحدائق متهيألى أى وقت مفيهوش زحمه بيكون أفضل ,, الاختلاف فى الراى لا يفسد للود قضية لكن لما نلاقى علماء أجلاء بيقولوا انها حرام أو مكروهه وده كان درس الاستراحة الأخير يبقى بلاش منه أحسن وأيضا قول الرسول دع ما يريبك الى ما لا يريبك ,,,الخلاصة حاجة ممكن تكون فيها شك وارتياب يبقى نبعد عنها لأن لها بدائل عندنا أنا عن نفسى بطلت كل الحاجات دى من باب الاحتياط والأحوط والأفضل وعلى فكرة منقص منى لا ايد ولا
رجل ولا حسيت بأى حاجة زى شكة الدبوس
الناس كانت عايشة قبل البدع دى زى الفل وعلاقتهم كانت كلها حب وبر بالأم وحياتهم كانت كلها ألوان والبيض كان بالهبل ,,لكن دلوقت ومن بعد الاحتفالات دى عقوق الوالدين زاد والناس بتكره بعض ومفيش بيض يتلون من انفلونزا الطيور
مش برضووووو !!!!؟؟

فرنسا هانم said...

انا عارفه مكان ابو العساقيل
لكن مش ممكن ابيعه لا بنص كوبايه شاى ولا حتى برميل شاى
بس انا معك ادعوا ابو العساقيل
لكتابه جديد
اما موضوع شم النسيم
انا مش هجاملك
بجد انا متعوده على اكل الفسيخ سنويا فى هذا اليوم والاحتفال به

الباحث عن الحقيقة said...

شوفي يا استاذة مجداوية
مش معنى انى عايز اكون مسلم وارضي ربنا انى ابقى فى القرن الواحد والعشرين وارجع اعيش فى زمن القرن السادس او السابع الميلادي
فيه فرق كبير وتطور كبير حصل
لازم كأنسان اتعامل معاه
انا معايا منهج رباني ومش بقول نلغي القرآن او السنة ..انا بقول المنهج نفسه انى اقول ان الحاجة الفلانية مكنتش موجوده من اربعتاشر قرن ..يبقى معملهاش
وكمان اطلع فتوى بتحريمها مش لانها بتتعارض مع نص واضح الحرمة ..وانما فقط لمجرد انها مكنتش موجودة
انا فى الموضوع انكرت تماما اى مظهر يخالف الاسلام حتى لو كان تلوين البيض اعتقادا ان ده بيمنع ضعف النظر فهذا حرام ..لكن تلوينه كنوع من البهجة لا شئ فيه لانه يأكل بعد ذلك ولا يهان
بنقول اللى عايز يحتفل يحتفل ..اللى عايز يعمل يوم عام للاحتفال الجماعي يعمل مفيش اى مشكلة ..انما ما يحصلش فى اليوم ده شئ مخالف للشرع
اه يروح يقبل ايد امه مش بس يوم عيد الفطر وانما كل يوم كمان هو ده الاسلام
لكن تخصيص يوم للاحتفال الجماعي بالام وتكريمها من الدولة لا يوجد نص فى الاسلام يحرم ذلك
الاحتفال بمولد النبي عباره عن حلقات ذكر او حلاوة عروسة وحصان ..فايه الحرام الذكر ولا الحلاوة؟
الاصل نفسه وهى الفكرة ..قلنا مش مهم مين مصدرها المهم الاحتفال بها بيتم ازاى؟
لانها لو كانت تقليد لهم فعلشان نقول ان فلان بيقلد واحد لازم يكون بيتبعه فى كل شئ ..اما فى الفكره بس فهذا ليس تقليد وانما استحسان فكره وتقيتها بما يناسب الاسلام ..مثال بيع السلم الرسول اجازه ووضع له ضوابط
باختصار الموضوع طويل واعتقدت انى جاوبت عليه
تحياتى للاستاذة مجداوية

الباحث عن الحقيقة said...

يعيش فسيخ فرنسا
يا ..يعيش
يا ..يعيش يعيش يعيش
كمان تخصيص يوم بنوع معين من الاكل ..ليس فيه اي شئ..واللى عنده دليل بالتحريم يقول
شكرا فرنسا

Dumuro said...

SECURITY CENTER: See Please Here

ابن حـجـر الـعـسـقـلانـى said...

أبو البواحث يا كبير

إيه دة ؟؟ نص كوباية شاى يا مفترى ؟؟ إيه التبذير دة .. و انا باقول هى فلوس الاستراحة بتروح فين .. أتاريك مضيعها على نص كوباية شاى هنا و ربع كوباية نعناع هناك و تسع كوباية جنزبيل هنالك

مسيرى أرجع لك و اظبط مصاريف القهوة بدل شغل التبذير دة

و شايف فرنسا .. هم دول الناس الكمل .. مارضيتش تحت ضغط و إغراء نص كوباية الشاى إنها تقول لك على مكانى .. و الله أنا دايما باقول أهل السويس دول مية مية

وبمناسبة الدنيا اللى هى ربيع و الجو اللى هو بديع .. طبعا انت عمى و عم عيالى .. أنا سمعت كلام كتيييييييير على موضوع الأعياد دة .. حتى احنا اتكلمنا عليه قبل كدة .. و انت عرضت الموضوع بشكل جميل جدا حتى أنا مت من الضحك و صوتى جاب آخر الشارع على حزء من اللى مكتوب


و بخصوص صلاح جاهين اللى ناس بتشتم فيه و كأنه من أعلام الفساد .. نشوف كاتب إيه

ياللى بتبحث عن إله تعبده
بحث الغريق عن أى شىء ينجده
الله كريم و رحمن رحيم
احمل صفاته وانت راح توجده
عجبى

أليس فى هذه الرباعية نجد التوحيد و التفكر و العقل و الروح و التسليم بصفات الله و الإذعان له و الانقياد له .. كل هذا فى رباعية غاية فى البلاغة

و بص كاتب إيه تانى

ياللي نصحت الناس بشرب النبيت
مع بنت حلوه وعود وضحك وحديت
مش كنت تنصحهم منين يكسبوا
تمن دة كله و لا يمكن نسيت
عجبى

رباعية جميلة بينتقد فيها بسخرية لاذعة هذا الداعى إلى الفساد و الانحراف .. و ممكن نقعد نتكلم فى أشعاره من هنا لبكرة

و لا ماينفعش إننا نشوف القيم الدينية الجميلة فى أشعار هؤلاء طالما ما تتلمذوش على أيدى علماء معينين أو دعاة محددين ؟؟

أبو البواحث ... تحياتى ليك يا برنس .. و واحشنى فحت و الله .. و أنا حاسس إن المدونة سخنة بعد ما كانت متلجة

شوية كدة و اروح على الصحيفة بس عشان ورايا كام مشوار

الباحث عن الحقيقة said...

أبو العساقيل يا صغيييير
اقفلى الباب يا فرنسا بتاع الاستراحه
طلعي السيخ المحمي يا سلوي
الساحرة كتفي معايا الواد ده
انت وقعت يا ابو العساقيل ولا الهوا رماك
ايه يا عم ده اللى اتفقنا عليه ..يعنى طوابير العيش والاضرابات والمظاهرات
كل الناس كتبت وانت قاعد ..كده كنت سايب الاستراحة تنش..ولا حس ولا خبر
مغرقنا في مية البطيخ وسارح في الدنيا ..ماشي يا عم
ومحدش ينكر ان صلاح جاهين استاذنا واستاذ كل من كتب الرباعايات او حتى فكر يكتب بالعامية ..انت نسيت خلي السلاح صاحي واغانية الوطنية ولا ايه
الله يرحم الجميع..انما انت ما قلتش ايه اللى الجزء اللى ضحكك اوى
احكى براحتك انت مش خارج من هنا تاني

the others said...

كل سنة وانت طيب ربيع بجد بعد ما موجة الحر انتهت ...أنا معاك في رايك وشايفة ان الاحتفال بالأعياد دي حاجه عاديه وان الفتاوي والتحريم ده من باب التزمت والفاضي يعمل فاضي ..بس كده كل سنة وانت طيب

بالمناسبة لون البيض بقشر البصل الأحمر -اسلقه معاه يعني - بلاش الوان صناعية

the others said...

نسيت استغرب من الناس اللي مش عاجبها الله يرحم سعاد حسني وصلاح جاهين
غريبه قوي هما اللي هيقفوا على باب الجنة يدخلوا اللي هما عايزينه؟

ولا هم أبناء الله وأحباءه ؟؟
بلاش نشغل نفسنا بحاجه احنا أصغر بكتير منها احنا مين علشان نقيم الناس ونمنع عنهم الرحمة بيتهيأ لي دي حاجه مش بتاعتنا خالص

appy said...

بقولك ايه عيد الحب وقولنا ماشى قولنا نبعبر عنه براحتنا

عيد الام مش معترفه بالللى بيقوله

انما شم الفسيخ قصدى النسيم كلا البطه والوزة امال مين يلون البيض والفسيخ مين يأكله دول فى البيت بيستنوا اليوم ده علشان يشوفونى وانا بأكله بالشوك والسكينه والله ومحدش يقولى ازاى اهو كده علشان ايدى مش تتوسخ
اما ابو العساقيل فانا اخر مرة شوفته مش فاكرة امتى ههههههههههههههه

الباحث عن الحقيقة said...

الاخرون
على فكره الفلم ده شفته وعجبني جدا
اهلا سوهلا بحضرتك منورة المدونة
دي مش بس ناس فاضية وعامله قاضية
دول محتاجين يتعلموا من اول وجديد
ههههه

..............

appy
منوره يا فندم الاستراحة بقالنا
لا بجد واحد عناب ساقع هنا يا ...إلا هو انتى قلتى شوفتى ابن حجر فين
بس علشان ينزلك العناب
حد ياكل فسيخ بالشوكة والسكينة
زورك يا بنتي واحبالك الصوتية يجرالها حاجه
انتى حره
هاتي حته :)

صبرني يارب said...

بص يا باحث
انت ربنا بيحبك
عشان الردود الى الناس ردوها عليك هينه
اصل انت ما تعرفش انا بقالي 6 سنين على النت كل سنه فى المناسبات دي بنقطع بعض نقاش فى ا لمواضيع دي .

والسؤال الى باقوله للجميع تسوى ايه ان امك يوم عيد الام تبقى زعلانه ووحيده وانت تقصد ان اليوم ده بالذات ماتروحلهاش عى حد قول احدهم ؟؟؟
ايه البدع فى الاحتفالات الاجتماعيه والشخصيه ؟؟؟
يا مؤمن فى واحده كنت بانصحها فى الله وفى وسط الكلام قلتلها انتى عيد جوازك امته ؟؟؟ قالتى مش باحتفل به
ليه يا امي ؟؟؟؟
كده مافيش الا العدين وبس
ناس بتتفنن فى مسخ حياتها وجعلها حياه ما لهاش لون ولا طعم ولا رائحه .
ولو لونتها تلونها اسود ومنيل بنيله .

اه وعلى فكره انت زعلان ان واحد قالك على ابن حزم مش عارف ايه وهو ما يعرفش انه بن حزم ؟؟؟؟
انا بقى مره واحد قالي بن حزم ؟؟؟ بن حزم ده اول الائمه الفاسدين .
قولي ده اقوله ايه ؟؟؟
قلتله طب بن حزم كان ايه مذهبه ؟؟
او كان ايه مبدأه ؟؟؟
ما ردش
بعد شويه قالي انتى مذهبك ايه ؟؟؟
طبعا انا ضد السؤال ده اساسا وشكله كله .
انما جاوبته فقط عشان اعرف اجابته وقلتله انا ظاهريه .

هههههههههههههههههههههههههه
طبعا سمعت كلام زي الفل وبعد شويه كلام كان واضح للعيان انه ما يعرفش اصلااااااااا يعنى ايه ظاهريه

ومصمم ان الظاهريه هى نفس منهج القرآنيين ومباديئهم .
واه يا نفوخي

قلت كل الى نفسي يا باحث عن المناسبات الى الناس بتتخانق فيها وحسبناا لله ونعم الوكيل

رغايه انا مووووت حتى فى الردود

الباحث عن الحقيقة said...

