Wednesday, June 25, 2008

رسول الله ..تسمحلي اكون من أحبابك؟

مالكم فيه ايه؟
مستغربين العنوان ولا ايه؟.. بلاش الري اكشنات الغريبة اللي على وشوشكم دي
بصوا بقى ..معادش فيه وقت للهزار ولا للشعارات
يعني مش هنقول بنحب النبي عليه الصلاة والسلام ونسكت
وبنتعامل مع ذكر اسمه زي الماكينات لو حد داس على زرار تشتغل
ناس كل علاقتها بالنبي انه لما يذكر اسمه تقول عليه الصلاة والسلام
من اليوم يا شباب ..لازم النبي يدخل حياتنا بشكل فعليييييي..اتكا اوي على الياء
اجعل النبي يدخل حياتك خليه صديقك , ابوك , اخوك , جارك , شخص معدي جنبك في الشارع , شخص ركبت جنبه في مواصلات

ازاي ؟؟؟؟؟
خلي كل معاملتك مع الناس دي حط النبي في ذهنك
يعني عامل صديقك زي ما النبي قال ..بكده تبقى انت من احباب النبي
يقول النبي فيما معناه
اشتقت الى احبابي
قال الصحابة : أولسنا احبابك يا رسول الله ؟ قال : بل انتم أصحابي
احبابي هم قوم يأتون بعدي يؤمنوا بي ويصدقوا بي ولم يروني
وهذا الحديث او ما معناه اشتهر على الالسنه ولكني لم اجده في كتب السنة
وهذا الحديث التالي اكثر تثبيتا في كتب السنة
عن أنس بن مالك قال
قال رسول الله صلى الله عليه وسلم
وددت أني لقيت إخواني قال فقال أصحاب النبي صلى الله عليه وسلم
أوليس نحن إخوانك قال أنتم أصحابي ولكن إخواني الذين آمنوا بي ولم يروني
مسند احمد بن حنبل
عامل اخوك زي ما النبي قال وحط في ذهنك انك بتتعامل بسنة النبي وكما فعل النبي
عامل ابوك , جارك , عابر سبيل ..خلي ذهنك كله وحياتك وتفكيرك هو النبي عليه الصلاة والسلام
ادخل بيتك .وقلد النبي شوف النبي في بيته كان بيعمل ايه ..كان بيساعد اهل بيته ازاي
هتقولي صعب
هقولك لانك مش بتطبق منهج كامل ..يعنى لما تبقى في بيتك بتقتدي برسول الله ..وفى عملك بتقتدي بالمنافقين شئ طبيعي انك مش هترتاح لان شخصيتك مزدوجه
لما تقلد النبي في جزء وجزء لا ..هتتعب ويبقى صعب فعلا
ما جعل الله لرجل من قلبين في جوفه
يبقى لما تلتزم تلتزم صح
حد يكره انه يكون عايش حياته وبيتصرف تصرفات نبي
طيب ساكت ليه؟
هتقولي يعني هبقى انا لوحدي وسط المجتمع اكيد هضعف
هقولك على حاجه ..لما تكون انت كويس ..هتجبر الناس تعاملك كويس
يعني انت مثلا قاعد في مكان دلوقتي مع صحابك وقاعد تقول نكته قبيحه
لو جه صاحب لكم زيه زيكم كده فريش وكول هتكمل عادي كلامك
لو اللى جه ده شخص محترم مش هقولك متدين ودقنه مترين ..شخص بس محترم هتسكت زي التلميذ الخايب
ايه اللى خلاك تسكت ..احترام الشخص ده لذاته وعدم ضعفه للاخرين
بيبقى عندك جار ..راجل طيب كده وامير ومحترم وحاطط كرسي في الشارع قدام بيته ولا صاحب دكان وقاعد قدام دكانته وماسك سبحه ولا مصحف وقاعد يقرا في حاله
لو انت معدي وبتتريق وصوتك عالي في الشارع وماشي تضحك زي الراقصات اول ما تلحمه وقبل المسافه بينك وبينه تقرب .. بتروح معدل نفسك ومبطل ضحك وان كنت بتتكلم مع حد بتسكت او بتوطي صوتك لغاية ما تعديه

يبقى ما تقولش اخاف ألتزم احسن مقدرش وهبقى انا وحدي وسط الناس اكيد هضعف
لا ياخويا بطل حجج ..شوف انت سلوكك مع المحترمين والملتزمين ازاي .. هم برضه اللي زيك حاليا هيعملوا معاك لما تلتزم زي مانت بتعمل مع الملتزمين

يلا بينا ندخل على رسول الله ونقوله يا رسول الله محتاجينلك في حياتنا
رسول الله ..ممكن نكون من احبابك؟
طبعا ممكن ..بأننا نكون محبين لسنته صلى الله عليه وسلم ومتبعين لها
والحياة مع رسول الله مش هتكون خنقه ولا تزمت ولا ...زي ما كتير بيتصور
دي حياة عادية جدا
اه عاديه جدا
طبعا انت بتصلي ..طيب مش مطلوب منك غير المعاملة الصادقة والكلمة الطيبة مع كل شخص تقابله
فاكرين قصة التلاته اللى راحو سألوا عن اخلاق النبي فواحد فيهم قال انا اصوم الدهر ولا افطر والتاني قال وانا اقوم الليل ولا انام ..والتالت كان بيتلكك باين قال وانا لا اتزوج النساء
النبي اول ما عرف بكده .. قال دي مش سنتي واللى يعمل كده يبقى خرج عنها
انا بصوم وبفطر واقوم الليل وانام واتزوج النساء
حياة عادية طبيعيه لشخص بيعمل عبادته مش منظره ولا لمجرد انه يقلد حد ..ده عايز يقرب من ربنا
طبعا القصة فيما معناه وكلنا عارفينها
تعالوا بقى ندخل حياة رسول الله
تعالوا نضحك معاه , ونبكي معاه , ونتعلم الجد منه , ونشوف الحب في حياته كان ازاي
موقف مضحك

