تحديث
الإجابة فى الآخر
------------------
الإجابة فى الآخر
------------------
لماذا ؟
Why ?i
أيوة .. هو السؤال كدة بس .. مجرد أداة استفهام
السؤال اللى فات دة سأله أحد الأساتذة لطلبته فى الجامعة فى أحد الامتحانات ..بعض الطلبة حصل على امتياز .. و بعضهم حصل على جيد .. و بعضهم حصل على مقبول .. هل حد يحب يجاوب ؟؟؟ .. و هل هاتحصل على امتياز و لا مقبول ؟؟
السؤال اللى فات دة سأله أحد الأساتذة لطلبته فى الجامعة فى أحد الامتحانات ..بعض الطلبة حصل على امتياز .. و بعضهم حصل على جيد .. و بعضهم حصل على مقبول .. هل حد يحب يجاوب ؟؟؟ .. و هل هاتحصل على امتياز و لا مقبول ؟؟
ملاحظات
ا- اللى يحب يجاوب .. ياريت يجاوب السؤال فى ذهنه الأول قبل ما يقرا تعليقات الآخرين عشان ما يتأثرش بإجاباتهم (دة لو حد علق أصلا)
ب- النتيجة هاكتبها ان شاء الله بعد تلات أيام مثلا دة لو التعليقات قليلة فى الأول .. لو التعليقات كتيرة هاكتب النتيجة بعد أسبوع عشان اللى يحب يجاوب يلاقى فرصة
ج- اللى عارف الإجابات مسبقا يا ريت ما يجاوبش .. لأنه هايبوظ اللعبة .. ممكن يكتب فقط إنه عارف الإجابة
د- السؤال فى الأصل بالانجليزى .. اللى يحب يجاوب بالعربى أو الانجليزى .. يجاوب
-------------------
الإجابة
-----
السؤال دة سأله أحد أساتذة الفلسفة لطلبته .. بجد يا جماعة و مش هزار
بعض الطلبة كتبوا أى أسئلة بس بتبتدى بـ"لماذا؟" و راحوا مجاوبين عليها .. و دول أخدوا أقل تقدير .. مقبول
إيييه .. فكرتونى بالمقبول اللى كان لازق فيا أيام الكلية
.
.
.
البعض الآخر من الطلبة لما شافوا السؤال مجرد كلمة
ًلماذا؟
Why?i
جاوبوا بكلمة واحدة .. هى
لأن
Because
و دول أخدوا تقدير جيد
إيييييه فكرتونى بالجيد اللى كنت باشبرق نفسى لما باجيبها
.
.
.
واحد فقط من الطلبة لما شاف السؤال مجرد كلمة
لماذا؟
Why?i
جاوب و قال
لماذا لا!
Why not!i
و دة أخد تقدير امتياز
إييييه .. فكرتونى بالامتياز اللى كان أعز من لبن العصفور
الكلام اللى فات دة كله ليه ؟؟
نلاحظ من الإجابتين الأولانيين إن الطلبة كلهم اتعاملوا مع السؤال بخوف .. و جاوبوا و هم خايفين من الدكتور
أما الإجابة الأخرانية .. فالطالب اتعامل بندية مع الدكتور .. و من الآخر .. رمى الكورة فى ملعب الدكتور و قلب الترابيزة عليه
الطالب دة الوحيد اللى تخلص من قيد الإجابات النمطية .. و شغل قدرته على الإبداع و بالفعل كسب الموقف كله .. و النوعية دى من الناس قليلة جدا .. إييييييه .. كان نفسى أبقى منهم .. أصل أنا جاوبت الإجابة بتاعة الجيد
كدة بعد ما جاوبت على السؤال .. يبقى كدة أنا فى حل من الرد على تعليقاتكم .. نيهاهاهاهاها
ياللا يا جماعة .. أشوفكم أمس
--------
ملاحظة: أنا أخدت بالى إنى فكرت فى التدوينة العجيبة دى بعد رجوعى من زيارة دار المسنين اللى فى الخانكة .. و كمان خيخة عملت تدوينة كاتبة فيها "ريان يا فجل" برضه بعد ما رجعت من زيارة دار المسنين اللى فى الخانكة
أنا مش عارف اللى بيروح هناك بيحصل له إيه ؟؟ المشكلة إن خيخة المرة الجاية .. رايحةالدار و معاها حوالى خمستاشر بنت .. يا رب يرجعن بالسلامة و بكامل عقلهن
الإجابة
-----
السؤال دة سأله أحد أساتذة الفلسفة لطلبته .. بجد يا جماعة و مش هزار
بعض الطلبة كتبوا أى أسئلة بس بتبتدى بـ"لماذا؟" و راحوا مجاوبين عليها .. و دول أخدوا أقل تقدير .. مقبول
إيييه .. فكرتونى بالمقبول اللى كان لازق فيا أيام الكلية
.