صبرني يا رب
بصراحة يام مريم انتى بردك الجميل ده
بتنافسي الموضوع
وانا اللى كنت فاكر انى قلت اللى محدش يعرف يقوله ..اتاريكى لكى بااااع طويل فى الحكاية دي
لما بقيتي خبره
الامام محمد رشيد رضا قال اذا طبع كتاب المغني لابن قدامه والمحلى لابن حزم فاني اموت وانا مطمئن على الفقه الاسلامي
اييييييه
ان شاء الله الواحد يكتب بوست عن الظاهرية ..رغم انها اقرب للسلفية من القرآنييين
مع اختلاف بسيط هو عدم اعترافهم بعصمة الصحابة او حجية اقوالهم والزامها للناس
موضوع كبير
بس انتى مشرفانا ومنورانا
منتظرين بحوثاتك بقى
تحياتى

رئيس جمهوريه نفسى said...

بسم الله ما شاء الله ربنا يفتح عليك بوست بطريقه السهل الممتنع بوست بيرد على حجات كتير

بت خيخة وأى كلام said...

عجبتنى موت
وللمتشديدين
كل سنة وانتوا طيبين بمناسبة عيد اليتيم

طبعا كلامك كويس وانا اساسا مقتنعة بيه
بس انا حسيت فى كلامك يا معلمى
انك بتدعو ان السنة كلها تبقى اعياد
وده كدة هتبقى مصيبة كبيرة وحلت فوق جيوبنا
هو احنا بنلاحق على شرا الهدايا لما يكون فيه كل شهر مناسبة
كمان عايز يبقى كل يوم

وبالنسبة لشم النسيم
ايه الحرام فيه
ايه المشكلة يعنى لما يكون فيه يوم العيلة تتجمع فيه وناكل فسيخ ورنجة وبيض وملانة
ايه الحرام فى كدة
ولا يكونش اكل الفسيخ بدعة دلوقتى وانا مش واخدة بالى

عارف يا معلمى
فيه ناس كدة بنقول عليهم
يجوا فى الهايفة ويتصدروا

ناس شغلتهم يحرموا كل حاجة
رغم ان احنا لو بصينا لطريقة احتفالنا بالاعياد دى
هنلاقى مافيش حاجة فيها حرام
يبقى ايه اللى يمنع ان احنا نتبسط ونتجمع مع عائلاتنا ونهادى بعض
وناكل اكلة حلوة سوا

سيبك منهم يا معلمى الناس دى
وانا بعلو صوتى بقولك
الدنيا ربيع والجو بديع
قفلى على كل المواضيع
قفل قفل قفل قفل


بالنسبة لعسقول
انا اعرف مكانه وممكن ادلك عليه
بس عايزة اعرف هاخد ايه مقابل انى ادلو بدلوى

حلوة ادلو بدلوى دى؟

عموما انا فى عملية زى دى
ماخدش اقل من عشرين جنيه

تحياتى ليك
اختك خيخة

الباحث عن الحقيقة said...

رئيس جمهورية نفسه
ياااا بختك يا عم عندك جمهورية اهو
شرفتنا بزيارتك يا سهل يا ممتنع
نتمنى تظل معنا صديك للبرنامج
..........

البت خيخة واي كلام

ايه النور ده يا خيخه
انتى اشتغلتي فى شركة الكهرباء ولا ايه
هي دي الناس بتاعة التجارة ..على طول بتحسبها ..عيد يعنى مصاريف
انتي تقربي لوزير المالية ..شكلو جاركم ولا حاجه
بصي يا ستى الناس دي عندها موهبة الحفظ فحفظوا كل الكتب الدينية لدرجة ان الناس تسميهم علماء ..انما ما عندهمش موهبة التفكير والعقلانية
الموضوع بسيط ..بس فين اللى يفهم ..وهم علشان يعملوا نفسهم علماء قالوا حرام ..لانهم ما يعرفوش يقولوا حلال .الحرام مش محتاج دليل عندهم سهل يحرموا انما الحلال عايز اجتهاد وتفكير وده شئ غير متوافر لديهم
هتقولي عسقول فين ولا نقفل القهوة وألم عليكي البنات الزباين اللى لسه ما شربوش حاجه ..دول هيقطعوكي انتى وعسقول
وانا طبعا فوق البيعة

نهر الحب said...

بوست يجنن واسلوبك حلو خالص
يارب بس الناس تحاول تفهم وتعمل باللى فهمته

بالتوفيق يارب

مجداوية said...

طيب أنا حامشى معاك للآخر
مش حرام ولا مكروه ولا فيه أى حاجة خالص
احنا بقى بنحتفل بيهم زى ما بتقول كده ؟؟؟؟ حتقولى ملناش دعوة بغيرنا أقولك لأ لينا دعوة لو قدرت تغير العرف والعادات بتاعتنا ونبطل كل حاجة نحتفل بيها نغنى لها ودلوقت لازم دى جى عشان الفرحة تعم وتقدر تخلى الناس تلتزم بمشاعر البهجة الملتزمة دى أبقى أشارك معاك ومعاهم وقتها ,,مش فى وسط الهوجة دى أقول لا مانع وبعدين هو الواحد لما يلتزم باللى بيحرمه العلماء الأجلاء يبقى بنرجع بالزمن لورا
أنا مش بأقنعك برأيى المخالف لرأيك ولا بأقولك عيد عليا الكلام اللى كتبته لأنى قرأته كويس جدا
لكن احنا احتفالتنا بقت معصية لله ومجرد مشاركتنا فيها بقبول فكرتهارغم ان الأفكار نبيلة بأعتبره مشاركة لى في المعصية دى ,,أنا بأبر أمى رحمها الله بالدعاء يوميا وبآكل بيض وقت ما أعوز ملون ولا مش ملون ولا آكل الفسيخ أبدا وممكن يغمن عليا من رائحته وبأعطف على اليتيم من غير ما يفكرونى بيوم اليتيم ,,هو ده المطلوب
وبس خلاص
حاسكت اهه

ammola said...

أنا مع مجداوية فى رأيها..وأن كنت أحترم الرأى المخالف من باب ان كل واحد حر وكل واحد بيتعلق من عرقوبه
بس ليا عتاب صغير..ليه أنت والموافقين على رأيك بتسفهوا الرأى المخالف وأصحاب الرأى المخالف؟؟
طيب ما نلومش حكومتنا الرشيدة بأه لما بتحتكر الحكمة

الباحث عن الحقيقة said...

نهر الحب
اشكر تشريفك الاول لمدونتي وزميلي ابن حجر ..عسداء بحضورك ونتمنى ان تكون مدونتنا خفيفة على قلبكم وتنال موضوعاتنا استحسانكم- انا زرت مدونتك وهي مدونة جميلة ذات اسلوب هادي ومتزن وانفعال محمود

......
اموله
وعليكم السلام
انتظري ردي على الاخت الاستاذة مجداوية

الباحث عن الحقيقة said...

الاستاذة / مجداوية
اهلا بكم وبمتابعتكم للموضوع
واذا كنتى هتمشي معايا للاخر فانا كمان همشي معاكى للاخر.بس على قدي
الاحتفال بالمولد النبوي وعيد الام اجازتهما دار الافتاء المصرية وعدد من المشايخ منهم الشيخ القرضاوي
غيرها من المناسبات الشخصية مثل عيد الميلاد او يوم النجاح او غيره الاصل فيه الاباحة ففرح الانسان بيوم مولده او يوم نجاحه امر فطري حتى رسول الله كان يصوم يوم مولده من كل اسبوع كما جاء في رواية مسلم
محل الاشكال الواضح هو يوم شم النسيم
وراجعت فتاوى اسلام اون لاين وجدت فتوى للشيخ عطية صقر تقول انه بدعة
ولكن ايضا وجدت هذين الرابطين وارجو قراءتهما بتمعن
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528603006
والثاني
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528606862
وردا على محاولات التأصيل التاريخي لعيد شم النسيم ..نقول ان عيد شم النسيم صار عيدا اجتماعيا في مصر منذ عشرات السنين بل ربما مئات السنين ولا يرتبط به في ذهن المسلم اى معنى ديني بل هو مناسبة اجتماعية خالصة تلتقي فيها الاسر وتتزاور وتخرج للمنتزهات العامه في احتفال اجتماعي ..لا ديني
بناء عليه يصبح الحديث : لتتبعن سنن من كان قبلكم ..غير منطبق عليه
فالسنن هى الشرائع ..فكل من يفعل سنة او شريعة من اديان سبقتنا معتقدا انها ملزمة لنا مع معارضتها لديننا فهذا هو المنهي عنه
ولكن شرع من قبلنا منه ما يتفق ومنه ما يتعارض ومنه ما لا يتفق ولا يتعارض
والحديث يتابع ولو دخلوا جحر ضب لدخلتموه ..يشير ان المقصود هو التقليد الكامل الاعمى الخالي من التبصر
وذلك باعتقاد ان بعض سنن القوم السابقين هى من شرائعنا المفروضة علينا
وكما ذكرنا ان الاحتفال بشم النسيم في مصر ليس مناسبة دينية بل هو مناسبة اجتماعية تخلو من اى مظهر ديني بل لا يوجد واحد من الناس يعلم ما هو اصل الاحتفال به وهل هو من سنن من كان قبلنا ام لا ..فهو مناسبة اجتماعية عامة وليس به اي مسحة دينية .اذن فعقيدة المسلم لم تمس
الغرض من العيد : البهجة والسرور والتزاور وصلة الارحام ..وليس تعظيم او احياء شعيرة دينية لقوم سابقين
الوسيلة فى الاحتفال : يجيب عن ذلك مفتى الجمهورية المصرية على جمعة في كتاب فتاوى معاصرة فيقول : فالموسيقى والغناء المباح : ما كان دينيًّا أو وطنيُّا أو كان إظهارًا للسرور والفرح في الأعياد والمناسبات ، مع مراعاة عدم اختلاط الرجال بالنساء ، وأن تكون الأغاني خالية من الفحش والفجور وألا تشمل على محرم كالخمر والخلاعة ، وألا يكون محركًا للغرائز أو مثيرًا للشهوات ، وأن تكون المعاني التي يتضمنها الغناء عفيفة وشريفة.
اما قول / امولة عن تسفيه الرأي المخالف ..فأرجو ان تقولي هذا لمن يعتبرون مقالتى نوع من البدعة والكفر وقريبا تخرج الفتاوى بتكفيري ..بينما انا لم اكفر احد ولم اتهمه في دينه
كما فعل اصحاب الفتاوى التى ارد عليها بمقالى حين سفهوا وبدعوا وكفروا مخالفيهم ولا يزالون
تحياتي للجميع

أم أحمد المصرية said...

صديقي العزيز
الفرح حلال بس ما تكترش من الفسيخ و الرنجة او بلاش منهم خالص :))
كل سنة و انت اطيب و الي الله دائما اقرب هو العالم بالنوايا و اننا بنقصد الفرح مش البدعة

الباحث عن الحقيقة said...

ابلة العلوم جت
كله يطلع الكراريس
اهلا أم احمد
منوره يا فندم
صحيح لما بشوفك بفتكر العصي اللى كنت باخدها علشان مكنتش بحفظ التجارب
انما كفاية اسم النبي حارسه احمد
ده واحده شئ يبعث السرور
ههههههه
منوره يا م احمد وكل سنة وانتى طيبه

صحفية روشة said...

على فكرة الواد الصبى بتاعك لازم يكنس الاستراحة احسن الشاى والسكر متبعتر على الارض

Desert cat said...

ما هو اللى ميعرفش يقول بدعه
يا فندم
مثل المسلمين فى توادهم وتراحمهم
اكيد كلنا عارفين الباقى
تحياتى

Desert cat said...

الا هو ابو العساقيل فين
والله واحشنى جدا
السلام امانة
اتصل بيه وقوله هريرة الصحراء ترسل لك السلام من قلب الالغام
ومش هدفع لك تمن المكالمة علشان انت معزمتنيش على حاجه ساقه ولا حتى سخنة
بس شاطر تقولى حاطه مش عارفه مين فى دماغك
انا مش حاطة حد ياباشا هما اللى محطوطين خلقه
وبعدين اعزمنى على كبشاتينو وانا انفض دماغى خالص
ده لو عايز يعنى
المهم سلامى بقى لمحمد وياريت تطمنا عليه
تحياتى

مجداوية said...