الموقف ده خلاني ضحكت ضحكت يعني بصوت عالي وقمت من مكاني وانا بضحك

مشهد ضحك خرافي بصراحه ولا السينما


لما كان رسول الله صلى الله عليه وسلم بالطائف قال إنا قافلون غدا( يلا بينا يا رجاله ونرجع بكره) إن شاء الله

فقال ناس من أصحاب رسول الله صلى الله عليه وسلم لا نبرح ( لا يا رسول الله مش هنمشي غير لما نعلم الناس دول الادب ) أو نفتحها

فقال النبي صلى الله عليه وسلم فاغدوا على القتال قال فغدوا فقاتلوهم قتالا شديدا وكثر فيهم الجراحات

فقال رسول الله صلى الله عليه وسلم إنا قافلون غدا ( شكلكم تعبتم يلا بينا يا رجاله ونرجع بكره) إن شاء الله

قال ( الرجاله محطتش منطق ..الناس اتعورت وانجرحت) فسكتوا

فضحك رسول الله صلى الله عليه وسلم

صحيح البخاري - كتاب الادب باب الضحك والتبسم
الابتسامه مش بتفارق وجه النبي

ما رأيت أحدا أكثر تبسما من رسول الله صلى الله عليه وسلم
صححه الالباني - مختصر الشمائل المحمدية


رسول الله يسلم على الاطفال

عن أنس بن مالك أن رسول الله صلى الله عليه وسلم مر على غلمان فسلم عليهم
صحيح مسلم - باب استحسان السلام على الصبيان
ويهرز مع الاطفال

عن أنس بن مالك يقول
كان رسول الله صلى الله عليه وسلم يخالطنا حتى يقول لأخ لي صغير يا أبا عمير ما فعل
النُّغَيْرُ
قال وكيع يعني طيرا كان يلعب به
سنن ابن ماجه
بيشيل العيال الصغيره

عن عائشة أم المؤمنين أنها قالت
أتي رسول الله صلى الله عليه وسلم بصبي فبال على ثوبه فدعا بماء فأتبعه إياه
صحيح البخاري
ما تقومش حد وتقعد مطرحه

عن النبي صلى الله عليه وسلم قال لا يقيمن أحدكم الرجل من مجلسه ثم يجلس فيه
صحيح مسلم - كتاب السلام
خجل النبي

كان رسول الله صلى الله عليه وسلم أشد حياء من العذراء في خدرها وكان إذا كره شيئا عرفناه في وجهه
صحيح مسلم
كان يقعد مع اصحابه يدردشوا ويهزروا

عن سماك بن حرب قال
قلت لجابر بن سمرة أكنت تجالس رسول الله صلى الله عليه وسلم قال نعم كثيرا كان لا يقوم من مصلاه الذي يصلي فيه الصبح حتى تطلع الشمس فإذا طلعت قام وكانوا يتحدثون فيأخذون في أمر الجاهلية فيضحكون ويتبسم صلى الله عليه وسلم
صحيح مسلم
ما بيحبش التشدد

صنع النبي صلى الله عليه وسلم شيئا فرخص فيه فتنزه عنه قوم فبلغ ذلك النبي صلى الله عليه وسلم فخطب فحمد الله ثم قال ما بال أقوام يتنزهون عن الشيء أصنعه فوالله إني لأعلمهم بالله وأشدهم له خشية
صحيح البخاري
بيحترم كل الناس
بحسب امرئ من الشر أن يحقر أخاه المسلم
صحيح مسلم
مش بيحب ابو وشين
عن أبي هريرة أن رسول الله صلى الله عليه وسلم قال إن من شر الناس ذا الوجهين الذي يأتي هؤلاء بوجه وهؤلاء بوجه
صحيح مسلم
مش بيحب يدعي على حد

عن أبي هريرة قال
قيل يا رسول الله ادع على المشركين قال إني لم أبعث لعانا وإنما بعثت رحمة
صحيح مسلم
بيحب تربية البنات

قال رسول الله صلى الله عليه وسلم من عال جاريتين حتى تبلغا جاء يوم القيامة أنا وهو وضم أصابعه
صحيح مسلم
بيساعد زوجته

عن الأسود قال سألت عائشة
ما كان النبي صلى الله عليه وسلم يصنع في بيته قالت كان يكون في مهنة أهله تعني خدمة أهله فإذا حضرت الصلاة خرج إلى الصلاة
صحيح البخاري
بيعزم جيرانه ويدوقهم من اللي طابخينه

عن أبي ذر قال
قال رسول الله صلى الله عليه وسلم يا أبا ذر إذا طبخت مرقة فأكثر ماءها وتعاهد جيرانك
صحيح مسلم
بيهزر مع اصحابه

عن أنس بن مالك : أن النبي صلى الله عليه وسلم قال له : يا ذا الأذنين
قال أبو أسامة : يعني يمازحه
صححه الألباني - مختصر الشمائل
ها يا شباب ويا بنات .. قلتم ايه؟
فيه حاجه صعبة؟
يلا بينا نجعل رسول الله في حياتنا ونكون من احبابه..بأننا نتبع سنته
تعالى في كل موقف في حياتك وافتكر رسول الله كان بيعمل ايه؟
جرب الموضوع ده مع نفسك كده اسبوع .. كل موقف ..كل فعل اسأل نفسك رسول الله كان بيعمل ايه في نفس الموقف ؟ هتلاقي نفسك اتعودت بعد كده
أبتسم في وجه الناس ..حبا في رسول الله
ساعد زوجتك ..حبا في رسول الله
اشترك معنا في حملة ..حبا في رسول الله
اضغط على اللينك وشارك معانا بنحاول نكون اخوان لرسول الله باحياء سنته في حياتنا
ودي الحملة على الفيس بوك
ودي حملة مجداوية ضد افلام العري والشذوذ

أضغط لتحميل كتاب الرحيق المختوم ..في السيرة النبوية


49 comments:

بنت الصالحين said...

