Sunday, May 25, 2008

الوصايا العشر ..لمن يريد أن يحيا

الوصية الاولى
أهلت عصور الحب ..فودع الكراهية
..............................
الوصية الثانية
لا تدع الخوف يفكر لك , أو يشر عليك وطهر منه ارادتك , وعش قويا
..............................
الوصية الثالثة
أسبح قريبا من الشاطئ .. وأرتكب أنظف الاخطاء
ولا تقايض على الفضيلة بشئ
..............................
الوصية الرابعة
احمل روح الرواد , وأبحث عن الدروب غير المطروقة
وأجعل مناط سعيك : " ما لم يفعله من قبل أحد "1
..............................
الوصية الخامسة
لا تجعل على عينيك عصابة , وأمض بصيرا
في يمينك : "إلى أين .." ؟
وفي يسراك : "لماذا" ؟
..............................
الوصية السادسة
عش صديقا طيبا
وليكن " اسمك " نداء النجدة للمكروبين
..............................
الوصية السابعة
اقرأ في غير خضوع , وفكر في غير غرور , وأقتنع في غير تعصب
وحين تكون لك كلمة , واجه الدنيا بكلمتك
..............................
الوصية الثامنة
تقبل وجودك , وطوره
وأختر حياتك , وعشها
وابق إلى النهاية حاملا رايتك
..............................
الوصية التاسعة
ول وجهك شطر الله , فإنه حق
وضع يدك في يده , فإنه نعم النصير
..............................
الوصية العاشرة
وطد مسئوليتك بالحرية
وحصن حياتك بالعدل
واترك للوجود شذاك..!!
..............................
الوصية الحادية عشر
مفيش هم عشرة بس
هذه الوصايا كتبها المفكر الاسلامي الكبير / خالد محمد خالد
في كتاب : الوصايا العشر لمن يريد أن يحيا
أضغط هنا لتحميل الكتاب ..واستمتع بقراءته

49 comments:

وجهة نظري said...

بيتهيألي الوصيه التاسعه لازم تكون أول وصيه: ول وجهك شطر الله فإنه نعم النصير

تحياتي لك

الساحرة said...

ونعمه الوصايا

لو الناس تمشي عليها كانت حياتنا

بقت احسن بكتير

استاذنا الكتاب مش بيتحمل

ليه

هو عموما عندي واستمتعت بقرائته

Whispers just for a Night said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

كاميليا said...

.............
الوصية الثالثة
أسبح قريبا من الشاطئ .. وأرتكب أنظف الاخطاء
ولا تقايض على الفضيلة بشئ
.......

جميلة اوى دى

الوصايا كلها جميلة
ليتنا دوما نتذكر

الوصية التاسعة كان لابد ان تكون الأولى
لاننا لو ولينا وجهنا شطر الله
سيكون تطبيق بقية الوصايا سهلا وربما لا اردايا

اشكرك على نقل هذه الوصايا

تحياتى

la3lahakhier said...

خالد محمد خالد كاتب له وزنه فعلا اخد منى ايام الثانوى كلها وعشقت كتبه لفترة طويلة
شكرا على التذكرة يااا

الباحث عن الحقيقة said...

وجهة نظري
اشكر زيارتك وتعليقك
وان شاء الله الكتاب يكون عجبكم

تحياتي


*******************

الساحرة
وبعدين بقىىىى
ماهو بيتحمل اهو
يعني اعمل فيكي ايه بس
صفر في اعمال السنه
ارتحتي
عموما هو كتاب باين عليه جميل
اصل انا حملته وانا بكتب الموضوع ولسه ما قريتوش
الكلام ده طبعا بيني وبينك ماشي
يعني محدش يعرف اني لسه ما قريتوش ..عارفه ان حد عرف
هخلي الشهادة بتاعتك كلها كحك
هههههه
تحياتي يا حضرة الزميلة الموقره
اخرتها تطلعي محاوية
ومن قبل مانا اتولد كمان
ماشي

الباحث عن الحقيقة said...

ويسبرز جست فور انايت
يعني ايه الاول
ما علينا
حاضر انا واخد بالي
الليله هتلاقيني عندك ان شاء الله

*************

كاميليا
اشكر زيارة حضرتك الجميلة والرقيقة
وشكرا ان البوست عجبك وان شاء الله الكتاب هيعجبك
اما ترتيب الوصايا ده فمش بأيدي
عموم الاهم في ده كله هو العمل بيها
انا كمان عجبتني الوصية التالته بس مش عارف يعني ايه ارتكب انظف الاخطاء دي
هقراه واعرف
ميرسي بوكو

الباحث عن الحقيقة said...