أنا كنت حاسكت أنا كنت حاسكت بتخلينى أتكلم لييييه
ماهو أنا مقدرش ماردش
بس أنا مع أمولة ان الرأى المخالف لرأينا واللى معاك فى الرأى تعليقهم ظريف بس كان زيادة شوية فقلب على تريقة وده مش صح وبدون ذكر أسماء لأننا كلنا اخوة واخوات فى الله وأنا احترم الرأى الآخر وأحترم رأيك لكن الموضوع مش رايى ورأيك الموضوع: دع ما يريبك الى ما لا يريبك صدق رسول الله ,,الرسول كان ينام على جانبه الأيمن هل هذه شريعه !! فيه سنة أفعال وفيه سنة شرائع فى اقتداء بالرسول فى أفعالة الحياتية العادية كبشر كمأكل وملبس وهيئة وسلوك وفيه سنته عليه الصلاة واللام كشرع مثل الصلاة والصوم وتعليم كافة أوامر الله ونواهيه ,,شم النسيم عيد فرعونى وثنى فلم يكن لهم دين
http://www.islamway.com/?iw_s=Article&iw_a=view&article_id=695
اقرأ عن الموضوع بالتفصيل الممل على هذا الرابط


للمسلم فرحتان هكذا قال الرسول الكريم
وهو يقصد فرحتان كبيرتان نحتفل بهما كعيد يخرج فيه الناس ويتزاورون ويميز المسلمين عن غيرهم من الملل الأخرى لكن احنا بنخرج مع النصارى واليهود والملحدين كمان فى هذا اليوم تعبير عن الفرحة !!!! لكنها فرحة لا تخصنا ولا
ننتمى اليها كمسلمين

!!!
نعم لنا أن نفرح بالنجاح ولنا أن نصوم يوم مولدنا اسوة برسول الله لكن هل كان الرسول يحتفل به !!!!كان يصوم عبادة وطاعة وتواضع لله ,هل احنا بنصوم يوم ميلادنا!!!! ولا بنجيب تورتة وشمع وياللا حالا بالان وهابى بيرث دى ودى جى ورقص وغنا وهيصة وزيطة فى الصالون ؟؟ ,,سؤال مهم هل كانت ايام الرسول من يفرح كانت فرحته سودة وبلا طعم ولا لون ولا رائحة لم يكن وقتها يحتفلون لا بشم النسيم ولا عيد الأم ولا عيد الزواج ولا عيد الميلاد ومع ذلك كانت حياتهم كلها عزة ورفعة وفرحة ,,حد قال منفرحش حد قال نقلبها غم أنا مثلا أكتر واحدة احب اضحك وأفرح لكن بما يرضى الله الأم اللى بتزعل عشان ابنها أو بنتها مرحلهاش يوم عيد الأم مع احترامى لها تأثرت بما يحشو به رؤسنا وبما يخالف ديننا , اذا كان ابنك أو بنتك تبرك يوميا وطول العام وتفوت هذا اليوم من اجل ارضاء الله حتى ان كان وان للشك مخطئا فلها أن تفخر به أو بها لأنه أطاع الله وهو يظن انها طاعة فيثاب عليها وان أخطأ لأنه اراد طاعة ,,لا طاعة لمخلوق فى معصية الخالق لو الأمر فيه شبهه ليه نخوض فيه وايه حنخسره لو امتنعنا عنه اللى كانوا قبلنا هل ماتوا كمدا وحزنا !!!! وللعلم أنا كنت من سنتين مع الرأى المخالف وأفعل مثلما يقولون ما عدا أكل الفسيخ ,,ولما علمت أن به شبهه والأحوط أن اسمع الرأى الأصوب عملت به ولم أخسر أبدا أى شىء وما زالت أيامى بها فرح كثير وسعادة كبيرة ,, أنا أدافع عن رأى علماء أجلاء أتفق معهم وليس رأيى الشخصى ولم أوجه أى سخرية أو تريقة لمن يخالفنى فى الرأى ولا لك أخى الكريم لأننا اخوة فى الله أولا ويعلمنا رسول الله أن نتعامل بالحسنى والرفق مع بعضنا لا أن نسفه رأى بعض أو نسخر من بعض واعنى بكلامى المختلف معك و المؤيد
يا ريت نتعلم نترفق ببعض ونكون رحماء بيننا أذلة بيننا,, أشداء على الكافرين أعزة عليهم ونقول رأينا بدون هجوم أو تريقة
ولك ولكل من علق سواء مع أو ضد كل
الاحترام والود والتحية والتقدير
وللناس المؤيديين اللى زى العسل
نقولهم كل سنة وانتم طيبين بمناسبة الاضراب فى جمهورية المحلة الشقيقة

مجداوية said...

ما أباحه على جمعه فى الغناء يطابق ما يتغنى به العفاسى وكل من ينشد أناشيد جميلة دينية او غير دينيةولكن بدون معازف
أى بدون موسيقى لأن المعازف حرام بنص حديث صحيح فى البخارى



ليكونن من أمتي أقوام ، يستحلون الحر والحرير ، والخمر والمعازف ، ولينزلن أقوام إلى جنب علم ، يروح عليهم بسارحة لهم ، يأتيهم - يعني الفقير - لحاجة فيقولوا : ارجع إلينا غدا ، فيبيتهم الله ، ويضع العلم ، ويمسخ آخرين قردة وخنازير إلى يوم القيامة

الراوي: أبو مالك الأشعري - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 5590



أما الدف فلا شىء فيه أيضا طبقا لحديث الرسول الكريم

على جمعة بشر يخطىء ويصيب ولنا ايضا أن نتبع الأحوط وكل له حريته أن يختار ما يريد والله يتقبل منا جميعا صالح الأعمال

عاشقه الفردوس said...

ماذا اراي وهل ماراه صحيحا
:)))))))))))))


ايه ده ياعم صلي علي النبي كده
لاحول ولاقوة الا بالله
انت في الصحيفه ماشي زي الفل


طيب انت بتقول ناكل بيض في شم النسيم ونلونه مش بحجه دينيه

طيب وعلي ايه ياعم ده انا علي طول بلون البيض بقشر البصل وبشاي وبحاجات خضرا علشان تعمل لون

وبفرح برده حبكت يعني كل الناس تاكل بيض في اليوم ده

وبعدين انت قولت ان الفرق بين العيد الفطر ولاضحي وبين عيد زي عيد الام مثلا ان عيد الام مش الزامي

طيب يبقي مش هكلمك علي تحريمها لان اعتقد ان مجداويه اتكلمت في النقطه او اكيد انت عارف ان فيه مشايخ كتير حرمت او قالت انه مكروه



يوم شم النسيم ده بيبقي يوم عسل بس من غير بيض وفسيخ ولا الكلام ده عيلتنا كلها بتتجمع لانها فرصه ان الكل واخد اجازة
ده غير تجمعنا كل جمعه ماشاء الله علينا اللهم لاحسد


وسيبك انت انا فظيعه في اكل الرنجه والسردين تحديدا باكله في الشهر مره او مرتين بعد محايله علي ابي وامي لانهم مش بيرضوا بس طبعا دمعتين تخلص المسائل

:))))

بس تعرف ازدواج رهيب في الصحيفه والاستراحه
:))))
ربنا يصلح الحال
تصدق فكرتني بالسردين اروح اجري اقول لابي يجيبهولي
:))))))))


وبرده مش هاكلهم في شم النسيم

:))))

الباحث عن الحقيقة said...

الاستاذة / مجداوية
اولا لاحظت في كلامك لهجة اتهام وكأني استخدمت معاكى اسلوب حوار فيه سخرية او تسفيه؟؟؟
انا ملاحظ ان حضرتك بتقلبي على وش تاني ..كما اني اقرأ في كلامك هذا والسابق عليا اقرأ معاني لم ابح بها واثرت تغاضيها لاني مش بحب اخوض معارك كلامية ..ثم انك تصفين احد الردود المختلفه معي وهو رد واحد مفيش غير وبتقولى عليه ظريف..بينما كان رد سفيه خارج عن الادب يتهمني بعلاقات مع توتو ولولو وبنات الجامعة ومش عارف ايه ده طبعا عاجب حضرتك اكيد علشان كده بتقولي ظريف
اوك
نبدأ يا استاذة
اولا : بدأتي بمقدمة حتى انتهيت بالرابط وهو تزود ليس له داعي في مناقشتنا ولم تجعليه حتى مقدمة يفضي الى نتيجة معينة
ثانيا: كان رسول الله يحتفي بمولده بان يصومه وكذلك المسلمون يصومون يوم الاثنين وتخصيص يوم مولده من كل عام بفرحة مخصوصة ليس فيه تعارض مع الشرع واظن الفتاوى فى الاحتفال بالمولد تغنينا عن الجدل في مشروعيته فراجعى فتاوى الازهر ودار الافتاء والدكتور القرضاوي
ثالثا: لا تتحدثي يا سيدتى عن المظاهر والزينة والتورته يقول تعالى قل من حرم زينة الله التى اخرج لعبادة والطيبات من الرزق..والاحتفال بعيد الميلاد هو في حقيقته شكر للخالق على نعمة الخلق واتذكر ذلك كل يوم ولكنى اخص الفرحة اكثر باليوم نفسه حين يتكرر كل عام ..وقد اغنانا الشيخ القرضاوى في هذا المضمار فلا داعي لتكرر الكلام
رابعا : الدى جيى وغيرها من المظاهر المصاحبة لاى احتفال او تجمع تخضع كاملة للشرع فما خالف الشرع فهو حرام وما لم يخالفه فهو مباح ..وإلا لو حرمنا شئ لان له بعض مظاهر محرمة فيجب تحريم العيدين الفطر والاضحى لانه ايضا لا يخلو من مظاهر فيها دى جيه ورقص واغاني ونزهات بين الشباب والبنات
خامسا:عاشوا سعداء ولم يكن في حياتهم - الصحابة- مناسبات اجتماعية احتفالية عامة مثل الاعياد ..ولكن ليس عدم وجود الشئ في حياتهم ووجوده بعد ذلك انه وبدعة وإلا يا سيدتى فأنتى اول مبتدعة انتى وعلماءك وستدخلون النار لانكم تغسلون اصابعكم بالماء بعد الاكل ولا تلعقونها كما كان يفعل رسول الله ولم يثبت عنه صلى الله عليه وسلم انه غسل يده بعد طعام قط
سادسا: ان التحيرم لا يكون إلا بنص قاطع ولا يخضع لهواكى ووجهة نظرك وقولنا أليس من الافضل لو كان كذا ..فهذا قول العقل والتحريم قول الشرع فدعي عقلك جانبا عند الحديث عن الحرام فالمنع لا يكون إلا بمانع قاطع وإلا فالاصل في الاشياء الاباحة كما يعلم علماءك الذين تدافعين عنهم
سابعا: انتى تدافعين عن علماء اجلاء ..وانا انقل لكى عن دار الافتاء ومشيخة الازهر ويوسف القرضاوى ..ام ان هؤلاء لقطاء وابناء زنا وإلا ما الذي يجعل لعلماءك فضلا على علماء اخرين بينما هذه جميعا امور اجتهادية ولو كان فيه نص قاطع لما اختلفوا وإلا كان المخالفين منكرين معلوم من الضرورة
ثامنا: قبل ان تحدثينى عن البخاري وحديث البخاري ..تعلمي كيفية استنباط الاحكام من النصوص الشرعية
فحديث البخاري هذا لم يغب عن نظر العلماء الذين اباحوا السماع ومنهم ابن رجب الحنبلي
تاسعا: على جمعة لا يحل ولا يحرم ..فلا تسيئي الادب عند الحديث عن العلماء ان التحليل والتحريم احكام شرعية وليست بشرية لذلك وجب على من يتكلم بالحلال والحرام ان يقدم الدليل على ما يقول
عاشرا: الابحاث كثيرة فى الرد على الافتراء بتحريم الموسيقى والغناء المباح منها كتاب للدكتور يوسف القرضاوى . وهذا اللينك لتتعلمي يا سيدتي حكم النصوص التى تلجأين إليها
هذا بحث للامام ابى محمد بن حزم
http://al-kashefa.blogspot.com/2007/07/blog-post_21.html
واخيرا ..مرحبا بكم

الباحث عن الحقيقة said...