بسجل حضور بس لاني متاكده اني هتاخر شويه

بس اكيد الموضوع رائع


السلام عليكم

لحظة said...

جزاك الله خيرا
يارب نتعلم سنه النبي صلى الله عليه وسلم لكي نتبعه على هدى

الباحث عن الحقيقة said...

عاشقة الفردوس
جزاكم الله خيرا
دايما سباقه
بارك الله فيكم
ومنتظر اشوف رأيك

********

لحظة
اهلا وسهلا بحضرتك
جزاكم الله كل خير على المشاركة والتشجيع والدعوة
بارك الله فيكم

Mostafa Abdelmoneam Badr said...

بسم الله والصلاة والسلام على رسول الله
أخى العزيز أحمد
السلام عليكم ورحمة الله
اللهم لك الحمد حمدا كثيرا طيبا مباركا فيه والصلاة والسلام عليك يا حبيبى يارسول الله.اللهم صلى وسلم وبارك على سيدنا محمد وعلى آله وصحبه وذريته الى يوم الدين وبعد

وصلتنى رسالتك فوجدتها قيمة المقصد نبيلة الهدف
إلا أن لى مأخذا أرجو أن تعيننى بصبرك على إدراك غايته.

أما بعد
فنحن ولله الحمد جزء عزيز على رسول الله صلى الله عليه وسلم وهو القطاع العريض الذى وصفه بالمحبة وعبر عن شوقه اليهم حيث قال لأصحابه"اشتقت إلى أحبابى"صلى عليك الله يا حبيبى كما شوقنا اليك
أما الصحبة فى هذا الأمر فهى مرتبة أخشى أن يختلط فيها الأمر علينا فنضل شيئا ولو قليلا عمن قال فيهم الهادى البشير عليه صلوات الله وتسليمه"لا أنتم أصحابى"نعم هو تصنيف الحبيب الهادى عليه صلوات الله وتسليمه.وتلك هى اللغة التى منها فهمنا وتفاهمنا ومعرفتنا.ولربما هناك مغزى لا نفهمه فى كثير من الأمور فلنصدع بما نؤمر ولنبحث عن الفوائد من بعد الطاعة الكاملة لما قد علمناه وتثبتنا صدقه وأدركنا فهمه.
بيد أننى أشيد بالأمر الذى جمعتنا لأجله وأحترم النظرة وأذكر أيضا قول رسول الله صلى الله عليه وسلم حين سأله أمين الوحى معلما أصحاب رسول الله صلى الله عليه وسلم أمور دينهم"وما الإحسان؟" فقال رسول الله صلى الله عليه وسلم"هو أن تعبد الله كأنه تراه فإن لم تكن تراه فهو يراك" وهى منزلة عظيمة قد صنفها علماء السلوك والتصوف بأنها أسمى درجات العبادة وصطلحوا عليها منزلة المراقبة.
فعلينا أن نعيش مع رسول الله إن كنا فاعلين من منطلق "إشتقت الى أحبابى " ولنشتاق ولنذوب حبا فى رسول الله الذى قال لسيدى ابن الخطاب عمر رضى الله عنه "لا يكتمل إيمانك حتى اكون احب اليك من نفسك التى بين جنبيك" إذن فلنغوص فى بحور الحب والشوق لعلنا نصير من الاحباب الذين اشتاق حبيبهم اليهم.
هذا من حيث الشكل أما من حيث المضمون فإنى مؤيد بشدة لكل كلمة قد كتبتها ومستفيد من المضمون استفادة عظيمة وليعيننى الله على مراقبته جل شأنه ومراقبة الحبيب صلى الله عليه وسلم

تقبل تحياتى
وسأتجه الى الرابط حالا

nigro said...

طيب تصدق بالله انت أول ما قلت " هتقولي صعب و أنا هأبقى لوحدي" .. في عقل بالي قولت آآه أهو جابه لنفسه
بس بجد اندهشت من الأمثلة اللي انت جايبها .. إزاي الواحد ماكنش بيبص لها من المنظور ده
بجد يا أحمد أنا في حياتي ما قرأت مقالة دعوية فيها كم تشويق و متعة و تخليك مش عاوزها تخلص زي
بجد انت أسلوبك في الدعوة رهييييييب
ربنا يباركلك يا أحمد
و مشكور جدا على الكتاب اللي أنا أساساً كنت بأدور عليه و كان نفسي يبقى عندي
و طبعاً كان فيه قبله الوصايا العشر للدكتور خالد محمد خالد
بسم الله فلنبدأ تغيير النية
" رسول الله .. ممكن نكون أصحاب؟ "
صلى الله عليه و سلم

اللهم اجعل هذا العمل خالصاً إليك و اجعله في ميزان حسنات القائمين عليه

وفقكم الله

سلام

الباحث عن الحقيقة said...

مع اصراري
اديني غيرت العنوان والمحتوى
رغم اني اقصد المعنى انه يكون قريب في حياتنا جدا زي اصدقائنا

**********

نيجرو

معلش مصطفى هو اللى خلاني عملت التعديل
وشكرا لكم جدا
هلحق المغرب علشان بيدن

Empress appy said...

طيب عارف والله انت حد كويس قوي للدعوه للناس ده اللى كتا بطلبه من ناس كتير الترغيب لا الترهيب با خساره مش همسك فى خناقك المره دي ههههههه
لا استني شوفت قولت ايه عن مساعده الزوجه ركز بقى فيها هههههههههههه
ربنا يجازيك خير يا رب يا ابني عاوزين نشوفك مع عسقول انزل بقى مره

la3lahakhier said...