لعلها خير
كاتب له وزنه؟؟ لا هو انتى بتوزني الكاتب الاول قبل ما تقري ولا ايه
وبعدين لما انتي شاطرة اوى كده قوليلى يعنى ايه ارتكب انظف الاخطاء
جايز ماقراش الكتاب النهارده
اديني فكره يا ابله اا
حفظتى درس النحو ولا لسه
طب استهجي محمد كده
قوليلى انتى بينك وبين الصحيفة الكاشفة تار بايت ولا ايه
مش بتحضرى في الفصل ليه؟
منتظرك هناك

رئـــــيسـة حزب الأحلام said...

جزاك الله خيرا وصايا جميلة
واعانك الله على افادة اخوانك
تحياتى

ابن حـجـر الـعـسـقـلانـى said...

طب انا مش عارف دة توارد خواطر و لا حد بيتجسس عليا لحسابك

و الله العظيم أنا ابتديت امبارح أكتب موضوع عن أحد الكتب .. بس الكتاب هو "حياة محمد" لمحمد حسين هيكل

انت طبعا شغلت جواسيسك عليا و عرفت إنى باكتب موضوع عن كتاب روحت انت سبقت و كاتب موضوعك عن كتاب لخالد محمد خالد

هو انت كنت مدفعية فى الجيش و لا كنت مخابرات

بس كل اللى انا كتبته امبارح هو العنوان فقط و معاه فكرة واحدة.. عشان مافضيتش من الشغل اللى معايا

بالمعدل دة انا هاخلص الموضوع بإذن الله خلال شهر أو أقل

سيبك بقى من الكلام دة

الموضوع بتاعك دة فكرنى باصحابى لما حد بيشرحلنا مسألة صعبة جدا و ينجح إنه يفهمنا المسألة بسهولة .. بنقول عليه إدانا - لامؤاخذة - حقنة علم

انت كدة اديتنا حقنة نصايح مركزة

الله ينور عليك

الباحث عن الحقيقة said...

رئيسة حزب الاحلام

اشكر حضرتك على التعليق الجميل ومدوامتك على زيارتنا رغم تقصيرنا
ده من ذوق حضرتك يا فندم

*************

عسقول
والله وما اخدت بالي انا المره دي كتبت الموضوع من غير ما اشوف يعنى دخلت على نيو بوست وريحت الكلام
عموما يعني هو موضوع سد خانه من باب التغيير
يعني حتى مفيش اي تعليق مني على الكتاب ولا نقد ولا تحليل ولا ..الخ
يعني عندما تكون جاهز اشتبك
خلص موضوعك بسرعة لو سمحت
لان انا في ذهني موضوع عن النبي برضه وشخصيته وموضوعك ده راح يحفزني انى اكتبه
يعنى مثلا تعليقي عليه هروح انزله موضوع في المدونة التانية
انت هتنشره فين صحيح؟
المهم
ارقد , عمّر , عندما تكون جاهز اشتبك

ابن حـجـر الـعـسـقـلانـى said...

انا ما كنتش كاتبه فى الدرافت بتاع المدونة .. انا كنت كاتبه على الجهاز عندى يعنى ما كنتش هاتعرف تشوفه إلا لما تحضر العفاريت الزرق

أو تستعين بالساحرة أو بجنى اللى ماسكين فى موضوع الميراث و مش سايبينه

المهم انا محطوط على التونجر دلوقتى .. و شكلى كدة مش هاخلص من التونجر إلا كمان اسبوعين كدة و يكون الموضوع استوى فى الاسبوعين دول

و كنت ناوى انشره على الصحيفة لو انت مش هايكون عندك مواضيع

اسيبك بقى و اروح للـ
FPGA
اللى مقعدانى على التونجر

بص .. خد الكام جملة دول سلى نفسك بيهم .. هانقلهم من الكاتالوج بتاع الـ
FPGA

--------------

Serial Configuration Modes
This section describes the dual-purpose pins used during
either Master or Slave Serial mode. See Table 74 for Mode
Select pin settings required for Serial modes. All such pins
are in Bank 4 and powered by VCCO_4.

صاحب المضيفة said...

شكر الله لك تذكرتك الحلوة


يارب اجعل لنا من ذلك نصيبا كبيرا



تحياتي

إنـســـانـة said...

تدوينة رااااائعة بجد

جزاك الله خيرا اخى الكريم ونفع الله بك

اللهم آمين

nonoymm said...

نفعنا الله واياكم

الباحث عن الحقيقة said...

عسقول

التونجر كده شكله هيولع
اسكت مش شفت صورتك مع عصفور
بقى كنتم واقفين ومستخبيين ورا الناس
ماشية معاك يا عم

*****************

صاحب المضيفة
الف شكر ليك يا باشا ولتشريفك الكريم
قلى هو انت في الصورة ابو نضارة ولا اللى من غير نضارة

*************

انسانه
اهلا وسهلا بزيارتك الجميلة
الواحد بيسعد لما بيشوف وجوه جديده
ربنا يكرمك
وشكرا لزيارتك


************

عاشقة النقاب
والله لسه جاي من مدونتك
معلش تتعوض العدد الجاي
ونشوف حضرتك والاستاذ خالد واسراء طبعا
بارك الله فيكم

tota said...