عاشقة الفردوس
الاستراحة نورت يا فندم
وعندكواحد سردين لعاشقة الفردوس
يا ستى زى مانتى اشيفة كده دى كلها مناسبات اجتماعية والناس بتفرح ومفيش حد بيحتفل بشم النسيم مثلا علشان ربنا نجا اليهود ولا حد يعرف اصلا مين اول من احتفل بيه الفراعنة ولا الفرس ولا فى دماغ الناس اى حاجة دينية ولا إلزام
مناسبة اجتماعية الناس بتتلم وتخرج وتتفسح ..وكل ده لازم يتم فى اطار الشرع لان مش معنى انك هتسميلى اليوم ده عيد انك تعمل كل حاجة براحتك
لا طبعا لسه الحرام حرام مفيش حاجة اتغيرت
وبعدين ازواجية ايه كده ازعل ..هو احنا قلنا ايه فى الصحيفة وعارضناها هنا علشان تقولي ازدواجية
طب سك على السردين يابن حجر
هههههه ..منورة

مجداوية said...

أخى الكريم
لن أسىء الأدب مرة أخرى وأعتذر بشدة انى دخلت فى مناقشة معك وسأتعلم كيف أستنبط الأحكام وسأترك عقلى جانبا ولن أحلل الحرام وأحرم الحلال وانت صح وأنا وكما تسميهم علمائى على جهل وسأفعل كل ما طلبته وأمرت به خاصة عدم اساءة الأدب
ولكن أطلب منك شيئين بل هما رجاء أولا :أن تقرأ ما كتبته أنا لك مرة أخرى وبتمهل وستعرف أننى كنت أتكلم عن من أيدك وليس عن من تهجم عليك وقال توتو ولولو ولا أعرف جئت من أين أننى أسخر من كلامك وأنا أطلب ألا نسخر ولا نسفه من كلام بعض !!!!وثانيا الطلب الأخير لا تبدأ كلامك معى بأستاذة أبدا فصحيح أن عمرى 45 عاما وصحيح أننى استاذة ورئيسة قسم فى مدرستى وصحيح أن والدى رحمهما الله كان من أفاضل الناس وعلمونى ألا أسىءالأدب ولكن بعد أمرك لى ألا أسىء الأدب فالأفضل أن تبدأ كلامك لى بأى حاجة تليق بمن يسىء الأدب مثلى ولا تقل استاذة!!أستاذة ايه بقى انت خليت فيها استاذة !!!
سامحك الله أخى الصغير أو الكبير على حسب عمرك ,, ولا حول ولا قوة الا بالله

الباحث عن الحقيقة said...

الاستاذة / مجداوية
تحققت من الطلب الاول ..نعم فهمت خطأ نظرا للقراءة السريعة للمقدمة واعتذر عن ظنى انك تمتدحين شخص يهينني فى رده وتعليقه
بخصوص طلبك الثاني وهو مبني على الطلب الاول وانا اقدم اعتذاري
ولكن هذا لا يمنع انى شعرت باستخفاف خفي في ردك الاول وردك الاخير
واخيرا لا حرج في ان اقول لك تكلمي كيفية استنباط الاحكام من النصوص حتى لو كان كتاب البخاري
وهذا ليس قولى بل قول علماء الاصول فصحيح البخاري وحجيته مختلف فيه فهو على صحته حديث احاد وخبر الاحاد ليس حجة في اثبات الاحكام الشرعية بمفرده بل يحتاج الى توافر شروط وضعها كلا من المذهب الحنفي والمالكى
- قولك ادافع عن علماء اجلاء وكأن الطرف الاخر يا سيدتى لا ينسب قوله لعلماء اجلاء ايضا فيما اختلفنا فيه
- قولك ما اباحة على جمعة لا انكر انى شعرت فيه ايضا وكأنك تقللين من شأن الرجل وتقولين ما اباحه على جمعة والصواب ما قال باباحته ..وليس ما اباحة ..ما قال باباحته اى ما قال ان حكمة الاباحة ..وما اباحة تعنى ما اباحة هو من تلقاء ذاته
وارى هذا بقصد الاستخفاف
-اخيرا : اعتذرت عن خطأئي ..والباقي لا اخشى فيما قلت لومة لائم لانى لم اقل غير الحق وإلا فأتني بالرد عليه وانا اول الشاكرين والمعترفين به
مرحبا بكم

عاشقه الفردوس said...

سردين
مرهواحده
ايه الحلاوة دي

طيب شكرا اوي

ايه ايه هتشيلهم تاني ليه


ياعم ربنا مايجيب زعل


اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

عاشقه الفردوس said...

والله ده شرف لينا ان حضرتك تكون متابع لتدويناتي

بس والله عندي حفظ كتير ومش قادره اركز لاني عايزة اختم في اقرب فرصه

تقبل اعتذاري ربنا يبارك فيك يارب

باذن الله مش هيمر الاسبوع ده الا وهكتب تكمله للموضوع الاخير

جزاكم الله خيرا
ورزقكم الله الاخلاص

عبدٌ من عباد الله said...

بص يابنى

عايز تخالف
خالف
بس لوحدك
واتحمل مسؤلية نفسك

عايز تفرح
افرح
و فرح الناس كلها معال
لكن مش على حساب دينك

افرح كل يوم كما تريد

لكن
ابتعد عن البدع

كمسلمين

لنا عيدين

الفطر
و
الأضحى

عاداهما مخالف

و أكرر عليك

افرح كل يوم

لكن اياك و توظيف الأحاديث و أفعال رسول الله صلى الله عليه وسلم
و صحابته رضوان الله عليهم

لهواك

الباحث عن الحقيقة said...

عاشقة الفردوس
شكلنا هنمضي معاكي عقد
ما تمسكي انتي البوفيه بتاع الاستراحة احسن.. بس لاسردين ولا فسيخ ولا ملوحة هتدخل الاستراحة علشان تبقي عارفه

........
الاخ عبد من عباد الله
اياك انت
احنا بنتكلم بالنص والدليل
ولنا اجتهادنا في الامور الفرعية زى ما غيرنا اجتهد
مش تيجي تقولي هواك ..تعالى قولي انت استدلالك غلط من ناحية كذا وكذا
موضوع اياك والهوى ..زى مانت بتقولي انا بقولك برضه
اياك انت

الباحث عن الحقيقة said...

عبد من عباد الله
كلاكيت تاني مره
عاداهما مخالف؟؟؟
أرجو انك تراعي ان المجتهد في جواز الاحتفال بالمولد النبوي وعيد الام هى دار الافتاء والازهر والشيخ القرضاوي
واذا طبقنا بيان صادر للناس الصادر من الازهر على عيد شم النسيم ونقدنا الفتاوى الظاهره بتبديعة وتحريمه هتلاقيها بنيت على عله غير متحققه في وقتنا الحالي فهو لم يعد عيدا دينيا وانما مناسبه اجتماعية قومية

hend...hanady said...

انا هكتفى انى ارد عليك بحديث الرسول صلى الله عليه وسلم لما قدم المدينة وهم يحتفلون بأعياد الجاهلية ( لقد أبدلكم الله بعيدين خير منهما . عيد الفطر وعيد الأضحى )

مجداوية said...

الباحث عن الحقيقة
اعتذارك مقبول أخى الكريم
ولكــــــــــــــــــــــــن

ولا بد أن أعرض وجهة النظر كاملة طالما كان هناك اعتذار وطالما قبلته أنا
1-لم تكن حدة فى الرد هى كانت اساءة بالغة وأنا لم أسىء اليك ولا حتى بالتلميح ولم يكن هناك استخفاف خفى فأنا كنت أتبسط معك فى الحوار لتغلفه بسمة لكى تقبله لأنه يخالف رأيك

2- طالما قبلت تعليق المدونين والزائرين وأنت تعرض وجهة نظر أو رأى فيه خلاف لا بد أن تتوقع مخالفتك فى الرأى لأنه أصلا عليه خلاف وأيضا ليس وجهة نظرك أنت بل هى مسألة فقهية اختلف عليها العلماء الأجلاء والأجلاء هنا تشمل كل العلماء من الجانبين فأنا وصفت ما أتحدث عنهم بالأجلاء لأنهم أجلاء ولو كنت أتبع الرأى الذى تتبعه كنت سأقول عن العلماء الذين أجازوه بالأجلاء أيضا لأنهم شئت أم أبيت أنا أجلاء فأصبحت كلمة أجلاء استخفاف بالآخر فكيف !!!!!!!!


3- أذا أنا أسأت الأدب كما اتهمتنى وهو ما لم يحدث مطلقا بل أعتبر هذا سب علنى ولو كنت أعرف اسمك لرفعت عليك دعوى رد شرف ( دى مزحة مش استخفاف ولا بد أن أنوه بين قوسين بعد ذلك على أن هذه مزحة أم لا )فالأولى ألا ترد الاساءة بالاساءة والترفق كما نوهت فى كلامى هناك وكنت أوصيك وأوصى نفسى فلم تعمل بها ودشدشت القوارير أخى الكريم

4- ليس معنى اختلافى معك اننى عدوة أو جاهلة وأنا ضد تماما التطاول أى استخدام السخرية أو السباب للدفاع عن وجهة نظر ما لأن هذا سلاح الضعفاء وقليلى الحيلة

5- من تواجدى هناك فى الاستراحة ومن مواضيع مدونتى أعتقد أنك لاحظت أن اسلوبى العام فى الكلام هو اضفاء الابتسام حتى على أحلك المصائب ولم تصدر منى أبدا تجاهك من قبل أى اشارة أن اسلوبى فى التعليق هو اساءة الأدب

6- اسمك اخى الكريم الباحث عن الحقيقة وهو ما لم تستخدمه معى قبل ردك الأخير على ولو كنت بحثت قبل أن تسىء أو تحتد على كما وصفت لكنت وفرت على وعليك كل هذه الملاحيظ أى الملحوظات


7- مفيش سبعة ولكنى أحب رقم سبعة واريد أن انهى به ملاحظاتى اليك

لكــــــــــــــــــــــــن
تعلم التجويد نعم فرض كفاية لكن أنا نوهت أنه تعليم سماعى متلقى فقط بدون دراسة أكاديمية فأنا اعلم الأطفال اصول التجويد دون أن يعرفوا لماذا هناك قلقلة أو اضغام أو اخفاء وهذا فرض عين على كل مسلم متعلم أن يتحرى الطريقة الصحيحة للتلاوة دون دراسة أكاديمة فهناك أميون يتلون القرآن بالتجويد كما أنزل على رسول الله فما بالك بالمتعلمين فخطأه فى التلاوة يعتبر تعمد طالما أنه أعلم بضرورة التلاوة الصحيحة ولم يفعل تكاسلا أو اهمالا أما باقى الأعذار فهى بين العبد وربه فأمى مثلا رحمها الله لم تكن تعلم وأنا قبل أن اعرف من أساتذتى أنه فرض عين لم أكن أعرف فهل صلاتى السابقة لن تقبل !!! عدم العلم عذر مقبول ان شاء الله لكن بعد العلم فقد أقمت عليك الحجة والفاتحة من القرآن والتى لا بد أن تجود لتكون صحيحة لمن ايييييييييه ؟ لمن أقمت عليه الحجة وأخبرته
وكفاية كده عشان مندخلش فى جدال تانى
وتزعل منى وتحتد عليا والمرة الجاية فيها أمن مركزى وقنابل مسيلة للدموع
ورصاص مطاطى ( دى مزحة )

الباحث عن الحقيقة said...