السلام عليكم
اولا لازم فريق حبا فى رسول الله وخاصة محامى الحملة يكون عنده حسن ظن بكل المسلمين فما بالك بفريقه ؟!!!!!!!!
عندى ضيوف وحبا فى رسول الله الذى امر باكرامه اعتذر عن القراءة واسجل حضور وارجع اقرأ

Anonymous said...

ذي ما قالت "آبي " باضيف عليه كلامك سلس و خفيف و فكرته عميقه

حبا فى رسول الله بقي ابحث عن حقيقه معامله النساء تحت رايه الاسلام و يكون بوست ذي ده كده سهل وواضح

و ضيف ان الاسلام منهج حياه
و ما بيحكمش علي حد بمظهره و بعلمه و ماله و نسبه ما بيحكمش علي حد فى المطلق

لا فرق بين عربي و أعجمي الا بالتقوي
و التقوي دي ربنا اللي يحاسبنا عليها احنا كل اللي نمسك فيه ان الدين المعامله فنتقي ربنا في المعامله للأخر

وشكرا علي بوست جميل جدا و خفيف

الباحث عن الحقيقة said...

آبي
والله بتسعدني زياراتك اوي يا ابي
خاصة لما بتكون زيارة خالية من العنف
خالية من الكلوليسترول
وبعدين مش هنزل القاهره غير لما تديني الامان
وعاشقة تفتشك احسن تكوني مخبيه ساطور وكام كيس في الشنطة

***********

لعلها بخير
ولي يا به خلينا نشوف الناس اللى قرت
اباي عليكي قال مشغوله قال
طب ماهون انتي مشغوله علشان تجهزي محاضرات زي اكده
ولا علشان تقولي بعد اكده انه توارد خواطر وانك مكنتيش بتقري عندي ولا حاجه
لما نشوف

*************

ايمان
انا عايز اشكرك الاول على نشاطك ومجهودك الكبير في الحملة
انتي اشجع من نابليون عبد الحميد بونابرت
شكرا لزيارتك وتعليقك الجميل

الساحرة said...

ايه الجمال دة يا ابني


بجد اسلوبك هايل

بالرغم اني عارفه اغلب الاحاديث

اللي قلتها لكن حسيت اني بسمعها

لاول مرة

ياريتنا كلنا نبقي من احباب رسول الله

مجداوية said...

السلام عليكم
الله الله
اللهم صل وسلم وبارك على خير خلق الله سيدنا محمد ابن عبد الله ومن عاداه هالك
ايه الجمال ده
الاستراحة نورت بذكر خير خلقه وما أجمل ما كتبت وبسطت المعنى
ربنا يبارك فيك أخى الباحث
ولا تعرف مدى سعادتى
ولا توجد كلمات تعبر
!!!
صلوا عليه وسلموا تسليما

جنّي said...

أبو حميد

السلام عليكم

لسه( دوبي ) مخلص من ساعة.. أنهينا النتائج وستعلن غدا يعني إرهاق شديد من أجل ذلك سأتركك لكي أنام وسأحضر صباحا إن شاء الله ..

وسأروي لك قصة عن النبي صلى الله عليه وسلم مع سيدنا علي .. كان النبي صلى الله عليه وسلم يأكل تمرا مع علي .. وكان علي يضع النوى أمام النبي .. فقال على للنبي أأكلت كل هذا التمر ؟ فداعبه النبي وقال له : وأنت أأكلت التمر بالنوى ؟

سلام مؤقت

الباحث عن الحقيقة said...

الساحرة
طنط جت
منوره رغم اني توقعتك تتأخري كالعادة الوحشة اللى تعلمتيها اليومين دول
التأخير

يا استاذه الحديث عن رسول الله هو اللى بيخلي الانسان يبدع
فلو كلنا حبينا رسول الله راح نبدع في تعاملنا مع منهجه

************

مجداوية
الله الله
يا بركة النبي
اجمل تعليق لحضرتك في الاستراحة
اسعدتيني جدا ربنا يسعد قلبك
انا اشتركت في الفيس بوك وانضميت لمجموعتك
وكنت سعيد لما شوفت مجموعات دينية كتير
الحمد لله فقيه صحوه
وفخر لنا ولحضرتك انك تكوني مشاركة وصاحبة جروب واحنا ننضم معاكي

***********

جني ابو السيد
ايه الجمال ده
طب مش فاكر المصدر
اللهم صلي على النبي
كان سريع البديهة وحس الدعابه جاهز وحاضر
روح نام يا عم
احلام سعيده
ونتايج اسعد
خلي الناس تدعيلكم
وشكرا لحرصك على زيارتنا

Mony said...

جزاك الله خيرا علي التذكرة

بس يا رب نكون من احبابه


و مانتكسفش منه يوم القيامة بأعمالنا
(انا بتكلم عن نفسي)


موضوع جميل بطريقة اجمل

بنت الصالحين said...

يااااااااااااااارب ننول شرف اننا نكون من احبابه


تري هل نكون فعلا من احبابه؟؟؟

بجد موضوع رائع

وطريقته سهله (علشان محدش يتحجج بصعوبه لاالفاظ) وكمان علشان الكل يشارك


كويس فكرتني علشان اشتري كتاب الرحيق المختوم باذن الله

لاني مش بحب القراءه ع النت


جزاك الله خيرا في ميزان حسناتك
رزقك الله الاخلاص

الباحث عن الحقيقة said...

موني
بارك الله فيكم
وشكرا على الزيارة
وتقبل الله دعواتك
شكرا

************

جاية بعد غياب تكتبي سطرين
ماشي

احنا بنحاول دايما تكون طريقتنا سهله لان الدين مش ( كلاكيع) وكلام مقعر محتاجين قواميس علشان نفهمه
الدين سلوك ومعامله طيبة

حملي يلا الكتاب
وابقى اشتري على مهلك
وشكرا على تواصلك الدائم معنا كصديقه للبرنامج بتابعنا بأخلاص
تقبلي تحياتي

la3lahakhier said...