.
.
البعض الآخر من الطلبة لما شافوا السؤال مجرد كلمة
ًلماذا؟
Why?i
جاوبوا بكلمة واحدة .. هى
لأن
Because
و دول أخدوا تقدير جيد
إيييييه فكرتونى بالجيد اللى كنت باشبرق نفسى لما باجيبها
.
.
.
واحد فقط من الطلبة لما شاف السؤال مجرد كلمة
لماذا؟
Why?i
جاوب و قال
لماذا لا!
Why not!i
و دة أخد تقدير امتياز
إييييه .. فكرتونى بالامتياز اللى كان أعز من لبن العصفور
الكلام اللى فات دة كله ليه ؟؟
نلاحظ من الإجابتين الأولانيين إن الطلبة كلهم اتعاملوا مع السؤال بخوف .. و جاوبوا و هم خايفين من الدكتور
أما الإجابة الأخرانية .. فالطالب اتعامل بندية مع الدكتور .. و من الآخر .. رمى الكورة فى ملعب الدكتور و قلب الترابيزة عليه
الطالب دة الوحيد اللى تخلص من قيد الإجابات النمطية .. و شغل قدرته على الإبداع و بالفعل كسب الموقف كله .. و النوعية دى من الناس قليلة جدا .. إييييييه .. كان نفسى أبقى منهم .. أصل أنا جاوبت الإجابة بتاعة الجيد
كدة بعد ما جاوبت على السؤال .. يبقى كدة أنا فى حل من الرد على تعليقاتكم .. نيهاهاهاهاها
ياللا يا جماعة .. أشوفكم أمس
--------
ملاحظة: أنا أخدت بالى إنى فكرت فى التدوينة العجيبة دى بعد رجوعى من زيارة دار المسنين اللى فى الخانكة .. و كمان خيخة عملت تدوينة كاتبة فيها "ريان يا فجل" برضه بعد ما رجعت من زيارة دار المسنين اللى فى الخانكة
أنا مش عارف اللى بيروح هناك بيحصل له إيه ؟؟ المشكلة إن خيخة المرة الجاية .. رايحةالدار و معاها حوالى خمستاشر بنت .. يا رب يرجعن بالسلامة و بكامل عقلهن
21 comments:
انا عارفة الاجابة
ومش هاقولها علشان مابوظش اللعبة
وش واحدة خيخة بتغمز
سلام يا عسقول
اختك خيخة
سلملى على الباحث وقوله فين الشرابات
هي البت بتاعة الفجل دي جايه تبيع هنا
عملتي ايه في الواد يا خيخه
الواد جاي من الخانكة يقول لماذا
ربنا يستر
طبعا علشان انتم اتنين مجانين فاهمين بعض
اوكي
كان عندي واحد صاحبي مهندس لاسع كان يقولي اول ما حد يقولك هواي ؟ قوله بيكوز على طول
سلام
ربنا يشفي
سؤال محرج مجاوبش عليه
طيب كله يبص في ورقته مبقاش 25 سنه خدمه في المدرسه وكل يوم اخد سندوتشات جبنه وابري في القلمه الرصاص لما اتهريت
افتكر الاجابه عن السؤال ده هتكون استفسار عن اكتر حاجه مدايقه الانسان في حياته
مثلا ليه فلان عمل معايا كده
ليه اخدوا فلوسي وضحكوا عليا
لو عرفت اجابه تانيه هقول على طول
هذاكر شوية واجي
الباحث عن الحقيقة
ياريتك كنت معانا
كنت هتهيس احلى تهيس
والله اليوم كان ناقصك
فين الشرابات؟
والله يا خيخه انا محتار
اجيبلك الشرابات فردة ولا اجيب اتنين
وهل لو جبت اتنين اجيبهم نفس اللون ولا كل فردة شراب بلون
اممممم
عسقول معايا على الماسنجر بيقولي هاتلها فردة رجالي وفرده حريمي