الاخت الفاضلة / هند
اسعدني تشريفك وزيارتك الاولى لمدونتى
واذا كنتى زرتينا في الخمس شهور اللى فاتوا قبل كده فانا معرفش لانى كنت منقطع
بالنسبة للحديث عن النبي صلى الله عليه وسلم نعم الحديث صحيح
بمفهوم المخالفة هو لا ينهى عن اعياد اخرى مسكوت عنها في النص وذلك لان هذا النص ورد في بيان الحال الذي كانوا عليه في المدينة فأخبرهما ان الله ابدلهما بيومين خير منهما ولا شك ان الاعياد شرعت قبل نطقه بهذا النص اى بعد تشريع الصيام وتشريع الحج
كما ان احكام الاسلام جاءت مبدء الامر لتقطع العلاقة بين الوثنية وبين الواقع الجديد حتى لا يختلط بالامر شئ ..مثلما حدث في تحريم الصور ثم وجدنا ائمة مثل محمد عبده وسيد سابق وغيرهما يقولون بجواز الصور اى التماثيل وانها حرمت لعلة لم تعدموجوده هى ان القوم كانوا حديثي عهد بالجاهلية فاراد الاسلام ان يلغي ما قبله تماما حتى لا يدخل على عقيدة الناس شئ
كذا يمكن القول في العيدين

الباحث عن الحقيقة said...

الام / مجداوية
هو حضرتك ما تعرفيش انى محامي ولا ايه
لا اقري البروفايل كويس
طيب انا يسعدنى تشريفك
بس كل دى ملاحيظ يا ابله
هو انا في الحقيقة لما قلتى طب انا همشى معاك للاخر ..وانت بتخلينى اكتب ليه انا مكنتش عايزه اكتب ..قلت دى بتكلم عيل صغير ولا ايه ..ولا ده استخفاف
ماخدتش بالى انها لاضفاء حس الدعابة
صحيح انا بشرح بالعامية فى الصحيفة وهنا انما انا بقرا كتب اصول فقه ولغتى العربية سليمة فلو اتكلمتى باسلوب جدلي بعيد عن المزاح كنت هتفهم
ومش لان حضرتك بتخالفينى فى الرأى انك تمازحيني وكأني صغير يعنى خاصة اننا بصدد الاختلاف بموضوع كبير
عموما هاخد بالى بعد كده
ويا ستى كترى ملاحيظ براحتك هعتبرها قرصة ودن ليا علشان ابقى اخد بالى بعد كده
بس ممكن سؤال : هل اوثر عن احد من السلف انهمكانوا بيحبو الرقم سبعة؟؟ وألا يعد ذلك تشبها بالفراعنة لانهم كانوا يقدسون الرقم سبعة والرقم تسعة؟ بينما كما هو معلوم ان الارقام في الاسلام ليس لها قداسة رغم ورودها في القرآن ولم يقل احد من السلف بذلك؟
(ارجو اعتبار هذا السؤال مزحة)
شوفي حضرتك انا سنى 27 سنه محامى اسيوطى
تحبى اقول لحضرتك يا ابله ..ولا يا امى؟
شكرا لتشريفك من جديد

مجداوية said...

محامى وأسيوطى
أسيوطى
وأنا بأهزر مع محامى وأسيوطى
اللى ميعرفك يجهلك بس مش كنت تنوه على اسيوطى دى عشان ملعبش فى عداد عمرى (كل اللى فات مــــــــــــــزحــــــــــــة)

أتكلم جد بقى أنا والله اسلوبى كده مع الكل ومع كافة الناس باختلاف أعمارهم مش حكاية صغير أو كبير واحتمال كبير يكون عيب فى طريقتى عشان لازم أفرق بين تقبل الناس لأسلوبى ده أو عدم تقبله لكن أنا بأفترض ان النية هى الأساس ونيتى دائما فى استخدام اسلوب الدعابة والمزح البرىء هو التلطف والبعد عن الرسميات التى لا أحبها واعتبره عيب فى سأحاول قدر استطاعتى أن أقننه بشكل صحيح ,,أظن أقننه دى مناسبة مع المحاماه أهه ( بلاش كل شوية اقول دى مزحة )
السؤال الأول اجابته ان الرقم سبعة ليس تفاؤل وليس تشاؤم من الأعداد الأخرى هو فقط رقم أحبه مثل حبى للون الوردى أو التركواز أو الأسود ومثل حبى للملوخية مجرد ارتياح ويمكن لأن ترتيبى السابع بين اخوتى قبل انظر حولك وبرضه حطيته بالشكل ده نوع من التلطف مش أكتر
السؤال الثانى
نادينى بمجداوية فقط فأنت أكبر علما وسنا من أن تكون تلميذ لى وتقول لى يا أبلة ولكن وقت اللزوم سأعاملك معاملة الأم عشان أعرف آخد حقى منك
يعنى حاستعمل فرق السن ده استعمال استراتيجى ومتنساش انى معايا الأمن المركزى
تحياتى وتقديرى اخى الكريم واظن انا اخدت البوست دة باب وشباك وده مصطلح مقاولين فارجو كتابة بوست جديد عشان اشطبه واطلع منه بقى واديهولك على المفتاح عشان تقفله بنفسك

nonoymm said...

السلام عليكم
مهند مش كدة ولا مين
هو حضرتك اللي دخلت في الهدى ائتنا ولا مين ؟؟؟؟
بتلخبطونا ليه بس عموما انا رديت هناك ممكن حضرتك تنورناتاني وتشوف الرد يهمني جدا
:))))
بالنسبة للموضوع بتاع التدوينة
حلو اوي اضفاء اي نوع من التراحم والواد بينا في اي يوم في السنة ومش شرط الايام اللي اتحددت زي يوم الحب والام وحضرتك برضه شايف برضه ان اصبح فيه اساءة في استخدام الاعياد دي وانت شاب وعارف يوم الحب بيحصل ايه وغيره
معك جدا في اننا نحتفل بيوم الحب ويوم الام وناكل فسيخ ورنة ونلون بيض لاني بحب الحاجات دي اوي على فكرة
بس ليه بنسفه من شرعنا ؟؟
ليه مش نحتفل في اطار شرعي وكمان يبقى عبادة ومش بس كدة ونؤجر عليه كان
يعني الاعياد دي لو خلينا بدل عيد الحب يبقى يوم الحب ولو خلينا بدل عيد الام يبقى يوم الام وعيد شم النسيم
يبقى يوم الربيع ونحاول نتلم مع بعضنا وكل واحد يجيب الهدية الللي عاوزها وياكل اللي ياكله مع اضفاء الشرعية على هذا اليوم باني اصل رحمي ارضي امي وارضي نصفي التاني ودة لله وطول السنة يبقى انت حققت المعضلة وخرجت من دايرة المخالفة الشرعية لان في استخدامك لكلمة عيد دة اقرار بان فيه عيد اخر غير العيدين اللي ربنا سبحانه وتعالى ابدلك بهم
وبلاش نسخف من اي تفصيل في امور دينا لان من رحمة ربنا بينا جعلنا دين نرجع له واي حاجة مهما عملتها في حياتك تنوي انها تكون لله حتى اللقمة اللي بتحطها في فم زوجتك بتبقى عبادة واجر الصدقة فايه يعني لما تكون فيه تفاصيل صغيرة نعملها ونحصد بيها حسنات ولا انت في غنى عنها؟؟ دة ربنا سبحانه وتعالى ورسوله قال لنا ان البسمة صدقة والكلمة ممكن لا تلقي لها بالا وتهوى بها في النار سبعين خريفا وممكن تهزر وتقول لمراتك انتي طالق وفاكر انه هزار اهو والحقيقة ان الطلاق وقع شفت بلاش بقى نقول حاجات صغيرة وتافهة وما اعرفش ايه لان هو دة اللي خلى البعدا عرفوا يدخلو لنا ازاي ومنين
هقولك مثال صغير اوي
انت عارف ان الرسول عليه الصلاة والسلام كان بيصوم يوم عاشوراء صح ولا ايه ؟؟؟اه طبعا ولما شاف اليهوود بيصوموا ويحتفلوا يوم عاشوراء وعرف ان دة اليوم اللي ربنا سبحانه وتعالى نجا فيه سيدنا موسى عليه السلام ولكدة اليهود كانوا بيصوموه قال نحن اولى بموسى منهم وقال نخالفهم ونصوم التاسع والعاشر
تخيل في احتفال ديني زي دة الرسول خالف اليهود وسن صيام التاسع والعاشر
ايه رايك بقى؟؟؟
نحتفل ايوة وفي اطار شرعي بعيدا عن المخالفات الشرعية وفي طاعة وبدون تسخيف لامور دينا والاقلال من شانها
ومش هكرر اللي الاخوة قالوه في حديث الرسول لتتبعن سنن من قبلكم شبرا بشبر لانه قتل بحثا
بس هقول للاخت صبرني يارب
انا بحتفل بيوم زواجي ويوم اول مرة شفت زوجي فيه وايام ميلاد الاولاد وبجيب هدية لماما وكل اللي بتعملوه واكتر عشر شويات كمان بس افرق اني ست احب اعمل اي شيء في حياتي وفي تعاملاتي مع اهلي واحبابي ويكون له مردود علي واطيع به ربي مش يضيف لي سيئات
وربنا يجعل ايامكوا كلها طاعة في طاعة
ويوم ربيع وانت في طاعة
تقبل كلامي
دمت بود

nigro said...

فتح الله عليك وزادك علماً و عقلاً
بص يا معلم أنا كل لما اقرالك أو أقرا لابن حجر بالذات في الأمور الدينية و المسائل الفقهية و بالذات في الصحيفة الكاشفة بحس بحالة ظريفة قوي
بحس إني أبيييييييييض فاضيييييييييي
جاهل و عايش في مية البطيخ
ده بصراحة .. و رحم الله امرءاً عرف قدر نفسه
عارف بحس بإيه كمان
بفرح بيكو جدا
بقول هما دول الشباب ولا بلاش
ربنا يفتح عليكم و يبارك فيكم
علشان تعقّدوني أكتر و أكتر
:)

سلام مؤقت

الباحث عن الحقيقة said...

مجداوية
باب وشباك
باب وبلاكونه
المهم انتى رايحة جاية على الاستراحة ومزوغة من المدرسة من امبارح .الدرس الجديد نزل في الصحيفة الكاشفة امبارح

الباحث عن الحقيقة said...

nonoymm
اقسم بالله العظيم
ان حضرتك قلتى اللى انا عايز اقوله بالظبط
واظن ان هو ده اللى انا قلته دون نقصان بل انا زودت عليه تفنيد الحجج المحرمة بلهجة رأها البعض تسخيف من الاخر
جدير بالذكر ان الاخر ده بيعتبر المحتفل بالايام اللى قلتى عليها زنديق ومبتدع وكافر ابسط حاجة ..انسان ضال
ده حتى المفتى والشيخ القرضاوى انشتموا بسبب المواضيع دى
اظن انا مكنتش بالحده اللى هما متصورينها انا اتكلمت بالعقل
وبعدين نسمية عيد نسميه يوم مش هتفرق
كلمة عيد من العود اى الذي يعود ويتكرر ..فنفس المعنى وناس كتير بتقول يوم بدل عيد انما زى ما قلنا العبره مش بالمسميات العبره احنا في اليوم ده بنعمل ايه
زى ما قلت اى مخالفة للشرع كلنا بننكرها
اهلا وسهلا وانا شفت ردك على مدونة الهدى من زماااان بس معرفش ردك انتى ولا رد محب اللى كان بيتريق ويقول احنا ناس كرماء ومش هنقدملك نص كوباية شاى زى ما بتعمل مع ضيوفك
ما علينا
منوره

الباحث عن الحقيقة said...

نيجرو
محمد النجار
والله قعدت اضحك من ردك ده ربنا يبارك فيك
خلي بالك ادخال السرور على اخيك المسلم عمل عظيم برضه وصدقة لها اجر في الاسلام
ربنا يكرمك انت كمان ويفتح عليك
وتبطل تكلم نفسك
عايزينك تكلم الناس
تشرب ايه من الاستراحة
ساقع ولا سخن؟
منور يا مان

محب الدين said...

إقتباس

( اهلا وسهلا وانا شفت ردك على مدونة الهدى من زماااان بس معرفش ردك انتى ولا رد محب اللى كان بيتريق ويقول احنا ناس كرماء ومش هنقدملك نص كوباية شاى زى ما بتعمل مع ضيوفك )

السلام عليكم ورحمة الله وبركاته

ليه حضرتك خدتها على أنها تريقة ؟؟ .. أنا اصلا مكنتش بتريق .. أنا كنت بحاول اهزر معاك بس .. على العموم أنا عارف إن دمي نقيل ياعم مش هاهزر معاك .. واقبل اسفي على سوء التفاهم

بالنسبة للموضوع الأخت عاشقة النقاب جاوبت .. وطلعني برة الموضوع ياعم خالص

بس بالله عليك أنا محبش حد يزعل مني خالص .. لو كان هناك سوء تفاهم معاك سامحني

الباحث عن الحقيقة said...