عاشقة الفردوس ايه اخبار الترجمة حبيبتى ؟
فينك احنا ان شاء الله حنتجمع بكرة باذن الله ابعتيلى ايميل طمنينى عليك

بنات افكارى said...

السلام عليكم

اللهم صلى وسلم وبارك عليه
كيف حالك ياأخي لعلك بخير ان شاء الله شكلي كدا اتاخرت شوية ولا ايه معلش لسه جاية من ا لقاهرة اوعى اكون اتاخدت غياب انا جيت اهو

ماشاء الله يافندم موضوع شيق جدا واسلوب حضرتك كالعادة شيق اكتر ربنا ينفع بيك ويجعلك مسلم نافع لغيره دائماواللهم اوردنا حوضه واجعله شفيعا لنا يوم الفناء اللهم امين
ويارب اجعلنا جميعا من احبابه هو اكيد هايسمح بس ياترى احنا نستاهل ؟

تعرف حضرتك مرة فى المسجد بسال البنات لو دلوقتي زارنا النبي صلى الله عليه وسلم تفتكرو هايكون حالنا ايه وهايكون حاله بينا ايه قالولي هايزعل مننا اوي قولتلهم طيب ولما احنا عارفين انه هايزعل مننا ليه مانحاولش نرضيه استعداد لزيارته لينا فى اي وقت وبدئنا قبل مانعمل اي حاجة او اي تصرف نفكر لو النبي شافنا هايرضى عنا ولا هايزعل مننا بجد بدئنا نتحكم فى تصرفاتنا شوية يمكن اللي قدر يطبق دا بناتي الصغيرين اكتر علشان لسه فطرتهم نقية ودا اللي كلام حضرتك اكدهولي واللي حسيته ان حضرتك كمان تقصد ترجعنا لفطرتنا اللي ربنا خلقنا عليها بدون كذب وبدون نفاق وبدون حقد على بعض بدون ذنوب ومعاصي اللي كتير بئا بيعملها عن عمد وهو واثق ان دا ذنب معاملتنا اللي بقت للاسف بتخلي الناس تنفر مننا وبتخلي اعدائنا يتجرؤ علينا اكتر لازم فعلا نجعله صلى الله عليه وصلم نصب اعيننا فى كل وقت نقتدي به فعلا قبل قولا لو كنا بنحبه فعلا وفعلا كلا يعامل بمعاملته محدش هايتعامل مع الناس بصدق واخلاص واخلاق طيبة وهايلاقي العكس منهم دا احنا لما بنتعامل مع ناس لو هما قمة فى دنو الاخلاق وتعاملت معاه كويس هايحاول على قد مايقدر يعاملك كويس فعلا احنا مفتقدين اخلاق النبي فى وسطينا مفتقدينه فى كل حاجة ليه مانختارش ولو صفة او عمل لمدة اسبوع نستمر عليه ونغيره فينا حبا فى رسول الله انا بحاول اجهز ان شاء الله لبوست للحمله بس افوق شوية من امتحان امبارح والله المستعان وبمناسبة المواقف الطريفة للرسول صلى الله عليه وسلم
كان في موقف جميل له مع زوجاته
امنا عائشة وامنا سودة بنت زمعة

كان فى احدى الجلسات بينهم وكانت تجلس هي والسيدة سدوة والنبي بينهم فاكانت عملاله اكله معينة وجايباها فاقالت للسيدة سودة كلي فارفضت قالتلها هاتكلي ولا الطخ وجهك فارفضت فاراحت حطت ايدها فى الطبق وملطخة وجهها فاضحك صلى الله عليه وسلم وراح حاطت يد امنا سودة فى الطبق وقالها الطخي انتي كمان وجها وضحك صلى الله عليه وسلم وبعد كدا مر سيدنا عمر فانادى وافتكره هايدخل فاقلهم قومو اغسلو وجوهكم نص الحديث بئا

عن عائشة رضي الله عنها قالت اتيت النبي بخزيرة قد طبختها له فقلت لسودة والنبي بيني وبينها كلي فأبت فقلت كلي او لالطخن وجهك فأبت فوضعت يدي فى الخزيرة فطليت وجهها فضحك النبي فوضع بيده لها وقال لها (الطخي وجهها) فضحك
النبي فمر عمر فقال ياعبد الله ياعبد اللهفظن انه سيدخل فقال قوما فاغسلا وجوهكما فقالت عائشة فمازلت اهاب عمر لهيبة رسول
صدق رسول الله صلى الله عليه وسلم
شوف لو حصل موقف زي دا بين اتنين الويمن دول هايفضلو يتخانقو ويخنقوه معاهم لحد مايطيلقهم الاتنين ويخلص نساء اخر زمن صحيح
جزاكم الله خيرا يافندم مرة تانية على كلامك ونصائحك وربنا يعينا جميعا على التنفيذ والاقتداء به فى كل وقت ويجعل اعمالك كلها خالصه لوجهه الكريم ويرزقك الاخلاص ان شاء الله انا رغيت كتير شكلي كدا اشوف بئا موضوع الفيس بوك اللي ماكنتش ناوية اشترك فيه لكن حبا فى رسول الله نشترك وعلشان الحملة والترجمة ان شاء الله وماتنساناش يافندم من دعائك ولك مثله ان شاءالله
ومعذرة للاطاله

السلام عليكم

بنات افكارى said...