بقو بيتسموا اغبياء الناس اللي بتمثل الوصايا دي وبتقوم بيها
بوست جميل سلامي ليك وكل الود

الباحث عن الحقيقة said...

توته
مش مهم يتسموا ايه
كلام الناس مش هو اللى راح يسعدنا
المهم نعمل الشئ اللي يريح ضميرنا ونفسيتنا
شئ نحبه
ونخلص له
واحنا عارفين اننا بنعمل عمل سامي
تحياتى وشكرا لزيارتك

اهو ده عيبه said...

وصايا جميلة فعلا
بس مين يقدر ينفذها كلها ؟

ياريت نقدر

تحياتى لك

الربان said...

تحياتي

اخي العزيز....بارك الله فيك علي هذه الوصايا...و كتاب المفكر الاسلامي الكبير
خالد محمد خالد...رحمه الله...

جزاك الله الخير كله اعمه و اكمله...و شملك برضاه...

تحياتي و تقديري

Soooo said...

ربنا يباركلك ياباحث

والله شوية وصايا لو عملنا بيها هنبقى فل الفل

بمناسبة الوصايا .. وصيلي على شندوشت فول من ابو اتنين مليم .. بس اتوصى شويه

ملحوظه
انت غريب قوي ياعم الباحث
اه والله غريب .. لما ابقى منزل مواضيع غير المذكرات ماتجيش .. وتيجي ساعة لما انزل حلقه من المذكرات تقول مش عارف ايه .. غريب غريب

ربنا يسعدك ويكرمك ويبسطك ويوفقك ويرضيك دنيا وآخره يارب



سلاموووووووووز

appy said...

ايه ده الوصايا الجامده دى وبعدين انا تقولى احمل كتاب مش كنت تقول كنت جبت كام مركبه تحمل من هنا
تسلم ايديك بس لو سمحت لو سمحت
مش عاوزين استنكراد تانى فى المشاريب الناس بتشتكى

سومه...مجنونه فى بلد عاقل said...

شكرا على الافاده عسقل
مع انى بدات اتلخبط فى اسماءك الكتيره
اللى عاوز وصايا حقا يقرا الحديث النبوى والقران وصاياه حقيقه بس انا بحس الناس بتتقبل الوصايا من بعضهااكتر ما بتتقبلها من ربنا معرفش ليه ربنا يهدى الجميع ويهدينا
سومه_87

سومه...مجنونه فى بلد عاقل said...

ممكن توضحوا وتبطلوا تلخبطونى دى مدونه باحث ولا عسقلان وباحث وعسلان له بيردوا على بعض بدال بعض ساعات انا معنديش غير شعره بينى وبين الجنون اهى طارت الله يسامحكم

ابن حـجـر الـعـسـقـلانـى said...

أختنا سومة

معلش .. سببنالك شوية لخبطة

كل الموضوع و ما فيه هو إن "الباحث عن الحقيقة" أو (أحمد) هو صاحب المدونتين

أما أنا "ابن حجر العسقلانى" أو محمد فبشاركه فى كتابة المواضيع

و معذرة على اللخبطة

sebofy7alo said...

أول تعليق
الوصايا دي جميلة جدا وعميقة أوي.
وكان ليا تعقيب عن الجملة اللي تحت صورة فرنسا هانم
كلمة man جمعها menومفيش أس
أنا حبيت بس أوضح علشان محدش يفتكر ان مان بيتحطلها أس في الأخر وهى منتشرة اليومين دول
أرجو أنك متزعلش مني
سلام
sEBOFY7ALO

mero-moory said...

السلام عليكم ورحمة الله وبركاته

بجد وصايا جميلة ومفيدة كتييييييير أنا استفدت منها كتير وربنا يقدرني وألتزم بيها كلها
جزاك الله خيرا على عرضها

سررت بوجودي في مدونتك:)

Jana said...

اتمنى ان التزم بببعضها ..وهى

"ارتكب أنظف الأخطاء" ...
فأنا اكره ادعاء المثالية

"ابحث عن الدروب غير المطروقة" ..
حيث اعشق التميز..وان لم اكن متميزة

"تقبل وجودك وطوره" ..
فدوما اسعى الى الرضا ... دوما

"واترك للوجود شذاك" ..
هذا ما حققه هو بوصاياه لنا ..رحمة الله عليه
علنا يوما نترك ذات التأثير

جزيل الشكر على التدوينة
وعلى وضعك اللينك

بت خيخة وأى كلام said...