حصل خير يا اخ محب
انا كمان كنت بهزر يا عم
مفيش زعل الحمد للهمنورنا بوجودك

محب الدين said...

السلام عليكم ورحمة الله وبركاته

حيث إن مفيش زعل

يبقى ادخل بقلب جامد في موضوع الدنيا ربيع وعم بديع ده ولا إيه ؟

الإشارة خضرا وحمرا ؟؟؟

shaimaa samir said...

البط شال عدي الجبال و البحــــــور

ياما نفسي اهج .. احج ويا الطــيور

أوصيك يا ربي لما اموت .. و النبي

ما تودنيش الجنه .. للجنه ســـــــور

عجبي !!!



أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!


لو ماخدناش العلوم الشرعية من العلماء
هنخدهم منيين
بستغرب اوىىىىىىى لما الفنانين يكونو مضايقين ان ناس داخلة التمثيل ولا عندها علم ولا موهبة
ويجى للدين الكل يتكلم فيه عاااادى
(على فكرة انا بحب صلاح جاهين مع تحفظى لبعض اشعاره زى اللى حضرتك شايفها بس مش هو اللى هتعلم منه حاجة تخص الشريعة والتامل)

الاخ باحث عن الحقيقة
بداية السلام عليك
طريقة عرضك للموضوع طريقة حد فاهم وبيعرف يناقش ويتناقش
وليه وجهة نظره
المهم ان الاخت المجداوية وفرت عليا الكثير
واحيانا بتحس ان النقاش هيوديك لحيطة سد
مش ضد النقاش انا
انا ضد التطويل بلا فائدة
فكل منا مقفتنع بوجهة نظره
وهدف المناقشة عرض الفكر وليس الاقناع
وانا ارى انك عرضت فكرك
وانا مع الاخت المجداوية فى فكرها
فانتهى الامر الى فريقان
واتذكر حديث الرسول صلى الله عليه وسلم
وبيت فى وسط الجنة لمن ترك الجدال ولو كان محقا
هذا ليس هروبا ولكن كما ذكرت انفا
انه لا فائدة فكلانا عرف فكر الاخر
دمتم فى امان الله
لم يعجبنى
اخر سطر كتبته
للمتشددين الاحتفال بيوم اليتيم
جزيت الخير

الباحث عن الحقيقة said...

الاخ محب الدين
يا عم الاشارة خضرا وحمرا ايه
انت داخل تشتري بطيخ
ههههههه
اهلا وسهلا بيك دايما
وانا مستعد للحوار لكن بشرط هتقولى الافضل والاولى وهتلجأ لاستدلالات عقلية ..بالتأكيد هتلاقي استدلالات عقلية مقابله فوفر علينا ندخل في جدل طويل
ونتكلم بالادلة الشرعية
مش معنى كده اني انكر حجية العقل وانما حجية الالزام بالعقل
فالالزام بشرع

الباحث عن الحقيقة said...

شيماء سمير
احترم رأيك ووجهة نظرك
وهذا هو المقصود من عرض الموضوع
احترام وجهات النظر المختلفة
انى اريد حمل الناس على رأيى
شكرا لزيرتك
ويا ريت تتمكنى وتشرفينى في مدونة الصحيفة الكاشفة وتشوفى اخر موضوع عن الحلال والحرام والامور المشتبهة

محب الدين said...

ماشي مدام مفيش بطيخ يبقى ادخل بقلب جامد

وبعدين إيه حجية العقل والكلام الكبير ده .. الكتاب والسنة عندي هو الأساس ..هتقلي ياعني هتلاقي حجج عقلية نقلية وبتهددنا .. الحمد لله احنا مبنخافش

بص ياسيدي .. انت الأول أكيد أكيد انت عارف يعني إيه بدعة ؟؟

بالرجوع إلى كتاب الإعتصام للشاطبي ( مرجعي اهه )نجد أنه عرف البدعة وقال عنها " أنها طريقة في الدين مخترعة يقصد بها التعبد لله وتضاهي الشريعة "

طيب يبقى البدعة هي طريقة في الدين مخترعة ... طيب هو الأعياد تعتبر عبادات ؟؟

الإجابة نعم الأعياد عبادات .. لماذا ؟؟ اسمع الأول للحديث ده

عندما هاجر النبي صلى الله عليه وسلم إلى المدينة وجدهم يلعبون في يومين فعندما سأل قالوا هذا يومان كنا نلعب فيهما في الجاهلية ... فقال لهم النبي صلى الله عليه وسلم " قد أبدلكما الله يومان خير منهما الفطر والأضحى "

تمام كدة إيه معناة الكلام ده ؟؟؟

إن النبي وجدهم يحتفلون في يومين فنهاهم ... لماذا ؟؟ .. لأن التفسير الوحيد أن الأعياد من الشعائر الدينية التي ترتبط بشرع ارتباط وثيق .. فعندما نحتفل في أيام لم يأمرنا بها الشارع فهذا يعتبر بدعة لا لشئ إلا لأن الأعياد مظاهر دينية لا نظهرها ولا نفعلها إلا بإذن الشارع

هل عندما نهاهم النبي صلى الله عليه وسلم عن هذين اليومين هل قالوا له كما قلت انت الآن أنه حرم علينا الفرح والفسحة ؟؟؟

لنا يقول لك أحد أن هذه الأعياد بدعة فكلامه ذلك لا يعني أنه يأمرك بالتعاسة وعدم الفرح والبهجة ولكن يأمرك أن تصرف الطاعات في مواضعها

طيب كام يوم لذكرى ميلاد النبي صلى الله عليه وسلم مرت عليه ولم يحتفل بيوم مولده ؟؟ .. طيب يمكن كان الرسول صلى الله وعليه وسلم متواضع .. طيب كام مره في عصر الخلفاء أتى يوم ميلاد النبي صلى الله عليه وسلم ؟؟ هل سمعنا عن أحد منهم أنه احتفل بميلاد النبي صلى الله عليه وسلم طيب الغزوات التي انتصر فيها المسلمون وفتوحات الإسلام لماذا لن يحتفل بها أحد ؟؟.. الإسراء والمعراج ؟؟

طب من أين جاءت هذه الأعياد ؟؟ ومن الذي بدأ الإحتفال بها؟؟.. أحيلك إلأى كتب التاريخ حتى لا تقول اذكر لي المرجع


هذا كله إذا كان العيد الذي ابتدعه الناس ليس له علاقة بأعياد الكفار .. فما بالك إذا كان له علاقة وتشبه بالكفار ؟؟؟


والحكاية مفيهاش فرض رأي ولا غيره .. أنا مش هجبرك إنك لا تحتفل وأنت كذلك لن تجبرني أن أحتفل

ولكن كل الحكاية تبيين للحق .. واعلم أن الحق واحد وأن صراط الله المستقيم سبيل واحد فقط .. قال تعالى " وأن عذا صراطي مستقيما فاتبعوه ولا تتبعوا السبل فتفرق بكم عن سبيله "

وما دام كل واحد له مرجع شرعي في كلامه ومقتنع به فلا يضير الأخر شيئا

جزاكم الله خيرا على سعة صدرك

ومعلش على الكلام الكتير اللي فوق ده .. سامحني

ابن حـجـر الـعـسـقـلانـى said...

الأخ الكريم محب الدين

ازيك أولا .. منور الاستراحة ... هو حد جاب لك شاى و لا لسة ؟؟ معلش هو الباحث عن الحقيقة بيحب يعذب الضيوف

المهم .. كلامك قائم على فرضية و هى إن كل ما هو "عيد" يعد شعيرة دينية .. و هذا كلام غير دقيق .. و لا يمكن القطع بأن كل "عيد" هو شعيرة كنتيجة للحديث النبوى الذى أشرت إليه

كلامك سليم فى كوننا نحتفل بمناسبة ما على أنها شعيرة تعبدية .. فهذه بدعة .. أما ما دون ذلك من مناسبات فهى من أمور الدنيا و لا يقصد بذواتها التعبد.. و لا يمنع ذلك أن يكون فى مظاهر احتفالنا بها طاعة لله و بعدا عن المعصية

إلى جانب أنه كيف يكون يوم السادس من أكتوبر مناسبة دينية ؟؟ هو مناسبة بالقطع وطنية

إلى جانب أن هناك مناسبات كثيرة اجتماعية

و هناك مناسبات متوارثة نشأت ربما بشكل غير سليم و لكنها تقولبت فى قالب اجتماعى خالص على مرور السنين مما يصرف عنها علة التحريم

و أعتقد أن الباحث عن الحقيقة سوف يتناول أمر "البدعة" بشكل أفضل بكثير .. فهو متمكن و فاهم

و معلش اتأخرنا عليك فى الشاى

الباحث عن الحقيقة said...

الاخ / محب الدين
ما ذكرته من تعريف الشاطبي للبدعة هو حجة لنا لا لك
وهو تعريف بالرسم لا بالحد فهو ليس التعريف الجامع المانع.. وبالتالي لم يحسن الشاطبي تعريف البدعة اذا كان يقصد بها انها الامر المنكر من الدين
الذي يجعل صاحبها مرتكب كبيرة توجب في حقه النار وإلا كان عثمان بن عفان مرتكب كبيرة حين شرع ابتداءا الاذان الثاني في صلاة ظهر يوم الجمعة لم يسبقه إليه من أحد
وهذا ما لم يقله احد من المسلمين ..إلا الضالون
......
وقولنا ان هذا التعريف حجة لنا لا لك يتبين لك من قول الشاطبي يقصد بها : التعبد لله
فإذا ظننت ذما من قوله تضاهي الشريعة
فمن الشريعة القياس
وقد انكر بن تيمية القياس وقال من قاس فقد شرع ..فهل القياس منكر وليس حجة تثبت به الاحكام الشرعية ؟؟ لم يقل بذلك إلا قلة من العلماء ولكن اغلبية العلماء انه حجة
والقول بأنها تضاهي الشريعة يعني الاعتقاد بانها ملزمة وان الله امر بها او نهى عنها ..اما ذا كانت من غير ما لم يتناوله الله بأمر ولا بتحريم وقصد به التعبد لله مع عدم الاعتقاد بأن الله من ألزمها على عبادة بوجوب او منعها بتحريم فنعمت البدعة كما قال عمر
وإليك تعريف ابن حزم الظاهري للبدعة من كتاب الاحكام حيث يقول " والبدعة: كل ما قيل أو فعل مما ليس له أصل فيما نسب إليه (ص)، وهو في الدين كل ما لم يأت في القرآن، ولا عن رسول الله (ص) إلا أن منها ما يؤجر عليه صاحبه، ويعذر بما قصد إليه من الخير، ومنها ما يؤجر عليه صاحبه ويكون حسنا، وهو ما كان أصله الاباحة كما روي عن عمر رضي الله عنه، نعمت البدعة هذه وهو ما كان فعل خير جاء النص بعموم استحبابه وإن لم يقرر عمله في النص.
ومنها ما يكون مذموما ولا يعذر صاحبه وهو ما قامت به الحجة على فساده
.........
مما دل على نقصان تعريف الشاطبي وانه لم يبلغ به الحد
........
ثانيا : الحديث ان الله أبدلكما..لا يعني بمفهوم المخالفة ان ما سوى الفطر والاضحي منهي عنه فمفهوم المخالفة لا يعمل به إذا كان المقصود بالكلام هو بيان الحال مثل قوله تعالى لا تأكلوا الربا اضعافا مضاعفه لا يعنى بمفهوم المخالفة حل اكل الربا باضعاف غير مضاعفه فالمقصود من النص بيان الحال
ودليلنا على ذلك ان العيدين لم يشرعا في هذا الموقف بل العيدين كانا موجودين قبل هذه الحادثة ورسول الله يذكر بهما ولو كان العيدين الفطر والاضحى ناسخان لما عداهما لكان ذلك عند ورود مبدأ تشريعهما بأن ينفي ما سواهما ..ولكن هذا ما لم يستفيده احد من الصحابة الانصار فأحتفلوا بما كانوا يحتفلون به حتى نهاهم عنه رسول الله وهذا يرجح ان علة النهي ليس لفساد الاحتفال في ذاته ..وانما المعلوم عند العرب ان اعيادهم كانت دينية فنهاهم رسول الله عن ذلك لقطع الصلة بينهم وبين الوثنية ليحافظ على التوحيد نقيا في قلوبهم .. فإن قلت ان شم النسيم عيدا دينيا نقول لك قد كان ثم لم يعد ..لذلك افتى محمد عبده وسيد سابق وغيرهم بجواز الصور اى التماثيل بعد ان كانت محرمة في الاسلام وذلك بعد انقطاع الخشية من ان يعبدها الناس فقالوا بجوازها
...........
ثالثا :ان عدم احتفال النبي او الصحابة بمناسبة معينة لا يجعل من ذلك نهي عنها
وإلا فما هو المسكوت عنه اذن في الشرع مما ليس بحلال ولا حرام؟؟
وقد سكت رسول الله عن أكل لحم الضب وأكله صحابته امامه فلم ينكر وما تكلم حتى سئل لماذا لم تأكل؟
كذلك لم يكن في حياة الصحابة في القرن السادس والسابع الميلاديى ما هو موجود في القرن الحادي والعشرين فلا يجعل من عدم ذكرهم له بحكم انه محظور
ولا يعنى وجود شئ في عصرهم وعدم تناوله
انما الحجة من حياتهم هي ان يبلغهم الامر فيمنعوه
فكيف تجعل من جهلهم بأن الناس سيحتفلون بالمولد النبوي حكما شرعيا؟
.....
اسف للاطاله
ايه يا عم ابن حجر عزم عليك ولسه ما قلتش تشرب ايه؟
تحياتى

محب الدين said...