صحيح نسيت اقول لحضرتك ان انا طبعا ماكنتش اقصد كلمة عيل دي ولا اسمح لنفي انها تتوارد على ذهني اصلا حضرتك اكبر من كدا انا كنت اقصد (طفل) ماكنتش عايزة اقول كدا بس بوضح لحضرتك وطبعا فى فرق جامد بين الكلمتين اقصد طفل علشان تاكد الصفة اللي بتحملها معنى الابوة واللي مش عارف بئا اقولها صراحة كفاية كدا اعرفها حضرتك لوحدك وبعدين بتعملو مشروع كتاكيت عندنا فين اوعى يكون فى بني سويف
انا بقالي فترة كده حاسة بنقص كتاكيت فى البلد عموما انا رجعت فى كلام ونويت اعمل مشروع الم البيض من البلد شوفو بئا هاتجيبو كتاكيت ازاي
ربنا يسعدك يافندم والله حتى وحضرتك مش فى المود بس يارب يخفف عنك ويزيح مااهمك وما أغمك ويعينك على توصيل الرساله ويحسن نيتك دايما ان شاء الله وكويس ان حضرتك بدئت بالعتاب لانه خير وسيلة لنمو الحب فالله بين الناس ودليل على حرص حضرتك على زوراك يلا كفاية

السلام عليكم

Empress appy said...

طيب اديتك الامان
تعالى بقى نشوفك
بس بينى وبينك هو فيه حاجه مش هديلك فيها الامان حركات الاطفال بتاعتى اسأل عسقول عليها يعنى لازم نرحب بيك بمقلب كده ههههههههههههههههه

الباحث عن الحقيقة said...

بنات افكاري
انا هعيط
ايه ده كله
لو بتجاوبي كده في الامتحان يبقى اطمن عليكي
شكرا على تعليقاتك
انا قريت البوست عندك وتعليقك هنا
تعليقك هنا احلى طبعا
الموقف ده جميل بين السيدة عائشة والسيدة سودة
لكن انا محبتش اركز على جانب معين علشان ما اكترش يعنى من كل مجال في الحياة ذكرت موقف يبين انه كان عايش حياته طبيعي صلى الله عليه وسلم

وشكرا على استحاسنك للموضوع والاسلوب
وبعدين انا مش زعلان من كلمة عيل دى انا اللى قلتها بقصد دعابة واقصد معنى طفل
اه انا طفولي شوية كتير خاصة في عصبيتي عصبي زى الاطفال
وكتير من تصرفاتي طفوليه مشاغبه
والحمد لله الاطفال بيحبوني وبناخد على بعض بسرعة
متشكرين على الزيارة وركزى في الامتحانات
امتحاناتك طولت ليه كده
بالتوفيق ان شاء الله

الباحث عن الحقيقة said...

آبي

ما بلااااااش
ابعدي عن سكة المحامين والمقالب احسنلك
طييييييب
سيبيني افكر ..وهنشوف
ال مقلب ال
انتى ما تعرفيش وقعتي مع ميييين

حنين.. said...

جزاكم الله خيرااااااااااااا على البوست. ربنا يجعله فى ميزان حسناتك, بحييييييييك على البوست كمان, تقبل مرورى.

جنّي said...

السلام عليكم

طبعا ستقول لماذا لم أحضر صباحا كما وعدت .. ولكني تركتك أمس ونمت مثل القتيل ولم أستيقظ إلا في السادسة صباحا فصليت ونمت مرة أخري ولم أستيظ إلا على رنين المحمول من المدير في العاشرة صباحا لمراجعة النتائج وتدقيقها وظللنا حتى الثالثة عصرا .. نهايته التمس لي عذرا ..

الموضوع ممتاز وكأني أجلس معك على المسطبة أمام الدار ونتسامر في سيرة الحبيب صلى الله عليه وسلم ..
كلام من القلب للقلب عدل ..

ما بيحبش التشدد

عن عائشة رضي الله عنها أنها قالت
ما خير رسول الله صلى الله عليه وسلم بين أمرين إلا أخذ أيسرهما ما لم يكن إثما فإن كان إثما كان أبعد الناس منه وما انتقم رسول الله صلى الله عليه وسلم لنفسه إلا أن تنتهك حرمة الله فينتقم لله بها )

حقوق الجار :

عن عمرو بن شعيب ، عن أبيه ، عن جده ، أن رسول الله صلى الله عليه وسلم قال : « من أغلق بابه دون جاره مخافة على أهله وماله فليس ذاك بمؤمن ، وليس بمؤمن من لم يأمن جاره بوائقه (1) ، أتدري ما حق الجار : إذا استعانك أعنته ، وإذا استقرضك أقرضته ، وإذا افتقر عدت عليه ، وإذا مرض عدته (2) ، وإذا أصابه خير هنأته ، وإذا أصابته مصيبة عزيته ، وإذا مات اتبعت جنازته ، ولا تستطيل عليه بالبناء تحجب عنه الريح إلا بإذنه ، ولا تؤذيه بقتار قدرك إلا أن تغرف له منها ، وإن اشتريت فاكهة فاهد له ، فإن لم تفعل فأدخلها سرا ، ولا يخرج بها ولدك ليغيظ بها ولده ، أتدرون ما حق الجار ، والذي نفسي بيده ما يبلغ حق الجار إلا قليلا ممن رحم الله » فما زال يوصيهم بالجار حتى ظنوا أنه سيورثه
شعب الإيمان للبيهقي

بيحب تربية البنات
الجنة لمن يعول جاريتين
فما بالك لو كانوا ثلاثة

اللهم ارزقنا الجنة

خطأ مطبعي :

وماشي تضحك زي الراقصات اول ما تلحمه وقبل المسافه بينك وبينه تقرب

تلمحه وليس تلحمه

السلام عليكم

جنّي said...

تحديث

قصة علي رضي الله عنه مع النبي صلى الله عليه وسلم سمعتها من عمرو خالد .. أما التخريج لو مصصم أبحث .. ولا أقولك أبحث أنت ..