الواد باظ خالص يا خيخة منك لله
:(
المشكلة ايه يا عسقول
إن الواحد مفيهوش دماغ رايقة للإشتغالات دي
طول عمري أكره الغموض و أحب الوضوح
و علشان كده أنا حأنتظر الإجابة النموذجية لما تتنشر
:)
دا تأثير الخانكة باتع
فجل و لماذا
و يا عالم ايه تاني
اه فعلا
قريت عند خيخه انكم راحين ا لخانكه
حتى جوزي قالي لو عايزه تروحي اوديكى وبعدين قالي بلاش العمليه مش ناقصه
بس يا خساااااره كنت مسلفه الساطور لواحده صاحبتي
اجابة السؤال يا سيدى من غير ما نقرا غير رد خيخه عشان هو قدامي
كانت الميس بتاعة الانجليزي زمان تقولي ما دام قال هوااااااي يبقى والاجابه بيكوز على طول طوووول
بس انا كنت باكره بيكوز دي جدا كنت باغلط فى الاسبلنج بتعها وهى اصلها كانت مدرسه غلسه
هههههههههههههههههههه
و أنا اللى كنت داخله أصحيكو
أقولكو خلاص العيد عدا
أنتوا لسه نايمين؟؟؟
اصحوا يا بشر
لقيت انكو تفضلوا نايمين أحسن
ههههههههههههه
هو برغم إن السؤال واضح جدا جداااااااااااااااااااااا
و مش محتاى ااااااااااااى تفكييييييييييييييييييييييير
لكن زى ما بيقولو
السهل الممتنع
بصراحة أنا بردوا أخدت فى المضرسة
إنه لما يقولك هوااااااااااى
تقوله بيكووووز
لكن بما ان الحكاية أفتكاسات
فأنا كبرت الصورة و هى مقلوبة
لقيتها صورة واحد لاوى رجله وراه
تفتكر بيعمل ايه؟؟؟
هههههههههههههههههههه
ممكن تكون دى الاجابة؟؟؟
ياللا سلام
و سلام كمان للباحث
خالص تحياتى
انا عايزة الشراب بتاعي يكون تلات فرد
واحدة كاروهات
والتانية مقلم
والتالتة منقطة
علشان لازم يبقى هو ده الحل علشان هو ده الحال علشان هو ده القدر
لسه عاووز علشان ولا كفايه هههههههههههههه
الله يخرب بيت الهسس
انتم مش حجزوكوا هناك ليه بس
وكنا خلصنا
هو السؤال يبدو كالفزورة الطريفة ..واللى اكيد اجابتها حتكون لذيذة ومفتكسة
لكن اسمحلى اجاوب فى سكة تانية
لأن الله قدّر وما شاء فعل
تحياتى عسقول والباحث
أحلى صباح تهييسي
على أحلى شباب خانكاوية مهسهسيين
:))
طبعا ماينفعش أجاوب زي خيخة
والجميل بقى اني ادخل اقرأ التعليقات
هستمتع كده اكتر
:))
والغريب يا جماعة الخير
مش ان خيخة رجعت م الخانكة تقول
ريان يا فجل
ولا إنك يا عسقوليشن
بتقول
لماذا
الغريب بجد
اني انا لما رجعت من هناك عقلت
الناس دي سرها باتع
زيارة واحده تعمل فيا كده؟
:))
صباحك ورور
مش عارفة
انتو بتتكلماو جد ولا بتهزرو
انا مش عارفة الاجابة
بس لو دكتور استظرف علينا فى الكلية
وقال لماذا
حقوله هكذا كذلك
بص يا عسقول
انا قعدت افكر بجد ان لو حد قالى لماذا؟
هارد عليه وهاقوله لماذا ايه؟
ما هو انا لازم اعرف باقى السؤال علشان اقدر اجاوب
لكن لماذا كدة وخلاص
والنبى لو اتنطط قدامى مش هجاوب برضه
سؤال واحد فقط
لا أرى السؤال !!!