السلام عليكم ورحمة الله وبركاته
الأخ بن حجر أنا الحمد لله بخير شفتك كتير في المدونات التانية بس أول مرة أقابلك ربنا يكرمك على الشاي بس للأسف مش بشربه .. ممكن عصير قصب بس طازة ؟ .. لو اسود مش هشربه


طيب بالنسبة للموضوع هبدأ بكلام الباحث عن الحقيقة بعدين بكلامك دالوقت انت نقلت تعريف الإمام بن حزم بتعريف البدعة وقلت

وإليك تعريف ابن حزم الظاهري للبدعة من كتاب الاحكام حيث يقول " والبدعة: كل ما قيل أو فعل مما ليس له أصل فيما نسب إليه (ص)، وهو في الدين كل ما لم يأت في القرآن، ولا عن رسول الله (ص) إلا أن منها ما يؤجر عليه صاحبه، ويعذر بما قصد إليه من الخير، ومنها ما يؤجر عليه صاحبه ويكون حسنا، وهو ما كان أصله الاباحة كما روي عن عمر رضي الله عنه، نعمت البدعة هذه وهو ما كان فعل خير جاء النص بعموم استحبابه وإن لم يقرر عمله في النص

طيب أنا استعجب أن تقول أن تعريف الشاطبي ليس كاملا وتقول على هذا التعربف أنه جمع معنى البدعه !!!

لأننا بالنظر إلى هذا التعريف للإمام بن حزم نجد أنه عرف البدعة بناءا على مذهبه الظاهري الشاذ عن باقي المذاهب الأربعة

عرفها على أنها هي ما خرجت عن الكتاب والسنة ولم يكن لها أصلا فيها إلا أنه ألحق بهذا التعريف قوله ومنها ما هو مستحسن ومنها ما هو محرم

طيب وما الضابط بين المستحسن والمحرم .. كيف نفرق بينهما ؟؟ .. هل عندما أفعل شيئ أستحسنه هل بذلك أصبحت البدعة حسنة ؟؟

فهذا هو تعريف الإمام بن حزم تعريف ناقص لم يجمع تعريف البدعة بدقة


عندما نرجع إلى تعريف الشاطبي مرة أخرى وهذا نصه بالضبط لأني لم آتي بالنص في المرة السابقة

البدعة طريقة في الدين مخترعة تضاهي الشرعية يقصد بالسلوك عليها ما يقصد بالطريقة الشرعية

طيب نحلل واحدة واحدة

البدعة هي طريقة في الدين : يعني خرج بقوله هذا العادات العادية كالأكل والشرب والنوم وما نحوه .. وهذا يفسر لما أكل الصحابة الضب ولم يسألو الرسول صلى الله عليه وسلم ويفسر استعمالنا لجميع الإختراعات الحديثة دون حرج .. لأن كل هذا ليس من الدين في شئ .. فما كان هناك داعي لاستشهادك بها

مخترعة : يعني لم يفعلها رسول الله صلى الله عليه وسلم ولا الخلفاء الراشدين المهديين من بعده .. لأن أفعال الخلفاء الراشدين تعتبر سنة أمرنا أن نأخذ بها رسول الله صلى الله عليه وسلم لقوله " عليكم بسنتي وسنة الخلفاء الراشدين المهديين من بعدي " فخرج بذلك فعل عثمان رضي الله عنه بتثنية الأذان لعلة بعد الناس عن المسجد وعدم علمهم بميقات الصلاة .. فليس هناك داعي أيضا للإستشهاد بهذا الموقف

تضاهي الشريعة : يعني أن الذي ابتدعها ... ابتدعها ولها أصل في لدين ولكن أضاف إليها أشياء لم يفعلها رسول الله ولم يأمر بها الله تعالى

يقصد بالسلوك عليها ما يقصد بالطريقة الشرعية : يعني الي يفعلها يقصد بها ما يقصد بسلوك الطريقة الشرعية

فهذا تعريف الشاطبي أرى بناءا على تحليل التعريف أنه هو الجامع المانع فعلا فالرجل لم يترك كبيرة ولا صغيرة إلا بينها

فإن اتفقنا أن هذا هو تعريف البدعة ننتقل إلى النقطة التالية وهي أن الأعياد التي لها صبغة دينية كالموالد والأعياد التي أصلها عند الكفار لا يجوز الإحتفال بها وأن الأحكام لا تتغير بمرور الوقت والزمان .. ولكن وبعد إذنك نتفق على هذا أولا ثم نكمل منعا للإطالة وتشويش الأفكار

إن أردتني أن أكمل قبل إجابتك فهذا حقك

نسأل الله أن يرنا الحق حقا ويرزقنا اتباعه ويرنا الباطل باطلا وأن يروزقنا اجتنابه .. وأن نخرج عن الذين يجادلون مراء ليس لإرادة الحق بل إنتصارا للنفس

جزاكم الله خيرا والله الحديث جميل وأراه مثمر إن شاء الله

الباحث عن الحقيقة said...

كمل يا اخ محب
لا بأس
وان كان ردك كتابا ..أجبتك عليه
خد راحتك

الربان said...

تحياتي

من الاخر كدا يا سيدي الكريم...طالما ما
اقوم به لا يخالف الشرع..و لا القانون
ولا القيم ...فأنا حر...
يعني حين أحتفل بذكري المولد النبوي..او بعيد الام...او بعيد ميلاد
اخي او زوجتي او كائن ما كان...هذه حرية شخصية....

الاستاذ الدكتور احمد عمر هاشم ..علق
علي الاحتفال بذكري المولد...فقال ان النبي صلي الله عليه و سلم صام يوم الاثنين و قال هذا يوم ولدت فيه...صلي الله عليه و سلم...

الاسلام دين وسطية...لا يعرف الغلو و لا التطرف......
ياريتنا نترك اطلاق الفتاوي و التشدد لان الدين لن يشاد احدا الا غلبه.


تحياتي و تقديري

Rainbow said...

كل سنة وانت طيب

عندك حق فى كل كلامك
لازم الواحد ياخد الشىء الكويس واللى ميخالفيش الشرع و الدين


مفيش نسكافيه ؟ :)

تحياتى

الباحث عن الحقيقة said...

الربان
اهلا وسهلا حضرتك منورنا بزيارتك الكريمة لاول مره
هو فعلا الامر بسيط
طالما مش بخالف الشرع في نهي صريح
يبقى كل انسان يجتهد براحته وهو حر
شكرا لزيارتك وكنت اتمنى تطل على مدونة الصحيفة الكاشفة

........


رينبو
زي ما قلنا طالما العقيدة سليمة
والمعاملات سليمة مفيش مخالفة يبقى مفيش حظر
ولو هنحرم الاحتفالات علشان بعض المنكرات فكمان في اعياد الفطر والاضحى الشباب والبنات بيرقصوا ويروحوا حفلات واغاني ورقص ودي جي وكتير منكرات
ما علينا
مفيش نسكافية تاخدي كابتشينو
نورتوا الاستراحة

Mo3Az said...

ممممممم
طيب
اتفق معاك ان بعض العقول الضيقة تتعمد تحريم الكثير والكثير

ولكن اختلف معك فى المساواه بين البدعة والاحتفال باعياد الكفار

موضوع الاحتفال دا بالذات منهى عنه ، منهى عن الاحتفال باعياد الكفار

لا مانع من الرحلات فى ذلك اليوم والمرح وادخال السرور على الاطفال ولكنها من قبيل استغلال يوم اجازة وليس من قبيل الاحتفال بعيد

ارجوا انى اكون عرفت اوضح قصدى ايه
----
والدنيا ربيع
;)

الباحث عن الحقيقة said...

معاذ
بالظبط هو كده
تمام وبكل بساطة زي مانت قلت
والدنيا ربيع
تشرب عناب ساقع؟
قلت ايه
:)

الفارس الملثم said...

انت عارف , موضوعك ده فكرني باستاذ لغة عربية في اعدادي , هو مكنش متدين ولا حاجة , لكن اول ما يدخل الفصل يقول العبارة " كل محدث بدعة وكل بدعة ضلالة وكل ضلالة في النار " وكانه نوع من استهلال الكلام ..

والقضية هي استغلال العبارة دي في تجميد العقل علي ان اي شئ لم يفعله الصحابة هو من قبيل البدعة والضلالة ..

اذا كان هناك عيد تنتهك فيه حرمات او طقوس مخالفة لتعليمات الاسلام فهو بالتاكيد عيد محرم الاحتفال به , لكن مثلا يوم اقوم بيه بتقديم هدية لامي فما الحرام في ذلك , او يوم احتفل فيه بخير البشر فما الحرام في ذلك ..

ادخال البهجة علي النفسي ليس حرام لكن الحرام اتباع طقوس احتفالية لا تتوافق مع الاسلام..

موضوع قيم جدا ومتميز احييك عليه يا فندم

مع خالص تحياتي
محمد

TheRiddle said...

على فكرة المدونة بتاعتك جميلة جدا
ومواضعيك واسلوبك اجمل واجمل
بس انا مش متفق معاك فى حاجات
اننا نحلل او نحرم بمزاجنا ده اكبر غلط
سواء حللنا الموضوع وبسطناه او اتفلسفنا فيه او او او
نسيب كل حاجة للمتخصص فيها
وخصوصا فى الدين
مش معني كده اني بنتقدك لأ بالعكس
انت عاجبني جدا والمدونة كمان عجباني جدا
الى الامام دائما وربنا يوفقك

عبدٌ من عباد الله said...

و ان تطع أكثر من فى الأرض
يضلونك عن سبيل الله

عبدٌ من عباد الله said...

و مرة اخرى

لست انا و لا أنت
ممن يحق لنا الاجتهاد
فللاجتهاد اهله

monaliza said...

وانت طيب
كلامك واقعى وعقلانى وجعلنى اتذكر حديث "تبسمك فى وجه اخيك صدقة"صدق رسول الله صلى الله عليه وسلم

الباحث عن الحقيقة said...

الفارس الملثم
اشكرك على تواجدك الكريم
منورنا يا بطل
فعلا فيه ناس للاسف بتعمل على تجميد الفكر
وده لسبب وهو ضعف ملكاتها في الاجتهاد وانهم لم يأتوا حظ من الفطنة والعلم ايضا
علشان كده اسهل حاجة عنده يقول حرام
لانه علشان يقول حلال هيعوز يفكر
وهو ليه يفكر؟؟
تقبل تحياتى

الباحث عن الحقيقة said...