حديث عائشة ( ما خير رسول الله صلى الله عليه وسلم بين أمرين إلا أخذ أيسرهما ما لم يكن إثما في صحيح البخاري )

محمد فوزي said...

الباحث عن الحقيقه وابن حجر العسقلاني
ادعوكم للمشاركه في المصالحه التي ادعو اليها عندي في مدونتي وشكرا

الباحث عن الحقيقة said...

حنين
شكرا لزيارتك
وسعيد بتواصلك معنا

*******

جني
ما تيجي تكتب مكاني احسن وانا اروح
:)

الله ينور يا ريس
مانا عارف انه كله عارف
احنا بس بننوع ونلقي الاضواء والناس تبحث وتقرا وتدور

حاضر قصة النوى هتدور عليها
اصل محسوبك لسه منزل ويندوز

وكمان عامل تحديث للتعليق
مش بقولك شكلك حاطط عينك على المنصة
اتفضل يا استاذ واحنا هنركن على جنب


************
محمد فوزي
والله زمان يابو فوزي
حاضر يا استاذنا من عنينا
انا كنت قريت نصه والجهاز عمل ريستارت علشان كنت لسه بسطب برامج جديده
وحقيقي موضوعك حلو
هروح اكمله ان شاء الله

Unknown said...

ماشاء الله عليك
من اجمل كتب السيرة النبوية كتاب الرحيق المختوم اللى
بتدعوا لتحميلة

كل الاحترام لك

shaimaa elgarhy said...

ما أجمل حديثك عن أجمل الخلق...

اسلوبك بجدجميل جداً

وما خرج من القلب يدخل القلب

يعنى كلامك دخل قلبى بسرعه من اول كلمه قولتها

وانتى بتحكى وبتتكلم حسيت فعلاوتخيلت انى قاعده مع حبيبى صلى الله عليه وسلم واخيراً تجمعنا بعد طول انتظار وكأنه غاب عنى طويلا مع أن المحبوب لا يغيب عن حبيبه ولوحتى طرفه عين وعرفت اد ايه انا مشتاقه له وبمجرد احساسى بوجوده جنبى حسيت انى مرتاااااااحه اوى وجلست قليلا مع نفسى

قبل ماكتب التعليق وفضفضت معاه شويه كده

بس مش هقولك بقه قولنا ايه ؟؟

لو قعدت معاه ابقى قولى؟؟

بس بجد احنا محتاجين انك تتكلم اكتر من كده علشان نقدر نحس اكتر واللى ييجى يقول حاجه عن حبيبنا نحط صوابعنا فى عينه ...كده وكده يعنى..علشان رسول الله مأ مرناش بكده ولا ايه؟

بس على الاقل بيقى عندنا الردالكافى لعل يأتى منهم من يكون عوناً لنا

والله المستعان

جزاك الله كل خير...
كل احترامى وتقديرى

الباحث عن الحقيقة said...

love River
نهر الحب
اشكرك لزيارتك نورت المدونة

*********

شيماء الجارحي
اهلا باول زيارة لحضرتك في الاستراحة
تعلقيك جميل اوي
والحمد لله اني قدرت احرك شئ جواكي خلاكي تقعدي معاه وتحكي معاه

من التعليقات اللي اسعدتني لانه بيخليني احس اني قدرت اجعلكم تتأملوا في سيرة المصطفى صلى الله عليه وسلم
خالص الشكر والتقدير

mohammed alsha3r said...

بحبك وحبك في قلبي كبير
ونهجك طريقي فى سفرى الطويل

في نومي وقومي بصلي عليك
ونفسى ياطه ارد الجميل


ياهادى الحيارى لدنيا الايمان
ياواخد بايدينا لبر الامان

وجبنا نطيع ونسمع كلامك
وننشر رسالتك فكل مكان

ياساكن بطيبه عليك السلام
محمد يارحمه لكل الانام

رسالتك دليلنا في ليلنا الطويل
وفيها المحبه وفيها السلام

يارب الشفاعه وحسن القبول
ونظرة وشربه بإيد الرسول


.. بهذة الكلمات أهديها لكم ورسول الله ولحملتكم

خواطر رئيس شاب said...

عليه افضل الصلاة والسلام

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

والله يا سيدى حب رسول الله صلى الله عليه وسلم يملأ قلوب الناس ولكن شغلتنا الدنيا عن اتباعه وجعلتنا من المقصرين فى حقه حتى استهزأ به المستهزئين

موناليزا said...

جزاكم الله خيرا وجعل عملك هذا فى ميزان حسناتك
وتقبل الله منا ومنكم صالح الاعمال

صاحب المضيفة said...

بوركت على طرحك الجميل

ربنا يكرمك يارب ونعمل بذلك فس حياتنا كلها دايما يارب


تحياتي

Asmaa mahaba said...

جزاك الله كل خير وجعله فى ميزان حسناتك
تحياتى ليك سومه_87

اهو ده عيبه said...

احييك على الموضوع وجزاك الله خيرا
سنة الرسول عليه الصلاة والسلام فعل وعمل وليست مجرد اقوال وده اللى الناس لازم تفهمه
لازم يفهموا ان تبسمهم صدقه وان الرفق واللين فى المعاملة لن ينتقص من قدرهم
وان الرسول الكريم كان خيرنا لاهله واشياء كثيرة جدا لا يسع الوقت لذكرها
احييك على المبادرة واتمنى اننا نقدر نكون فعلا من احبابه

تحياتى لك

Anonymous said...

فعلا الحياه حلوه وبسيطة لو اتبعنى الرسول صلى الله ععليه وسلم

جزاك الله خيرا

جنّي said...

الموضوع الخاص بأخلاق النبي صلى الله عليه وسلم مشاركة في الحملة تم رفعه إلى المدونة الآن .. وهو بعنوان ( حبا في رسول الله .. كن على أخلاقه )

ليتك تراه

Anonymous said...