ههههههههههه
يا خيخه
ليه بس كده ما كانت النتيجة هتطلع جيد
شكلك كنت غاوية كحك
ومتجوزه معاكي مادتين
:)
هيييييييييييييييه
اخدت جيد يا جدعان
وهو ده التقدير اللى ماقدرتش اتخطاه
:(
انت خايف على البنات من الخانكه
انا خايف على الخانكة نفسها من خيخه
:))))))
سلام عليكم ورحة الله وبركاته
كل سنة واتنم طيبين ياشباب
اولاً : كلمة " لماذا " حرف عله واللى اي موقعها في اللغة العربية .
ثانياً : اللى اعرفه عنكم انكم متبحرين في موضوع فلسفة الدين الاسلامي وبعض الامور هذه .
فهل قرأتم عن فلسفة كارل ماركس وانجلز المسماة " بالمادية الجدلية" وبعض الفلاسفة الذين تكلموا عن " السببية " وعن " الحتمية " وما الى ذلك من المسميات .
وجميع هذه المشكلات الفلسفية موجود حلها في العقيدة والفكر والدين الاسلامي .
هذا بختصار شديد وليس لأنكم اخذتم السؤال الذي هو " لماذا" على انه سؤال تعجيزي من الاستاذ للطلبة بحيث انه افترض من تلميذ اعطا للمدرس افتراض او نتيجة او فعل عن شي ما .
والمدرس قال له لماذا
بمعني لما افترض هذا الافتراض او توقعت هذا التوقع او استنتجت هذا الاستنتاج أو على هذا الفعل او ........... الخ
فمن الفروض على الطالب ان يرد بالحجة والدليل العقلي والنقلي والعملي الى ذلك من البراهين على الاستاذ
ومع انه لا يوجد سؤال اصلاً بل هو افتراض بانه هناك سؤال فلماذا " لا " وهذا كان رد التلميذ او الطالب .
وهذا هو الرد ببساطة
فنقول اغلق محمد الباب
فرد الاستاذ بكلمة " لماذا " ..؟
فرد عليه بعض الطلبة بكلمة " لأن " .!
وهذا هو السبب
تم بعون الله ومنته "
وفقكم الله ... والسلام عليكم ورحمة الله وبركاته
وليه لأ على رأي اللي قال
هو الواحد ممكن الدنيا تتغير معاه خالص لو فكر للموضوع بشكل مختلف
تحياتي يا عسقول بيه وربنا يكرمك يارب ويعزك
انا كتبت تعليق واجابه من فتره ما ومسحته اصلى افتكرت انك مش الباحث بعدين قلته عادى وايه يعنى الاتنيين اصحاب بعدين افتكرت ان اجابتى متوصلنيش لحاجه غير للبلكونه اشم هوا بصعوبه فقلت انا هخترف هنا وهو اصلا مش الباحث عشان يزحلقهالى فبعد الرغى ده كله رحت للاسف ماسحه التعليق....
وده اساسا عشان كنت متاكده من بعد اجابتى عن الصواب مش خوف منك يعنى...
بس انا عاجبانى الاجابه اليى فى النص فعلا وليه لا...
سلملى على الباحث الا ازى رجله
وازيك اسفه لجهلى التام فى عدم ادراكى لشخصك انا اسفه جدا...
بص عندي يا بشمهندس على بوست القرضاوي عندي كده
في مهندس شيعي عراقي اسمه ناصر رادد رد طويل وحاجة آخر توهان
ياريت تبص عليه و لو امكن ترد عليه لإني بجد مش فاضي له دلوقت
Post a Comment