الله الله الله الله
ربنا يباركلك يا معلم باحث
والله احسنت الاختيار

اسمحلى هابقى احط لينك البوست ده عندى

تحياتى ليك
اختك خيخة

بلغ سلامى لعسقول

الفاتح الجعفري said...

اخي الباحث
ربنا يحفظك ويبارك فيك
كلمات رائعة جدا ماشاء الله
رحم الله الاستاذ خالد محمد خالد
كان قلب يكتب
جزاه الله كل خير عن الاسلام والمسلمين
وجزاكم الله كل خير

قلوب حائرة said...

بتيهلي الوصايا دي محتاجنها قوي في الوقت ده غير اي وقت متشكرة جدا للمقتطفات من كتاب خالد محمد خالد ... لقيتك مش باين من فترة قلت اجي ازورك يارب تكون بخير

صاحب المضيفة said...

الباحث عن الحقيقة


شكرا يا باشا

لكن مش قايلك برضو

لازم تخمن من نفسك يا كبير



تحياتي

funckydoctor said...

شكرا
كلام مميز
تحياتى

son's egypt said...

السلام عليكم
فعلا وصايا المفروض الواحد يفهما كويس جدا
ويعي معانيها

ahmd ebn om ahmd said...

أحسنت الإختيار ففعلاً تلك الوصايا نافة جداً وتدوينة رائغة
------------------------------------
وأتمنى إنك تشرفنى فى مدونتى

المـــفـــــــقــــــــوعـــــة مــرارتـهــا said...

اختيار موفق لوصايا رائعة يارب نستفيد بيها

بت خيخة وأى كلام said...

انا بمسى التماسى اجدع تماسى
احسن تقولوا ان انا ناسى



خيخة تنادى عسقول
هل تسمعنى
حول

ايه الاخبار يا عسقول
وعايزين جديدك يا باشا
وسلامى لمعلم الباحث

جنّي said...

السلام عليكم
قلت اجي هنا يمكن ألاقيك
لقيت فراغ ..
بس الوصايا رائعة ليتني أطبقها ..
الله يرحم الشيخ خالد
رد يا أبو حميد قول الو

الطائر الحزين said...

لا تجعل على عينيك عصابة ولا على قلبك كمان

فرنسا هانم said...

اعذرونى
لانكم اتنين مفروض اكتب تعلقين
لكن ارضوا بقليلكم
تسجيل حضور
وسلام
لاخى ابن حجر العسقلانى
واخى الباحث عن الحقيقه

فرنسا هانم said...

اعذرونى
لانكم اتنين مفروض اكتب تعلقين
لكن ارضوا بقليلكم
تسجيل حضور
وسلام
لاخى ابن حجر العسقلانى
واخى الباحث عن الحقيقه

قلب أبيــض said...

السلام عليكم


اولا
مدونة رائعة

ووصايا

ياريت كلنا نعمل بيها

نزود عليها



واوزود انا واحدة من عندى ماشى بيها


معلش ..تقبلوها


دا عشم طبعا


الوصية بتقول


عش مع الامل ..فلا الم مع الامل


ارق تحياتى

قلب ابيض

اوعى تفكر said...

الوصايا جميله جدا
بالذات الوصيه التاسعه كانت هايله
شكرا ياذوق على الكتاب

mayada said...

اقرأ في غير خضوع , وفكر في غير غرور , وأقتنع في غير تعصب
وحين تكون لك كلمة , واجه الدنيا بكلمتين

جميله الوصايا
بس في مشكله انا لما باجي احمل الكتاب بيحمله
علي الادوبي مش بيسيف

الشنكوتي الكبير said...

..............................
الوصية السابعة
اقرأ في غير خضوع , وفكر في غير غرور , وأقتنع في غير تعصب
وحين تكون لك كلمة , واجه الدنيا بكلمتك

جميله قوي الوصايا كلها ودي اكتر حاجه اتأملت فيها وعجبتني قوي

كل جزء فيها لوحده عايز قعده

انا لقيت الناس كلها بتقول العسقلاني العسقلاني قلت اجي اتعرف بالعسقلاني
شرفت بمعرفتك وبزيارت مدونتك الرائعه
سلمت يداك

سلااااااااااااااااااااام

د/أبويحيى وادم said...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

monaliza said...

اولا احييك جدا على امانة النشر
ثانيا جزاكم الله خيرا على اختيارك لهذه الوصايا وعلى تحميل الكتاب

عاشقه الفردوس said...

حلوه الوصايا دي


سلامي

كاتب مصري said...

هل يمكن أن أدعوك لزيارة مدونتي المتواصعة ..مع أني أطلب هذا الطلب على استحياء لأن هذه زيارتي الأولى لك ولكن سيكون هناك ود بين المدونتين
تحيتي
مدونتي هنا
http://kanyatklam.blogspot.com/