الموضوع جميل والاسلوب بسيط وسلس جدا فجزاك الله خيرا

وأنا احب اضيف جزء بسيط لو تسمح لي
أولأ احب اذكر نص الحديث بالظبط لاني عندي تعليق بسيط على جزء فيه

حدثنا عبد الله حدثني أبي حدثنا هاشم بن القاسم حدثنا حسن عن ثابت عن أنس بن مالك قال:
-قال رسول الله صلى الله عليه وسلم وددت أني لقيت إخواني قال فقال أصحاب النبي صلى الله عليه وسلم أوليس نحن أخوانك قال أنتم أصحابي ولكن إخوتي الذين آمنوا بي ولم يروني.

الرسول عليه افضل الصلاة والسلام بيقول علينا اخوانه يااااه دا الموضوع كبير جدا ومسؤلية رهيبة يعني أنت وأنا وكل مسلم أحنا أخوان الرسول عليه الصلاة والسلام يعني أحنا بنمثله احنا واجهة له لأننا اخوانه تخيل بقى سلوكك لازم يبقى عامل ازاي لو حطيت في دماغك إنك واجهة للرسول؟ طب في حاجة ثاني مهمة جدا أوعى تنسى إن كل مسلم هو كمان من أخوان الرسول طب بالله عليك هتتعامل مع أخو الرسول ازاي ؟؟؟؟ يااااااه دانا أحطه فوق رأسي واعامله أحسن معاملة دا مش أي حد دا أخو الرسول عليه أفضل الصلاة والسلام

أعتقد لو حطينا الأفكار دي قدام عنينا وقدرنا نغلب نفسنا ونفذناها الدنيا هتكون جنة

doctor mohamad said...

الباحث .. جزاك الله خيرا على طرحك .. و ربنا يعينكم فى حملتكم .. اللى محتاجة نفس طويل جدا .. لإن ببساطة فكرة الحملة نفسها صعب جدا تختزل و تطوى تحت مجرد حملة .. لإن الفكرة نفسها هى أسلوب حياة و منهج تغيير .. صعب جدا تنضغط ف حملة _ إلا إذا كانت حملة طويلة الأمد جدا جدا جدا جدا جدا ..... بجد ربنا يعينكم .. و البوست بداية جيدة لخطوات عديدة منتظرة .. ربنا يعينكم.. أما البوست فأعجبنى فيه إنك أوردت رؤيتك لسنة و أحاديث النبى ص _و لم تورد فقط مجرد قوالب .. فأصبت الهدف ببساطة و سلاسة .. و ربنا يعينكم

la3lahakhier said...

السلام عليكم يا باحث
المهام بدأت والاجتماع الاربعاء ده ادخل اقرأ البوست فى اخبار جمييييييييلة الحمد لله

Doba said...

بسم الله ماشاء الله عليك
ربنا يبارك فيك بجد

تصدق بالله
انا فرحانة بيك قوى

يارب ابنى يبقى عنده رجاحة عقل ويبقى متقرب للنبى كده ويكون قدوته

الباحث عن الحقيقة said...

محمد الشاعر

شكرا على النشيد الجميل وتم توصيله لقيادة الحملة

*********

خواطر رئيس شاب شكرا على الزيارة واعذرنا على التقصير نظرا للانشغال


**********

موناليزا
بارك الله فيكي وجزاكم الله خير


**********

صاحب المضيفة
دايما منورنا يا باشا الف شكر ربنا يكرمك



**********

سومة
شكرا لزيارتك ربنا يبارك في حضرتك
جزاكم الله خيرا


*********

أهو ده عيبه

شكرا على كلماتك الجميلة ودعوتك الطيبه
ربنا يكرمك ان شاء الله هو ده الفهم اللي عايزينه يوصل للناس

**********

همس
شكرا على الزيارة
جزاكم الله خيرا


*********

جني
رحنا يا عم وشوفناه
يا مسهل ونشوف ردك قريب

الباحث عن الحقيقة said...

الاخت / اميرة
حضرتك والله الموضوع مكنش بالشكل ده الاول
واجريت عليه تعديل ودخلت الحديث بناء على اول اقتراح في اول تعليق في الموضوع
وللاسف مكنتش فاكر النص بالظبط
اشكرك على التوضيح وان شاء الله هيتم التعديل
ووحضرتك ما شاء الله لكى نظرة جميلة شرحتيها عن فهمك للحديث
ربنا يكرمك ويبارك فيكي

***********

دكتور محمد
كلماتك في حقي شهادة جميلة اعتز بها
ونصيحتك بخصوص الحملة وطولة البال في محلها طبعا
جزاكم الله خيرا
والف شكر

*********
لعلها خير
شكرا على التبليغ
تمت زيارة مدونتك


********

دوبا
الله يكرمك يا رب
ويفرحك بابنك على الوجه الذي يرضى الله ورسوله ويرضيكم
هو اسمه يحي صح
انا فاكر ان شاء الله
ربنا يخيلكي ويبارك فيكى وفيه

Soooo said...

والله العظيم انا باحبك

ايوه صح
هو ده الاسلام وهو ده سلوك سيدنا محمد عليه الصلاة والسلام

ربنا يبارك فيك يارب

ربنا يسعدك ويكرمك ويبسطك ويوفقك ويرضيك دنيا وآخره يااااااارب




سلاموووووووووووز

الباحث عن الحقيقة said...

يا حبيبي يا سو ربنا يخليك
فرحت قلبي بزيارتك دي
ربنا يفرح قلبك

أمل فتحى عزت said...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

abrianatakamoto said...

The Online Casino | Top Bet - Kadangpintar
Bet online at 온카지노 Kadangpintar Casino. We offer the best in online casino gaming. Play 제왕카지노 casino games with real dealers and win big! 카지노사이트