TheRiddle
يوسف بيه وهبي
قصدي معاطي
سعيد جدا بزيارتك الجميلة فعلا
انا كمان احترمت مدونتك واحترمت قلمك واسلوبك
شئ جميل فعلا
وشكرا على زوق حضرتك

الباحث عن الحقيقة said...

عبد من عباد الله
جزاكم الله خيرا يا اخي الكريم على التذكرة
احسنتم النصح لنا ولكم
بارك الله فيك


........


موناليزا
اهلا وسهلا بزيارتك الجميلة
وكويس ان قدرنا نخليكي تبتسمي
منوره الاستراحة يا فندم
تحياتي للجميع

L.G. said...

وبعدين يعني

فين المواضيع الجديدة

الباحث عن الحقيقة said...

ال جى L.G
يا سلام
يعني هو انتي سبق وعلقتي هنا علشان تسألي عن الجديد
ده جديد ..وفي الصحيفة موضوع جديد
وبعدين الاستراحة كده خطفت الاضواء من الصحيفة فأنا عايز ادى الاستراحة راحة شوية
سعيد بزيارتك المفاجأه
مبسوط اني ارجع اشوف اسمك تاني في المدونة

Hosam Yahia حسام يحى said...

ههههههه


مقال جمييييييييييييل

ربنا يوفقك

الباحث عن الحقيقة said...

حسام يحيى
شكرا على زوقك
والحمد لله اننا قدرنا نخليك تبتسم
شكرا لزيارتك ونتمنى استمرارها

Kijar said...

See Please Here

norahaty said...

السلام عليكم ورحمة الله وبركاته
الباحث عن الحقيقة***
انا اعلم انى التعليق ال87 !!يمكن يعنى لا حتقرا او تعلم حتى بوجود التعليق ولكنى اريد ان اثبت انى احب مثل هذه الاراء فى امور ديننا المعيشية
انا لن اكل لحم خنزير او ارتوى بمنكر فى هذا اليوم فمن اين الحرمة تاتى؟سيقولون اولى ان تصرفى هذا الوقت شىء احسن الصلاة - الذكر-قرأة القران- نعم اعلم ان هذى امور عظيمةولكن!
ما احسن ان ارفه عن نفسى يومآ
اكون بعده اقدر على مواجهة امور
حياتى ومشاكلها
هدنا الله وايكم الى ما يحب ويرضى
والسلام عليكم ورحمة الله وبركاته

bastokka طهقانة said...

صح ده نفس مبدئي لازم نسيب الناس تفرح طالما مفيش مساس بالعقيدة او بالدين


اوروفوار

مجداوية said...

السلام عليكم أخى الكريم

سؤال برىء هو الموضوع ده حيفضل طول فصل الربيع ؟؟؟ ده حتى فصل الربيع عندنا مشهور بالعواصف الرملية
فى انتظار فصل الصيف بأحر من حره

حمادة زيدان said...

صديقي العزيز
أعذرني طبعاًأني اتأخرت كتير عقبال ما وصلت للمدونة ... بس الحمد لله أني وصلت موضوعوك حلو أوي ,على فكرة أول ما شوفتك بتتكلم عن شم النسيم وعيد الأم ولقيت كلمة حرام روحت شمرط نص كمي علشان انا لابس بدي وقولت أدخل أتخانق ... بس لما شوفت كلامك العسل عن الفرحة اللي بتعملها الأيام دي في نفوس كل الناس , وانه مش كل حاجة معملهاش الرسول "ص" تبقي بدعة ضالة مممكن تدخلنا النار زي ما الجماعة الجهلة بيقولوا
أشكرك بجد على موضوعك ويارب الناس صاحبةالعقول الحجرية دماغها يتعدل
أخوك
حمادة زيدان

بت خيخة وأى كلام said...

بدحرج التماسى

somaa mahaba said...

ايه دا
وانت طيب بس بمناسبه تالته وهى عيد ميلادى
ههههههههه بدعه
بلاش خليها يوم ميلادى
وانا بقى بالذات يوم ميلادى ميعتبرش بدعه اتولدت 20 ابريل يوم الاتين شم النسيم 17 شعبان 1987
دا بجد مش تهريج ههههههههه يعنى انا مولوده يوم شم النسيم اصلا
وسمعت ان يوم 20 ابريل دا يوم ملود الرسول بالشهور الميلاديه وكمان يوم الاتنين
كل سنه بقى وانت طيب
تحياتى ليك سومه_87

somaa mahaba said...

شفت بقى الهسس ادينى نسيت اكتب عليه الصلاه وافضل السلام

Dr. Diaa Elnaggar said...

عزيزي الباحث عن الحقيقة

قال يونس الصدفي : ما رأيت أعقل من الشافعي، ناظرته يوماً في مسألة، ثم افترقنا، ولقيني، فأخذ بيدي ثم قال: يا أبا موسى، ألا يستقيم أن نكون إخواناً وإن لم نتفق في مسألة ؟!0

بالمناسبة موضوع ممتاز، وليس للأسف للتطرف سقف، فلا تلق بالا بمن لا يريد أن يكون في الحياة بلا سقف !!!!!! 0

عميق تحيتي وخالص مودتي

ضياء

L.G. said...

كده القهوة حتجيب ضلفها

في شهر وأكتر موضوع واحد
مينفعش الكلام ده

سك سك سك على الموضوع

Jana said...

يعنى مافيش فايدة
كل ماجى القهوة عندكم الاقى نفس الندوة دى شغالة ...كنت عايزة اهرب منها لكن مافيش امل

طيب ..من غير كلام على الاختلافات فى الرأى حيث ان الموضوع ده قتل بحثا ...واحيى فيك وفى ضيوفك الالتزام الجميل بادب الحوار المختلف فى وجهة النظر
انا لا أكل الفسيخ فى يوم شم الفسيخ او غيره
انا الون البيض مع اولادى ..كل ما نجيب كرتونة بيض .يعنى فى اول الشهر كده ولا احب الالتزام بيوم شم النسيم تحديدا وخصوصا انه بيبقى فى اخر الشهر.وامتدادا لعيد المسيحين فى نظرهم
انا اخرج يوم شم النسيم لأنه اجازة رسمية ..تسبق الامتحانات ..فمن باب الترفيه قبل العذاب ليس الا
انا احتفل بذكرى الزواج وميلاد زوجى وابنائى واخوتى

اتلاقى مع اخوتى عند امى فى يوم الام..ولا اتفق مع رأى ان فى الاحتفال استعادة ذكريات مؤلمة لمن توفى عنهم امهاتهم ..فما المشكل فى فى تذكرهم وزيادة الدعاء لهم عن الايام الاخرى ..فتصبح الهدية للامهات الاحياء منهن والاموات رحمهن الله وافضل تسميته بيوم الاسرة .وتقديم هدية للوالد ايضا
اكثر من الصلاة على الحبيب فى يوم المولد النبوى اكثر من اى يوم ..واحكى لاولادى عن سيرته ..فاذا كنا نحتفل بميلادنا نحن ..فما بالك بالنبى صلوات الله عليه وسلامه..

فقط لا اسمى كل هذه المناسبات اعيادا
انما هى يوم او ذكرى ..وليس بالضرورة الاحتفال بها فى وقتها

تحياتى ...لك وللاخ عسقول وضيوفكم الكرام على ادب الحوار مرة اخرى
وممكن اشرب كافيه اوليه ...من غير ليه لو سمحت

Home Broker said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Broker, I hope you enjoy. The address is http://home-broker-brasil.blogspot.com. A hug.

الباحث عن الحقيقة said...

norahaty
قريت تعليقك وكنت سعيد جدا بيه
وسعيد اكتر بزيارتك الجميلة

الباحث عن الحقيقة said...

طهقانه
طهقانه الطهقانه مشرفانا
يادي الهنا والسرور وتغريد الزرزور
خطوه عزيزه يا طهقانه
كل شم نسيم وانتى ملونه بيض
هههه
وبتشمي بصل

الباحث عن الحقيقة said...

مجداوية
تعليقك اضحكني جدا
وتذكرناه انا وابن حجر وضحكنا سويا
ان شاء الله فيه جديد


...........

بت خيخة
دحرجي يام شريف بس اوعى تعوري حد
اي اهو المساء اتدحرج جه في عين عسقول
كده الواد ..هو كان ناقص يعني

الباحث عن الحقيقة said...

حمادة زيدان
سعيد جدا بتشريفك الذي سمح لى بمطالعة مدونتكم مره اخرى
وسعيد انك بتوافقنى الرأى
هي المسألة في الحلال والحرام ان كان الاحتراز لامور الدين من عقيدة او معاملات
فهذه الاحتفالات لا تمس العقيده او التشريع بشئ
هي فرحة عامه
والعيد فرحة على رأي طنط صفاء

الباحث عن الحقيقة said...

سومه
كل سنة وانتى طيبه
وبعدين يوم او عيد هى هتفرق
الاسم يعنى هو المشكلة
قلنا كلمة عيد جاية من معنى التكرار انه بيتكرر كل سنه
يلا كل سنة وانتى طيبه بمناسبة عيد ميلادك
انا كمان سمعت ان النبي اتولد يوم 20 ابريل وطبعا يوم اتنين
يعني مش بعيد يطلع كان يوم شم النسيم
اه قبل مانسى زيك
عليه الصلاة والسلام

الباحث عن الحقيقة said...

دكتور ضياء النجار
حقيقي بكون سعيد بمشاركاتك
لانى بتعلم دايما من ردودك
وكما ذكرت حضرتك موقف يونس الصدفي فهناك مقوله اخرى شهيرة لكنها للاسف ليست قيد التنفيذ في كثير من الاحيان
وهي الاختلاف في الرأي لا يفسد للود قضية
اشكرك على استحسانك للموضوع
شهاده من استاذ ومفكر كبير في عالم التدوين العربي
تقبل خالص تحياتي ومودتي وشكرى العميق لزيارتك الكريمة

الباحث عن الحقيقة said...

ال جي
يا ناس يا شر كفاية قر
بس انتي مش شر انتى كلك خير
حاضر يا فندم موضوع قريب ان شاء الله

الباحث عن الحقيقة said...

جنه
شايفه علشان نيتك
النت فصل وانا ببعت الرد وطبعا كل الكلام راح
استر يا رب
بعد كده لما تيجى تكتبي تعليقك على طول
انا خلاص عرفت انك بتيجى
يعنى مش هنزل مواضيع جديده غير لما تشرفينا بتعليقك
وبعدين يوم او ذكرى
مش هتفرق
طالما في اليوم ده مش بنعمل حاجه حرام

Dr. Diaa Elnaggar said...

عزيزي الباحث عن الحقيقة

وخليني أقولك ليه العبارة التي اوردتها لا تكون عادة قيد التنفيذ، لأننا في غالب الأحوال نختلف ونحن نظن أننا نختلف في الرأي، ولكننا في الحقيقة نختلف في النية!!!! دا مفتاح القضية، الإختلاف في الرأي لا يفسد للود أي قضية، ولكن الإختلاف في النية يفسد للود كل قضية !!!!! والإنسان الذكي هو الذي يقدر من الأول هل الاختلاف الحادث في الرأي أم في النية !!! ولكن تبقى هناك مع ذلك همسة عتاب أخوية مني إليك، همسة عتاب من اللي كانت بتيجي في الراديو زمان، أظنك عارفها بدون ما أصرح بها !!!!!!! 0

عميق تحيتي وخالص مودتي

ضياء

الساحرة said...

ماشيه لقيت الباب مفتوح قولت اسلم هههههههه

هوانتو قفلتوة علي كل المواضيع والمفتاح ضاع اكسروة الباب اسهل

الباحث عن الحقيقة said...

دكتورنا العزيز ضياء النجار
جميل اوى اوى حكاية النية دي
بجد لفته رائعة من ناقد خبير في اساليب الحوار
ولك حق في همسة العتاب طبعا
وانا مش هقدم اعذار لاني بالفعل مقصر
تقبل تحياتي مع جزيل الشكر

الباحث عن الحقيقة said...

الساحرة
اهلا وسهلا
شرفتينا
فكرتينا
نقفل الباااااب
حمد لله على سلامتك
سعيد انى اطمنت عليكي انتى غبتي كده فتره شوية
ليه؟
يلا المهم عودتك بخير

ابو احمد said...

كل سنه وانت طيب وبخير وسعاده ومحقق كل امانيك